ಬೆಂಗಳೂರು: ಜನ ಸಾಮಾನ್ಯರು ಮಾತ್ರ ಅಲ್ಲ, ಬೆಂಗಳೂರಿನ ಅಭಿವೃದ್ಧಿ ಹೊಣೆ ಹೊತ್ತಿರುವ ಸಂಸ್ಥೆಯಿಂದಲೇ ಅಕ್ರಮ ನಡೆದಿರುವ ಸ್ಫೋಟಕ ಮಾಹಿತಿ ಬಹಿರಂಗವಾಗಿದೆ. ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ(Rajakaluve Encroachment) ವಿರುದ್ಧ ನಗರದಲ್ಲಿ 2013-2014ರಲ್ಲಿ 23 ಕೆರೆಗಳನ್ನು ಸಂಪೂರ್ಣವಾಗಿ ಒತ್ತುವರಿ ಮಾಡಿರುವ ಆರೋಪ ಕೇಳಿಬಂದಿದೆ.
ಬಿಡಿಎ ಕೆರೆಗಳನ್ನು ಒತ್ತುವರಿ ಮಾಡಿ ಬಡಾವಣೆ ನಿರ್ಮಾಣ ಮಾಡಿ ಕೋಟಿ ಕೋಟಿ ರೂಪಾಯಿಗೆ ಮಾರಾಟ ಮಾಡಲಾಗಿದೆ ಎನ್ನಲಾಗಿದೆ. ಈ ಬಗ್ಗೆ 2015ರಲ್ಲಿ ಒತ್ತುವರಿ ಕಾನೂನುಬದ್ಧಗೊಳಿಸುವಂತೆ ಬಿಡಿಎ ಸರ್ಕಾರಕ್ಕೆ ಪತ್ರ ಬರೆದಿತ್ತು. ನಗರದಲ್ಲಿ ಜೀವಂತವಾಗಿದ್ದ 23 ಕೆರೆಗಳನ್ನು ಮಣ್ಣು ತುಂಬಿ ಬಡಾವಣೆ ನಿರ್ಮಾಣ ಮಾಡಲಾಗಿದೆ. 23 ಕೆರೆ ಕೆಡಿಸಿ 3,530 ನಿವೇಶನಗಳನ್ನು ಮಾಡಿದೆ.
ಇದನ್ನೂ ಓದಿ | ಕರ್ತವ್ಯಕ್ಕೆ ಅಡ್ಡಿಪಡಿಸಿದರೆ ಹುಷಾರ್‌!: ಪ್ರತಿರೋಧದ ನಡುವೆಯೇ Footpath ಒತ್ತುವರಿ ತೆರವು
23 ಕೆರೆಗಳು ಮೂಲ ಸ್ವರೂಪ ಕಳೆದುಕೊಂಡಿದೆ ಎಂಬ ನೆಪಕೊಟ್ಟು ಕೆರೆಗಳನ್ನು ಮುಚ್ಚಿರುವ ಬಿಡಿಎ, 1985ರಲ್ಲಿ ನಡೆದ ಲಕ್ಷ್ಮಣ ರಾವ್ ಸಮಿತಿ ನಡೆಸಿದ ಕೆರೆಗಳ ಸರ್ವೇಗಳ ವರದಿಯ ಆಧಾರದ ಮೇರೆಗೆ ಬಡಾವಣೆ ನಿರ್ಮಾಣ ಮಾಡಲಾಗಿದೆ. ಇದೀಗ ಈ ಕೆರೆಗಳಿದ್ದ ಭಾಗದಲ್ಲಿ ಸಣ್ಣ ಮಳೆಗೂ ಜನರು ಪ್ರವಾಹದ ಭೀತಿ ಎದುರಿಸುತ್ತಿದ್ದಾರೆ ಎನ್ನಲಾಗಿದೆ.
ಬಿಡಿಎ ಒತ್ತುವರಿ ಮಾಡಿರುವ ಬೆಂಗಳೂರಿನ 23 ಕೆರೆಗಳು
- ಗೆದ್ದಲಹಳ್ಳಿ ಕೆರೆ – 126 ನಿವೇಶನ ನಿರ್ಮಾಣ.
- ಚಿಕ್ಕಮಾರನಹಳ್ಳಿ ಕೆರೆ – 115 ನಿವೇಶನ ನಿರ್ಮಾಣ.
- ಬಾಣಸವಾಡಿ ಕೆರೆ – 67 ನಿವೇಶನ ನಿರ್ಮಾಣ.
- ಚನ್ನಸಂಧ್ರ ಕೆರೆ – 222 ನಿವೇಶನ ನಿರ್ಮಾಣ.
- ಶಿನಿವಾಗಿಲು ಅಮಾನಿಕೆರೆ – 486 ನಿವೇಶನ ನಿರ್ಮಾಣ.
- ಬಿಳೇಕಹಳ್ಳಿ ಕೆರೆ – 312 ನಿವೇಶನ ನಿರ್ಮಾಣ.
- ನಾಗಸಂದ್ರ ಚೆನ್ನಮ್ಮಕರೆ – 328 ನಿವೇಶನ ನಿರ್ಮಾಣ.
- ತಿಪ್ಪಸಂದ್ರ ಕೆರೆ (3ನೇ ಹಂತ) – 234 ನಿವೇಶನ ನಿರ್ಮಾಣ.
- ತಿಪ್ಪಸಂದ್ರ ಕೆರೆ (2ನೇ ಹಂತ) – 13 ನಿವೇಶನ ನಿರ್ಮಾಣ.
- ಅಗರ ಕೆರೆ – 113 ನಿವೇಶನ ನಿರ್ಮಾಣ.
- ಎಳ್ಳುಕುಂಟೆ ಕೆರೆ – 161 ನಿವೇಶನ ನಿರ್ಮಾಣ.
- ಕಾಚರಕನಹಳ್ಳಿ ಕೆರೆ – 126 ನಿವೇಶನ ನಿರ್ಮಾಣ.
- ಹುಳಿಮಾವುಕೆರೆ – 153 ನಿವೇಶನ ನಿರ್ಮಾಣ.
- ವೆಂಕಟರಾಯನಕೆರೆ – 130 ನಿವೇಶನ ನಿರ್ಮಾಣ.
- ನಾಗರಬಾವಿ ಕೆರೆ – 37 ನಿವೇಶನ ನಿರ್ಮಾಣ.
- ಚಳ್ಳಕೆರೆ – 71 ನಿವೇಶನ ನಿರ್ಮಾಣ.
- ದೊಮ್ಮಲೂರು ಕೆರೆ – 10 ನಿವೇಶನ ನಿರ್ಮಾಣ.
- ಮೇಸ್ತ್ರಿ ಪಾಳ್ಯ ಕೆರೆ – 23 ನಿವೇಶನ ನಿರ್ಮಾಣ.
- ಬೆನ್ನಿಗಾನಹಳ್ಳಿ ಕೆರೆ – 18 ನಿವೇಶನ ನಿರ್ಮಾಣ.
- ಹೆಣ್ಣೂರು ಕೆರೆ – 434 ನಿವೇಶನ ನಿರ್ಮಾಣ.
- ತಲಘಟ್ಟಪುರ ಕೆರೆ – 94 ನಿವೇಶನ ನಿರ್ಮಾಣ.
- ಕೇತಮಾರನಹಳ್ಳಿ ಕೆರೆ – 230 ನಿವೇಶನ ನಿರ್ಮಾಣ.
- ಮಂಗನಹಳ್ಳಿ ಕೆರೆ – 27 ನಿವೇಶನ ನಿರ್ಮಾಣ.
ಇದನ್ನೂ ಓದಿ | Rajakaluve Encroachment | ರಾಜಕಾಲುವೆ ಒತ್ತುವರಿ ತೆರವು ಕಾರ್ಯಾಚರಣೆಗೆ ಜೆಸಿಬಿ, ಸರ್ವೇಯರ್ ಕೊರತೆ