ಬೆಂಗಳೂರು: ಉದ್ಯಾನ ನಗರಿ ಬೆಂಗಳೂರಿನಲ್ಲಿ ಯುವಕನೊಬ್ಬ ಆತಂಕ ಹುಟ್ಟಿಸಿದ್ದು, ಗನ್ ಹಿಡಿದು ನಗರ ಸುತ್ತಾಟ ನಡೆಸಿದ್ದಾನೆ. ಈಗ ಈ ಯುವಕ ಗನ್ ಹಿಡಿದಿರುವ ಫೋಟೋ ವೈರಲ್‌ ಆಗುತ್ತಿದ್ದು, ಪೊಲೀಸರು ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ.
ನಗರದ ಬನ್ನೇರುಘಟ್ಟ ರಸ್ತೆ ಮಾರ್ಬಲ್ ರಸ್ತೆಯಲ್ಲಿ ಗನ್ ಹಿಡಿದು ಬೈಕ್‌ನಲ್ಲಿ ಹೋಗುತ್ತಿರುವ ವ್ಯಕ್ತಿಯನ್ನು ನೋಡಿದ್ದ ಅಲ್ಕೇಶ್ ಕಲ್ಮ್‌ಕರ್ ಎಂಬುವರು ಅದರ ಫೋಟೋ ತೆಗೆದು ಸಾಮಾಜಿಕ ಜಾಲತಾಣದ ಮೂಲಕ ಬೆಂಗಳೂರು ಸಿಟಿ ಪೊಲೀಸ್ ಪೇಜ್‌ಗೆ ಪೋಸ್ಟ್ ಮಾಡಿದ್ದರು.
ಇದನ್ನು ಗಮನಿಸಿದ ಆಡುಗೋಡಿ ಪೊಲೀಸರು ಆ ಪೋಸ್ಟ್ ಅನ್ನು ರೀಪೋಸ್ಟ್‌ ಮಾಡಿ ಸಾರ್ವಜನಿಕವಾಗಿ ಗನ್ ಹಿಡಿದು ಓಡಾಡುತ್ತಿರುವ ವ್ಯಕ್ತಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಇನ್ನೂ ಯುವಕನ ಪತ್ತೆಯಾಗಿಲ್ಲ. ಆತ ಹಿಡಿದುಕೊಂಡಿರುವುದು ನಿಜವಾದ ಗನ್ ಆಗಿತ್ತೇ ಅಥವಾ ಸುಮ್ಮನೆ ಶೋಕಿಗಾಗಿ ನಕಲಿ ಗನ್ ಹಿಡಿದುಕೊಂಡಿದ್ದನೇ? ಎಂಬುದು ಪೊಲೀಸರು ವಶಕ್ಕೆ ಪಡೆದುಕೊಂಡ ಮೇಲೇ ತಿಳಿದುಬರಬೇಕಿದೆ.
ಇದನ್ನೂ ಓದಿ| ಮಹಿಳೆಗೆ ಚಿನ್ನದ ಸರ ಮರಳಿಸಿ ಪ್ರಾಮಾಣಿಕತೆ ಮೆರೆದ ಗನ್ ಮ್ಯಾನ್, ಕಮೀಷನರ್‌ಗೆ ಪತ್ರ ಬರೆದು ಪ್ರಶಂಸೆ