ಬೆಂಗಳೂರು: ಸಹೋದ್ಯೋಗಿ ತನ್ನ ಪತ್ನಿಯ ಜತೆ ಫೋನ್‌ನಲ್ಲಿ ಮಾತನಾಡುತ್ತಿದ್ದಾಗ ವಿಡಿಯೋ ಕಾಲ್ ಮಾಡುವಂತೆ ಬೇಡಿಕೆಯಿಟ್ಟ, ಆತ ನಿರಾಕರಿಸಿದಾಗ ಅವನ ಎದೆಗೇ ಕತ್ತರಿಯಿಂದ ಇರಿದ ಘಟನೆ ನಡೆದಿದೆ.
ಹೆಚ್ಎಸ್ಆರ್ ಲೇಔಟ್‌ನ ಲೆನಿನ್ ಶೋ ರೂಂನಲ್ಲಿ ಈ ಘಟನೆ ನಡೆದಿದೆ. ರಾಜೇಶ್ ಮಿಶ್ರಾ ಎಂಬವರಿಗೆ ಸುರೇಶ್ ಎಂಬಾತ ಕತ್ತರಿಯಿಂದ ಇರಿದಿದ್ದಾನೆ. ರಾಜೇಶ್ ಹಾಗೂ ಸುರೇಶ್ ಇಬ್ಬರೂ ಲೆನಿನ್ ಶೋರೂಂನಲ್ಲಿ ಕೆಲಸಗಾರರು. ರಾಜೇಶ್ ಮಿಶ್ರಾ ತನ್ನ ಪತ್ನಿಯ ಜೊತೆ ಫೋನ್‌ನಲ್ಲಿ ಮಾತಾನಾಡುತ್ತಿದ್ದ. ಆ ವೇಳೆ ನೀನು ವಿಡಿಯೋ ಕಾಲ್ ಮಾಡು, ನಾನು ಮಾತನಾಡುತ್ತೇನೆ ಎಂದು ಸುರೇಶ್ ಡಿಮ್ಯಾಂಡ್ ಮಾಡಿದ್ದ.
ಇದರಿಂ ಕೋಪಕ್ಕೊಳಗಾದ ರಾಜೇಶ್ ಮಿಶ್ರ, ನನ್ನ ಪತ್ನಿ ಜೊತೆ ಮಾತಾಡೋದಕ್ಕೆ ನೀನ್ಯಾರೆಂದು ಪ್ರಶ್ನಿಸಿದ್ದಾನೆ. ಆ ವೇಳೆ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದಿದೆ. ಜಗಳ ವಿಕೋಪಕ್ಕೆ ತಿರುಗಿ ಅಂಗಡಿಯಲ್ಲಿದ್ದ ಕತ್ತರಿ ತೆಗೆದು ರಾಜೇಶ್ ಮಿಶ್ರಾ ಎದೆಗೆ ಸುರೇಶ್ ಇರಿದಿದ್ದಾನೆ. ರಾಜೇಶ್ ಮಿಶ್ರಾ ಸದ್ಯ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಹೆಚ್ಎಸ್ಆರ್ ಲೇಔಟ್ ಠಾಣೆ ಪೊಲೀಸರು ಸುರೇಶ್‌ನನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ: Crime news: ನಗರದಲ್ಲಿ ಮತ್ತೆ ಪುಂಡರ ಹಾವಳಿ, ಬೀದಿಯಲ್ಲಿ ಥಳಿತ