ಬೆಂಗಳೂರು: ಯುವತಿಯನ್ನು ನಂಬಿಸಿ ಅತ್ಯಾಚಾರ ನಡೆಸಿದ್ದಾರೆ ಎಂದು ಅಂತಾರಾಷ್ಟ್ರೀಯ ಬಾಡಿ ಬಿಲ್ಡರ್‌ ವಿರುದ್ಧ ಅತ್ಯಾಚಾರ ದೂರು ದಾಖಲಾಗಿದೆ.
ಸೈಯದ್‌ ಸಿದ್ಧಿಕ್‌ ಅತ್ಯಾಚಾರ ಆರೋಪಿಯಾಗಿದ್ದು, ಈತ ಎಚ್‌ಬಿಆರ್‌ ಲೇಔಟ್‌ನ ಜಿಮ್‌ ಒಂದರಲ್ಲಿ ತರಬೇತುದಾರ. ತರಬೇತಿ ನೀಡುವ ನೇಪದಲ್ಲಿ ಮಹಾರಾಷ್ಟ್ರ ಮೂಲಕ ಯುವತಿಯನ್ನು ಅತ್ಯಾಚಾರ ನಡೆಸಿರುವುದಾಗಿ ದೂರು ದಾಖಲಾಗಿದೆ.
ಬಾಡಿ ಬಿಲ್ಡಿಂಗ್‌ ಸ್ಪರ್ಧೆಯ ತಯಾರಿಗೆಂದು ಫೆಬ್ರವರಿಯಲ್ಲಿ ಬೆಂಗಳೂರಿಗೆ ಬಂದಿದ್ದ ಯುವತಿ ಹಾಗೂ ಸೈಯದ್‌ ಸಿದ್ದಿಕ್‌ ಇನ್‌ಸ್ಟಾಗ್ರಾಮ್‌ ಮೂಲಕ ಸಂಪರ್ಕಕ್ಕೆ ಬಂದಿದ್ದಾರೆ. ಆ ಸಂಪರ್ಕದ ಮೂಲಕವೇ ಸೈಯದ್‌ ತರಬೇತಿದಾರನಾಗಿರುವ ಎಚ್‌.ಬಿ.ಆರ್‌ ಲೇಔಟ್‌ನ ಜಿಮ್‌ಗೆ ಯುವತಿಯು ಸೇರ್ಪಡೆಯಾಗುತ್ತಾಳೆ. ಈತ ಇಂಟನ್ಯಾಷನಲ್‌ ಬಾಡಿ ಬಿಲ್ಡಿಂಗ್‌ನಂತಹ ಸ್ಫರ್ಧೆಯಲ್ಲಿ ಭಾಗವಹಿಸಿದ್ದು, ವಿಸ್ಟರ್‌ ಇಂಡಿಯಾ, ಮಿಸ್ಟರ್‌ ಏಷ್ಯಾ ಸೇರಿದಂತೆ ಹಲವಾರು ಪದಕವನ್ನು ಪಡೆದಿದ್ದಾನೆ.
ಇದರ ಮೂಲಕವೇ ಹತ್ತಿರವಾಗಿ ನಂತರ ಅತ್ಯಾಚಾರ ನಡೆಸಿದ್ದಾನೆ. ನಂತರ ನನಗೂ ನಿನಗೂ ಸಂಬಂಧವಿಲ್ಲ ಎಂದು ತಿಳಿಸಿದ್ದಾನೆ ಎಂದು ಕಾಡುಗೊಂಡನಹಳ್ಳಿ ಪೊಲೀಸ್‌ ಠಾಣೆಯಲ್ಲಿ ಯುವತಿ ದೂರು ನೀಡಿದ್ದಾಳೆ. ದೂರಿನನ್ವಯ ಕಾಡುಗೊಂಡುನಹಳ್ಳಿ ಪೋಲಿಸರು ಆರೋಪಿಯನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ | Me Too ಆರೋಪ ಸುಳಿಯಲ್ಲಿ ಮಲಯಾಳಂ ನಟ ವಿಜಯ್‌ ಬಾಬು: ನಾನವನಲ್ಲ ಎಂದ ʼಶರಬತ್‌ ಶಮೀರ್‌ʼ