ಪರಪ್ಪನ ಅಗ್ರಹಾರ ಬಳಿಯ ಎಟಿಎಂ ದೋಚಿದ್ದ (ATM Theft) ಗ್ಯಾಂಗ್ನ್ನು ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಜುಲೈ 5ರಂದು ಈ ಎಟಿಎಂನಿಂದ 24 ಲಕ್ಷ ರೂಪಾಯಿ ಕಳವಾಗಿತ್ತು. ಅಂದು ಹೆಲ್ಮೆಟ್ ಹಾಕಿಕೊಂಡು ಬಂದಿದ್ದ ದರೋಡೆಕೋರರು, ಎಟಿಎಂನ ಸೇಫ್ಟಿ ಬಾಗಿಲು ತೆಗೆದು ಅದರಲ್ಲಿದ್ದ 24 ಲಕ್ಷ ರೂಪಾಯಿಯನ್ನು ದೋಚಿದ್ದರು. ಈ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ಆರೋಪಿಗಳಾದ ಮಹೇಶ್, ಅರುಳ್ ಕುಮಾರ್, ನದೀಂ ಮತ್ತು ಶ್ರೀರಾಮ್ ಎಂಬುವರನ್ನು ಪೊಲೀಸರು ಬಂಧಿಸಿದ್ದಾರೆ (ATM Thieves Arrested).
ಜುಲೈ 5ರಂದು ಎಟಿಎಂಗೆ ಹಣ ಹಾಕಿದ್ದ ಕೆಲವೇ ಕ್ಷಣದಲ್ಲಿ ದರೋಡೆಯಾಗಿತ್ತು. ಈ ಅರುಳ್ ಕುಮಾರ್ ಅದರ ಮಾಸ್ಟರ್ ಮೈಂಡ್ ಆಗಿದ್ದ. ಈತ ಸಿಎಂಎಸ್ ಕಂಪನಿಯಲ್ಲಿ ಕಸ್ಟೋಡಿಯನ್ ಆಗಿದ್ದ. ಎಟಿಎಂಗಳಿಗೆ ಹಣ ಹಾಕುವ ಕೆಲಸ ಮಾಡಿಕೊಂಡಿದ್ದ. ಪರಪ್ಪನ ಅಗ್ರಹಾರದ ಬಳಿಯ ಎಟಿಎಂಗೆ ಹಣ ಹಾಕುತ್ತಿರುವ ವಿಷಯವನ್ನು ಮೊದಲೇ ತನ್ನ ಗ್ಯಾಂಗ್ಗೆ ತಿಳಿಸಿದ್ದ. ಅಂದು ಬ್ಯಾಂಕ್ನ ಇತರ ಸಿಬ್ಬಂದಿಯೊಂದಿಗೆ ಅರುಳ್ ಕುಮಾರ್ ಎಟಿಎಂಗೆ ಹೋಗಿ ಹಣ ಹಾಕಿದ ಬಳಿಕ ಮಷಿನ್ನ ಸೇಫ್ಟಿ ಬಾಗಿಲನ್ನು ಸರಿಯಾಗಿ ಹಾಕದೆ ವಾಪಸ್ ಬಂದಿದ್ದ. ಅತ್ಯಂತ ಸೂಕ್ಷ್ಮವಾಗಿ ಈ ಕೆಲಸ ಮಾಡಿದ್ದ.
ಇದನ್ನೂ ಓದಿ: Theft Case: ಭಟ್ಕಳ ಕಳ್ಳತನ ಪ್ರಕರಣದಲ್ಲಿ ಇಬ್ಬರ ಬಂಧನ, 12 ಲಕ್ಷ ರೂ. ಮೌಲ್ಯದ ವಸ್ತುಗಳ ಜಪ್ತಿ
ಹೀಗೆ ಹಣ ಹಾಕಿ ಸ್ವಲ್ಪ ಹೊತ್ತಲ್ಲಿ ಉಳಿದವರು ಇಲ್ಲಿಗೆ ಬಂದಿದ್ದರು. ಅಫ್ಜಲ್ ಅಲಿಯಾಸ್ ನದೀಂ, ಶ್ರೀರಾಮ್ ಮತ್ತು ಇನ್ನೊಬ್ಬಾತ ಮಹೇಶ್ ಬಂದು ಎಟಿಎಂ ದೋಚಿದ್ದರು. ಕಳ್ಳರು ಹೆಲ್ಮೆಟ್ ಧರಿಸಿಯೇ ಬಂದಿದ್ದರು. ಸೇಫ್ಟಿ ಬಾಗಿಲು ಸರಿಯಾಗಿ ಹಾಕದ ಮಾಹಿತಿ ಅವರಿಗೆ ಗೊತ್ತಿದ್ದರಿಂದ ತುಂಬ ಸಲೀಸಾಗಿಯೇ ಕೆಲಸ ಮುಗಿಸಿಕೊಂಡು ಹೋಗಿದ್ದರು. ಆ ಬಾಗಿಲು ತೆರೆದು, ಅದರಲ್ಲಿದ್ದ ಕರೆನ್ಸಿ ಬಾಕ್ಸ್ ಪಡೆದು ಪರಾರಿಯಾಗಿದ್ದರು. ರಾತ್ರಿ ಹೊತ್ತಲ್ಲಿ ಕಳ್ಳತನ ನಡೆದಿತ್ತು. ಇದು ಮರುದಿನವೇ ಗೊತ್ತಾಗಿತ್ತು. ತನಿಖೆ ನಡೆಸಿದ ಪೊಲೀಸರು ಮೊದಲು ಅರುಳ್ ಕುಮಾರ್ನನ್ನು ವಶಕ್ಕೆ ಪಡೆದು, ವಿಚಾರಣೆ ನಡೆಸಿದ್ದಾರೆ. ಇದೀಗ ನಾಲ್ವರ ಬಂಧನವಾಗಿದೆ.