ಚಿತ್ರದುರ್ಗ: ರಾಜ್ಯದ ನಾನಾ ಭಾಗಗಳಲ್ಲಿ ಬೀದಿ ನಾಯಿಗಳ ಆಟಾಟೋಪ ಜಾಸ್ತಿಯಾಗಿದೆ. ಊರೂರಿನಲ್ಲಿ ಮಕ್ಕಳ ಮೇಲೆ, ವೃದ್ಧರ ಮೇಲೆ ಅಟ್ಯಾಕ್‌ ಮಾಡುವುದು ಎಲ್ಲ ಕಡೆ ನಡೆಯುತ್ತಿದೆ. ಚಿತ್ರದುರ್ಗ ಜಿಲ್ಲೆ ಚಳ್ಳಕೆರೆ ತಾಲೂಕಿನ ಬುಕ್ಕಂಬೂದಿ ಗ್ರಾಮದ ಬಳಿ ನಾಯಿಗಳು ದಾಳಿ ನಡೆಸಿದ ಹಿನ್ನೆಲೆಯಲ್ಲಿ ಕೃಷ್ಣ ಮೃಗವೊಂದು (Black buck dead) ಮೃತಪಟ್ಟಿದೆ.
ಬುಕ್ಕಂಬೂದಿ ಗ್ರಾಮದ ಬಳಿಯ ಸಸಿಮರ ಕಾವಲು ಬಳಿ ಘಟನೆ ನಡೆದಿದೆ. ಸಸಿ ಮರ ಕಾವಲು ಅರಣ್ಯ ಭಾಗದಿಂದ ನಾಡಿನ ಕಡೆಗೆ ಬಂದಿದ್ದ ಕೃಷ್ಣ ಮೃಗದ ಮೇಲೆ ನಾಯಿಗಳ ಹಿಂಡು ದಾಳಿ ನಡೆಸಿದೆ.
ಈ ನಡುವೆ, ನಾಯಿಗಳ ದಾಳಿಗೆ ಒಳಗಾದ ಕೃಷ್ಣ ಮೃಗ‌ವನ್ನು ಸ್ಥಳೀಯರು ರಕ್ಷಿಸಿ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ ಸ್ಥಳೀಯ ರೈತರು ಕೂಡಲೇ ಅರಣ್ಯ ಇಲಾಖೆ ಸಿಬ್ಬಂದಿಯನ್ನು ಕರೆಸಿಕೊಂಡು ಪಶು ಇಲಾಖೆಯ ಮೂಲಕ ಕೃಷ್ಣ ಮೃಗಕ್ಕೆ ಚಿಕಿತ್ಸೆ ಕೊಡಿಸಿದರು. ಆದರೆ, ಅಂತಿಮವಾಗಿ ಚಿಕಿತ್ಸೆ ಫಲಿಸದೆ ಕೃಷ್ಣ ಮೃಗ ಮೃತಪಟ್ಟಿದೆ.
ಇದನ್ನೂ ಓದಿ : Street dog attack | 10 ವರ್ಷದ ಬಾಲಕಿ ಮೇಲೆ ಬೀದಿ ನಾಯಿ ದಾಳಿ, ಊಟಕ್ಕೆ ಹೋಗುತ್ತಿದ್ದಾಗ ಅಟ್ಯಾಕ್‌