ಹುಬ್ಬಳ್ಳಿ: ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡಲು ವಿವಿಧ ರೀತಿಯ ಸ್ಟಂಟ್‌ಗಳನ್ನು ಕೆಲವರು ಮಾಡುತ್ತಾರೆ. ಹುಚ್ಚು ಸಾಹಸ ಮಾಡಲು ಹೋಗಿ ಪ್ರಾಣಕ್ಕೆ ಅಪಾಯ ತಂದುಕೊಳ್ಳುತ್ತಾರೆ. ಅದೇ ರೀತಿ ಇಲ್ಲೊಬ್ಬ ಯುವಕ ರೈಲು ಚಲಿಸುತ್ತಿರುವಾಗ ಹುಚ್ಚಾಟ ಆಡಿರುವ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಮಂಗಳೂರಿನಿಂದ ಹುಬ್ಬಳ್ಳಿಗೆ ತೆರಳುತ್ತಿದ್ದ ರೈಲಿನ ಬಾಗಿಲಲ್ಲಿ ನಿಂತು ಪ್ರಾಣಾಪಾಯ ಲೆಕ್ಕಿಸದೆ ಸುಮಾರು ಹೊತ್ತು ಯುವಕ ಹುಡುಗಾಟ ಆಡಿರುವುದು ಕಂಡುಬಂದಿದೆ. ರೈಲಿನ ಬಾಗಿಲಿನಲ್ಲಿ ನಿಂತು ಕೈಗೆ ಸಿಗುತ್ತಿದ್ದ ಗಿಡಗಳ ಎಲೆಗಳನ್ನು ಎಳೆಯುವುದು, ಬಾಗಿಲು ಹಿಡಿದು ಜೋಕಾಲಿ ಆಡುವುದು ಮುಂತಾದ ರೀತಿಯಲ್ಲಿ ಹುಚ್ಚಾಟವಾಡಿದ್ದಾನೆ. ರೈಲು ವೇಗವಾಗಿ ತೆರಳುತ್ತಿದ್ದರೂ ಡೊಂಟ್‌ ಕೇರ್ ಎನ್ನುತ್ತ ಹುಚ್ಚು ಸಾಹಸ ಮಾಡಿದ್ದಾನೆ. ಯುವಕನ ಹುಚ್ಚಾಟವನ್ನು ಸಹ ಪ್ರಯಾಣಿಕ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾನೆ.
ಈ ರೀತಿಯ ಹುಡುಗಾಟ ಆಡಲು ಹೋಗಿ ಪ್ರಾಣಕ್ಕೆ ಅಪಾಯ ತಂದುಕೊಳ್ಳುವುದು ಏಕೆ ಎಂದು ಸಾರ್ವಜನಿಕರು ಬೇಸರ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ | ರಿವಾಲ್ವರ್‌ ತೋರಿಸಿ ಮನೆ ಮಾಲೀಕನಿಂದ ಅತ್ಯಾಚಾರ