ಚಿಕ್ಕಮಗಳೂರು: ಬೆಳಗಿನ ಸಂಜೆವರೆಗೂ ಶಾಲೆಯ ಬಳಿಯೇ ಕ್ಯಾಬ್‌ ನಿಲ್ಲಿಸಿಕೊಂಡು ವಿದ್ಯಾರ್ಥಿನಿಯರ ಜತೆ ಅಸಭ್ಯವಾಗಿ ವರ್ತಿಸುತ್ತಿದ್ದ (harrassment charge) ಕ್ಯಾಬ್‌ ಚಾಲಕನಿಗೆ ಊರಿನ ಜನರೇ ಸೇರಿ ಚೆನ್ನಾಗಿ ಥಳಿಸಿದ್ದಾರೆ.
ಕಡೂರು ತಾಲೂಕಿನ ಸಖರಾಯಪಟ್ಟಣದ ಸಿದ್ದರಹಳ್ಳಿಯಲ್ಲಿ ಘಟನೆ ನಡೆದಿದೆ. ಚಾಲಕ ರಾಜಪ್ಪನನ್ನು ಗ್ರಾಮಸ್ಥರು ಕಂಬಕ್ಕೆ ಕಟ್ಟಿ ಹಿಗ್ಗಾಮುಗ್ಗಾ ಥಳಿಸಿದ್ದಾರೆ. ಚಾಲಕನಿಗೆ ಥಳಿಸುವಾಗ ಕೆಲವರು ಫೇಸ್ ಬುಕ್ ಲೈವ್ ಮಾಡಿದ್ದಾರೆ.
ರಾಜಪ್ಪ ಪ್ರತಿದಿನ ಬೆಳಗ್ಗೆ ಕಡೂರಿನಿಂದ ಸಿದ್ದರಹಳ್ಳಿಗೆ ಶಿಕ್ಷಕಿಯರನ್ನು ಕ್ಯಾಬ್‌ನಲ್ಲಿ ಕರೆತರುತ್ತಿದ್ದ. ಬಳಿಕ ಇಡೀ ದಿನ ಶಾಲೆಯ ಪರಿಸರದಲ್ಲೇ ಓಡಾಡುತ್ತಿದ್ದ. ಹೀಗೇ ಓಡಾಡುತ್ತಿರುವಾಗ ಶಾಲೆಯ ವಿದ್ಯಾರ್ಥಿನಿಯರ ಜತೆ ಅಸಭ್ಯವಾಗಿ ವರ್ತಿಸುತ್ತಿದ್ದ ಎಂಬ ಆಪಾದನೆ ಹಿಂದಿನಿಂದಲೇ ಇತ್ತು. ಶುಕ್ರವಾರ ಈ ರೀತಿ ಅಸಭ್ಯವಾಗಿ ವರ್ತಿಸುತ್ತಿದ್ದಾಗಲೇ ಆತನನ್ನು ಹಿಡಿದು ಚೆನ್ನಾಗಿ ಥಳಿಸಿದ ಊರಿನವರು ಬಳಿಕ ಆತನನ್ನು ಮರಕ್ಕೆ ಕಟ್ಟಿ ಹಾಕಿದರು.
ಸಖರಾಯಪಟ್ಣಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | Cyber Crime | ತನ್ನ ಲವ್‌ಗೆ ಹುಳಿಹಿಂಡಿದವನ ತಂಗಿಯನ್ನೇ ಟಾರ್ಗೆಟ್‌ ಮಾಡಿದಳು; ಇನ್ಸ್ಟಾದಲ್ಲಿ ಫೋಟೊ, ನಂಬರ್‌ ಹಾಕಿದಳು!