ಚಿಕ್ಕಮಗಳೂರು: ಮೂಡಿಗೆರೆ ಬಳಿ ಕಾರುಗಳೆರಡು ಅಪಘಾತಕ್ಕೀಡಾಗಿವೆ. ಅತಿವೇಗದಿಂದ ಓವರ್‌ಟೇಕ್‌ ಮಾಡಲು ಹೋದ ಪರಿಣಾಮ ಎರಡೂ ಕಾರುಗಳು ಫುಟ್ಬಾಲ್ನಂತೆ ಉರುಳಿಕೊಂಡು ಹೋಗಿ ಕಂದಕಕ್ಕೆ ಉರುಳಿವೆ.
ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಗೋಣಿಬೀಡು ಸಮೀಪದ ಜೇನುಕಲ್ ಗ್ರಾಮದ ಬಳಿ ಘಟನೆ ನಡೆದಿದೆ. ಮೂಡಿಗೆರೆಯಿಂದ ಬೇಲೂರು ಕಡೆಗೆ ಹೋಗುತ್ತಿದ್ದ ಎರಡು ಕಾರುಗಳಲ್ಲಿ ಹಿಂದಿನದು ಅತಿವೇಗದಿಂದ ಓವರ್ ಟೇಕ್ ಮಾಡಲು ಹೋದ ಪರಿಣಾಮ ಎರಡೂ ಡಿಕ್ಕಿಯಾಗಿ ನಿಯಂತ್ರಣ ಕಳೆದುಕೊಂಡು ಫುಟ್ಬಾಲ್ನಂತೆ ರಸ್ತೆಯ ಬದಿ ಇದ್ದ ಕಂದಕ್ಕೆ ಉರುಳಿಕೊಂಡು ಹೋಗಿವೆ.
ಅಪಘಾತದ ಭೀಕರತೆ ಸ್ಥಳೀಯರು ಬೆಚ್ಚಿಬೀಳುವಂತಿತ್ತು. ಅಪಘಾತದ ದೃಶ್ಯ ರಸ್ತೆ ಬದಿಯ ಅಂಗಡಿಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕಾರಿನಲ್ಲಿದ್ದ ಪ್ರಯಾಣಿಕರಿಗೆ ಸಣ್ಣ ಪುಟ್ಟ ಗಾಯಗಳು ಆಗಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಗೋಣಿಬೀಡು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.
ಇದನ್ನೂ ಓದಿ: Road Rage Video : ಬಂಡೀಪುರದಲ್ಲಿ ಮಹಿಳೆಯರಿದ್ದ ಕಾರಿನ ಮೇಲೆ ಯುವಕರ ದಾಳಿ!