ತುಮಕೂರು: ಕುರಿಗಳ ಮೈ ತೊಳೆಯಲು ಕೆರೆಗೆ ಇಳಿದ ಯವ ದಂಪತಿ ನೀರಿಗೆ ಬಿದ್ದು ಮೃತಪಟ್ಟ (Couple drowned) ದುರಂತವೊಂದು ನಡೆದಿದೆ. ತುರುವೇಕೆರೆ ತಾಲೂಕಿನ ಮುಗಳೂರು ಗೊಲ್ಲರಹಟ್ಟಿಯ ಕಟ್ಟೆಯಲ್ಲಿ ಪ್ರಾಣ ಕಳೆದುಕೊಂಡ ದಂಪತಿಯನ್ನು ಜುಂಜೇಗೌಡ (30) ಮತ್ತು ಶಿವಲಿಂಗಮ್ಮ(27) ಎಂದು ಗುರುತಿಸಲಾಗಿದೆ.
ಇವರಿಬ್ಬರು ಕೆಲವೇ ವರ್ಷಗಳ ಹಿಂದೆ ಮದುವೆಯಾದವರಾಗಿದ್ದು, ಕೃಷಿ ಚಟುವಟಿಕೆಯಲ್ಲಿ ನಿರತರಾಗಿದ್ದರು. ಅನ್ಯೋನ್ಯವಾಗಿದ್ದ ಅವರು ಜತೆಯಾಗಿಯೇ ಕುರಿಗಳನ್ನು ತೊಳೆಯಲು ನೀರಿನ ಕಟ್ಟೆಗೆ ಹೋಗಿದ್ದರು. ಈ ವೇಳೆ ಕಾಲು ಜಾರಿ ಬಿದ್ದು ಪ್ರಾಣ ಕಳೆದುಕೊಂಡಿದ್ದಾರೆ. ದಂಪತಿ ಪೈಕಿ ಒಬ್ಬರು ಮೊದಲು ನೀರಿಗೆ ಬಿದ್ದಿದ್ದು ಅವರನ್ನು ರಕ್ಷಿಸಲು ಇನ್ನೊಬ್ಬರು ನೀರಿಗೆ ಇಳಿದು ದುರಂತ ಸಂಭವಿಸಿರಬಹುದು ಎಂದು ಭಾವಿಸಲಾಗಿದೆ.
ಮೃತರು ಮುಗಳೂರು ಗೊಲ್ಲರಹಟ್ಟಿ ನಿವಾಸಿಗಳಾಗಿದ್ದು, ತುರುವೇಕೆರೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | Youth Drowned : ತುಂಗಭದ್ರಾ ನದಿಯಲ್ಲಿ ಮುಳುಗಿ ಯುವಕ ಸಾವು; ಸಂಕ್ರಾಂತಿಗೆಂದು ಹಂಪಿಗೆ ಬಂದಿದ್ದಾಗ ದುರ್ಘಟನೆ