ದಾವಣಗೆರೆ: ವಿದ್ಯುತ್ ಆಘಾತ ಉಂಟಾಗಿ (Electrocution) ದಂಪತಿ ಮೃತಪ್ಟ ಘಟನೆ ದಾವಣಗೆರೆ ತಾಲೂಕಿನ ಬಾವಿಯಾಳು ಗ್ರಾಮದಲ್ಲಿ ನಡೆದಿದೆ. ವೀಣಾ(28), ರವಿಶಂಕರ್ (40) ಕರೆಂಟ್ ಹೊಡೆದು ಮೃತಪಟ್ಟವರು. ಬಟ್ಟೆ ಒಣಗಳು ಹಾಕಿದ್ದ ತಂತಿಗೆ ವಿದ್ಯುತ್ ವೈರ್‌ ತಗುಲಿದ ಕಾರಣ ದುರ್ಘಟನೆ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪತಿ ರವಿ ಶಂಕರ್‌ ಅವರು ಬಟ್ಟೆ ತರಲು ಹೋದಾಗ ವಿದ್ಯುತ್ ತಂತಿ ಮುಟ್ಟಿದ್ದರು. ಈ ವೇಳೆ ವಿದ್ಯುತ್ ವಯರ್‌ ಸಂಪರ್ಕ ಆಗಿದ್ದ ಕಾರಣ ಅವರು ಆಘಾತಕ್ಕೆ ಒಳಗಾಗಿ ಚೀರಾಡಿದ್ದಾರೆ. ಅದನ್ನು ನೋಡಿದ ಪತ್ನಿ ವೀಣಾ ಬರಿಗೈಯಲ್ಲಿ ಅವರನ್ನು ಕಾಪಾಡಲು ಮುಂದಾಗಿದ್ದಾರೆ. ಆಗ ಅವರಿಗೂ ಶಾಕ್ ಹೊಡೆದು ಮೃತಪಟ್ಟಿದ್ದಾರೆ.
ಮಾಯಕೊಂಡ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಇದನ್ನೂ ಓದಿ | Accident | ಸವದತ್ತಿಯಲ್ಲಿ ಪೆಟ್ರೋಲ್ ಟ್ಯಾಂಕರ್‌, ಕಾರಿನ ನಡುವೆ ಮುಖಾಮುಖಿ ಡಿಕ್ಕಿಯಾಗಿ ಯುವಕ ಸಾವು