ಹಾಸನ: ಮಗಳನ್ನು ಟ್ಯೂಷನ್ಗೆ ಬಿಡಲು ಹೋಗಿದ್ದ ತಂದೆ ಸ್ಕೂಟರ್ನಲ್ಲಿ ಕುಳಿತಿದ್ದಂತೆ ಹೃದಯಾಘಾತದಿಂದ ಮೃತಪಟ್ಟ ಘಟನೆ ಬುಧವಾರ ನಡೆದಿದೆ. ಲಕ್ಷ್ಮಣ (42) ಮೃತಪಟ್ಟವರು. ಹಾಸನದಲ್ಲಿ ಈ ಘಟನೆ ನಡೆದಿದ್ದು ಅವರನ್ನು ತಕ್ಷಣದಲ್ಲೇ ಆಸ್ಪತ್ರೆಗೆ ದಾಖಲಿಸಲಾಗಿದ್ದರೂ ಅದಕ್ಕಿಂತ ಮೊದಲೇ ಪ್ರಾಣ ಹೋಗಿತ್ತು.
ಲಕ್ಷ್ಮಣ ಅವರ ತಮ್ಮ ಪುತ್ರಿಯನ್ನು ಬೆಳಿಗ್ಗೆ 5.30ಕ್ಕೆ ಟ್ಯೂಷನ್ಗೆ ಬಿಡಲು ಆ್ಯಕ್ವಿವ್ ಹೋಂಡಾದಲ್ಲಿ ಹೋಗಿದ್ದರು. ಮಗಳು ಸ್ಕೂಟರ್ನಿಂದ ಇಳಿದರು ಸೆಂಟರ್ಗೆ ಹೋಗುತ್ತಿದ್ದಂತೆ ಹೃದಯಾಘಾತಕ್ಕೆ ಒಳಗಾಗಿದ್ದಾರೆ. ನೋವಿನಿಂದ ಅವರು ಸ್ಕೂಟರ್ನಿಂದ ಕೆಳಕ್ಕೆ ಬಿದ್ದಿದ್ದಾರೆ. ಅಪ್ಪ ಕುಸಿದು ಬಿದ್ದಿದ್ದನ್ನು ಕಂಡು ಓಡಿ ಬಂದಿದ್ದ ಮಗಳು ಸಹಾಯಕ್ಕಾಗಿ ಮೊರೆ ಹೋಗಿದ್ದಾರೆ.
ಇದನ್ನೂ ಓದಿ : Crime Video : ಕೊಲೆ ಆರೋಪಿಗಳನ್ನು ಕರೆದೊಯ್ಯಲಾಗುತ್ತಿದ್ದ ಬಸ್ಸನ್ನೇ ಹತ್ತಿ ಗುಂಡಿಕ್ಕಿದರು!
ಸ್ಥಳೀಯರ ನೆರವಿನೊಂದಿಗೆ ಆಟೋದಲ್ಲಿ ಆಸ್ಪತ್ರೆಗೆ ಕರೆದೊಯ್ದ ಮಗಳು. ಆಸ್ಪತ್ರೆ ತಲುಪುವಷ್ಟರಲ್ಲಿ ಅವರು ಮೃತಪಟ್ಟಿದ್ದರು. ಲಕ್ಷ್ಮಣ ಅವರು ಹಾಸನದ ಹೇಮಾವತಿ ನಗರದಲ್ಲಿ ದಿನಸಿ ಅಂಗಡಿ ಇಟ್ಟುಕೊಂಡಿದ್ದರು. ಹಾಸನ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.
Crime Video : ಪ್ರೀತಿಸಿದ ಎನ್ನುವ ಒಂದೇ ಕಾರಣಕ್ಕೆ ಯುವಕನ ಚುಚ್ಚಿ ಕೊಂದ ಯುವತಿಯ ಕುಟುಂಬ
ನವದೆಹಲಿ: ಮನೆಯ ಮಗಳನ್ನು ಪ್ರೀತಿಸಿದ ಎನ್ನುವ ಒಂದೇ ಕಾರಣಕ್ಕೆ 25 ವರ್ಷದ ಯುವಕನೊಬ್ಬನನ್ನು ಯುವತಿಯ ತಂದೆ ಮತ್ತು ಸಹೋದರರು ಚಾಕುವಿನಿಂದ ಬರ್ಬರವಾಗಿ ಚುಚ್ಚಿ ಹತ್ಯೆ ಮಾಡಿದ್ದಾರೆ. ನವದೆಹಲಿಯಲ್ಲಿ (Crime News) ಈ ಘಟನೆ ನಡೆದಿದೆ.
ಸಲ್ಮಾನ್‌ ಹೆಸರಿನ 25 ವರ್ಷದ ಯುವಕ ಸೋಮವಾರ ದೆಹಲಿಯ ಜಾಫ್ರಾಬಾದ್‌ ಪ್ರದೇಶದ ಚೌಹಾನ್‌ ಬಂಗೇರ್‌ನ ಕಲ್ಯಾಣ ಚಿತ್ರಮಂದಿರದ ಬಳಿ ತನ್ನ ಇಬ್ಬರು ಸ್ನೇಹಿತರೊಂದಿಗೆ ಬೈಕ್‌ನಲ್ಲಿ ಬರುತ್ತಿದ್ದ. ಆ ವೇಳೆ ಆತ ಪ್ರೀತಿಸುತ್ತಿದ್ದ ಯುವತಿಯ ತಂದೆಯಾದ ಮನ್ಜೂರ್‌ ಮತ್ತು ಆತನ ಇಬ್ಬರು ಮಕ್ಕಳು ಸಲ್ಮಾನ್‌ ಮೇಲೆ ಹಲ್ಲೆ ನಡೆಸಿದ್ದಾರೆ. ಚಾಕು ತಂದಿದ್ದ ಅವರು ಸಲ್ಮಾನ್‌ನ ಕುತ್ತಿಗೆ ಮತ್ತು ಎದೆಯ ಭಾಗಕ್ಕೆ ಚಾಕುವಿನಿಂದ ಚುಚ್ಚಿದ್ದಾರೆ. ಅದರಿಂದಾಗಿ ಸಲ್ಮಾನ್‌ ಅಲ್ಲಿಯೇ ಪ್ರಾಣ ಬಿಟ್ಟಿದ್ದಾನೆ.
ಇದನ್ನೂ ಓದಿ: Viral Video: ನಾಯಿ ಬೊಗಳುವುದು ಸಾಮಾನ್ಯ, ಹಾಡುವುದನ್ನು ಕೇಳಿದ್ದೀರಾ?
ಈ ಎಲ್ಲ ದೃಶ್ಯಗಳು ಅಲ್ಲಿದ್ದ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ಕೊಲೆಯ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲೂ ಹರಿದಾಡಿದೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿರುವುದಾಗಿ ತಿಳಿಸಿದ್ದಾರೆ.
ಮನ್ಜೂರ್‌ ಆತನ ಇಬ್ಬರು ಗಂಡು ಮಕ್ಕಳಾದ ಮೊಹ್ಸಿನ್‌ ಮತ್ತು ಅಪ್ರಾಪ್ತನ ಜತೆ ಸೇರಿಕೊಂಡು ಈ ಕೊಲೆ ನಡೆಸಿದ್ದಾನೆ. ಪ್ರೀತಿಸಿದ್ದೇ ಕೊಲೆಗೆ ಕಾರಣ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ಸದ್ಯ ಮನ್ಜೂರ್‌ ತನ್ನ ಮಕ್ಕಳೊಂದಿಗೆ ಕಣ್ತಪ್ಪಿಸಿಕೊಂಡಿದ್ದಾನೆ. ಆತ ಸಿಕ್ಕಿದಾಕ್ಷಣ ವಶಕ್ಕೆ ಪಡೆದು, ಅಪರಾಧಿಗಳಿಗೆ ತಕ್ಕ ಶಿಕ್ಷೆ ವಿಧಿಸಲಾಗುವುದು ಎಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಇದೇ ರೀತಿಯಲ್ಲಿ ಉತ್ತರ ಪ್ರದೇಶದಲ್ಲಿ ಜೂನ್‌ 29ರಂದು ಪ್ರೇಮಿಯೊಬ್ಬನನ್ನು ಯುವತಿಯ ಕುಟುಂಬ ಕೊಲೆ ಮಾಡಿದ್ದ ಘಟನೆ ನಡೆದಿತ್ತು. ಗಜಿಯಾಬಾದ್‌ನಲ್ಲಿ ಪರ್ವೇಜ್‌ ಹೆಸರಿನ ಯುವಕ ತಾನು ಪ್ರೀತಿಸುತ್ತಿದ್ದ ಯುವತಿ ಮನೆಗೆ ತೆರಳಿದ್ದು, ಆ ಸಮಯಕ್ಕೆ ಮನೆಗೆ ಬಂದ ಯುವತಿಯ ಕುಟುಂಬ ಅವರಿಬ್ಬರನ್ನು ಒಟ್ಟಿಗೆ ನೋಡಿ, ಸಿಟ್ಟಿಗೆದ್ದು ಪರ್ವೇಜ್‌ನನ್ನು ಕೊಲೆ ಮಾಡಿತ್ತು. ಈ ವಿಚಾರ ಕೂಡ ದೊಡ್ಡ ಸುದ್ದಿಯಾಗಿತ್ತು.