ಧಾರವಾಡ: ಕೊಲೆ, ಸುಲಿಗೆ ಹಾಗೂ ಕೊಲೆ ಯತ್ನ ಪ್ರಕರಣದಲ್ಲಿ ಗಡಿಪಾರು ಆದೇಶ ಇದ್ದರೂ ಧಾರವಾಡದಲ್ಲೇ ಓಡಾಡುತಿದ್ದ ರೌಡಿಶೀಟರ್ ಒಬ್ಬನನ್ನು ವಿದ್ಯಾಗಿರಿ ಪೊಲೀಸರು ಅಟ್ಟಾಡಿಸಿಕೊಂಡು ಹೋಗಿ ವಶಕ್ಕೆ ಪಡೆದಿದ್ದಾರೆ.
ನಗರದ ದಾನೂನಗರದ ಈರಣ್ಣ ಪಾಟೀಲ್ ಪೊಲೀಸರ ಕೈಗೆ ಸಿಕ್ಕಿಬಿದ್ದ ರೌಡಿಶೀಟರ್. ಈತನನ್ನು ೧೫ ದಿನಗಳ ಹಿಂದೆಯಷ್ಟೇ ಧಾರವಾಡದಿಂದ ಗಡಿಪಾರು ಮಾಡಿ ಹುಬ್ಬಳ್ಳಿ ಧಾರವಾಡ ಡಿಸಿಪಿ ಆದೇಶ ಮಾಡಿದ್ದರು. ಆರೋಪಿಗೆ ಆದೇಶ ಸಿಕ್ಕಿದ್ದರೂ ಧಾರವಾಡ ನಗರದಲ್ಲೇ ಓಡಾಡುತ್ತಿದ್ದ.
ಈ ವೇಳೆ ಧಾರವಾಡ ವಿದ್ಯಾಗಿರಿ ಪೊಲೀಸರ ಕಣ್ಣಿಗೆ ರೌಡಿಶೀಟರ್ ಬಿದ್ದಿದ್ದಾನೆ. ಆಗ ಪೊಲೀಸರನ್ನು ನೋಡಿ ಓಡಿ ತಪ್ಪಿಸಿಕೊಳ್ಳಲು ಯತ್ನಿಸಿದ್ದಾನೆ. ಆದರೂ ಬಿಡದ ಪೊಲೀಸರು ಬಸ್ ಹತ್ತಿ ಪರಾರಿಯಾಗಲು ಯತ್ನಿಸಿದ ರೌಡಿಶೀಟರ್ ನನ್ನು ವಶಕ್ಕೆ ಪಡೆದು ವಿದ್ಯಾಗಿರಿ ಠಾಣೆಯಲ್ಲಿ ಕೂಡಿಸಿದ್ದಾರೆ. ಗುರುವಾರ ರಾತ್ರಿ ಧಾರವಾಡದಿಂದ ಸ್ವತಃ ಪೊಲೀಸರೇ ಗಡಿಪಾರು ಮಾಡಲಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ | Custodial death | ಬೆಂಗಳೂರಿನಲ್ಲಿ ಲಾಕಪ್‌ ಡೆತ್‌: ಠಾಣೆಯಲ್ಲೇ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಕಂಡುಬಂದ ಆರೋಪಿ