ಬೆಳಗಾವಿ: ರಾಮದುರ್ಗ ತಾಲೂಕಿನ ಎಂ. ತಿಮ್ಮಾಪುರ ಗ್ರಾಮದ ಬಳಿಯ ಕಾಲುವೆಯಲ್ಲಿ ಗೆಳೆಯರ ಜತೆಗೆ ಈಜಲು ಹೋದಾಗ ಮುಳುಗಿ (Drown in water) ತರುಣನೊಬ್ಬ ಮೃತಪಟ್ಟಿದ್ದಾನೆ.
ರಾಮದುರ್ಗ ಪಟ್ಟಣದ ಭಾಗ್ಯನಗರ ನಿವಾಸಿ ಮಲ್ಲೇಶ್ ಹುಲಿಗೆಪ್ಪಾ ಬಂಡಿವಡ್ಡರ (16) ಮೃತ ತರುಣ. ಮಲ್ಲೇಶ್ ಸ್ನೇಹಿತರ ಜತೆಗೆ ಈಜಲು ಕಾಲುವೆಗೆ ತೆರಳಿದ್ದ. ಸ್ನೇಹಿತರ ಜತೆಗೆ ಈಜಾಡುತ್ತಿದ್ದ ವೇಳೆ ಮಲ್ಲೇಶ್ ಹಾಗೆಯೇ ನೀರಿನಲ್ಲಿ ಮುಳುಗಿದ್ದಾನೆ ಎನ್ನಲಾಗಿದೆ.
ಸ್ನೇಹಿತರು ರಕ್ಷಣೆಗೆ ಮುಂದಾದರೂ ಮಲ್ಲೇಶ್‌ನನ್ನು ರಕ್ಷಣೆ ಮಾಡಲು ಕಷ್ಟವಾಗಿದೆ ಎಂದು ಹೇಳಲಾಗಿದೆ. ಘಟನಾ ಸ್ಥಳಕ್ಕೆ ರಾಮದುರ್ಗದ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸ್ಥಳೀಯರ ನೆರವಿನಿಂದ ಮೃತದೇಹವನ್ನು ಹೊರಕ್ಕೆ ತೆಗೆಯಲಾಗಿದ್ದು, ಮರಣೋತ್ತರ ಪರೀಕ್ಷೆಗೆ ರಾಮದುರ್ಗ ಸರ್ಕಾರಿ ಆಸ್ಪತ್ರೆಗೆ ರವಾನೆ ಮಾಡಲಾಗಿದೆ. ಪೋಷಕರ ಆಕ್ರಂದನ ಮುಗಿಲುಮುಟ್ಟಿದೆ.
ಇದನ್ನೂ ಓದಿ | ಹ್ಯಾಂಗರ್‌, ಮೌಸ್‌, ಹಾಸಿಗೆ, ಮಂಚ ಹೊತ್ತೊಯ್ದ ರೋಹಿಣಿ ಸಿಂಧೂರಿ ಸಿಬ್ಬಂದಿ: ಆಡಳಿತ ತರಬೇತಿ ಸಂಸ್ಥೆ ದೂರು