ವಿಜಯಪುರ: ನಗರದ ಪ್ರತಿಷ್ಠಿತ ಕಿರಿಯಡ್ ಹೋಟೆಲ್‌ ಕಟ್ಟಡದಲ್ಲಿ ಬುಧವಾರ ಆಕಸ್ಮಿಕ ಬೆಂಕಿ ಅವಘಡ ಸಂಭವಿಸಿದೆ. ವಿಜಯಪುರ ನಗರದ ರೈಲ್ವೆ ಸ್ಟೇಷನ್ ರಸ್ತೆಯಲ್ಲಿರುವ ಹೋಟೆಲ್‌ನ ಕೊನೆಯ ಮಹಡಿಯಲ್ಲಿ ಏಕಾಏಕಿ ಬೆಂಕಿ ಕಾಣಿಸಿಕೊಂಡಿದ್ದು, ಇಡೀ ಕಟ್ಟಡ ಹೊಗೆಯಿಂದ ಆವೃತವಾಗಿ ಆತಂಕ ನಿರ್ಮಾಣವಾಯಿತು.
ಹೋಟೆಲ್‌ನ ಕೊನೆಯ ಫ್ಲೋರ್‌ನಲ್ಲಿರುವ ಎಸಿ ಡಕ್ಟ್‌ಗಳ ಬಳಿ ಮೊದಲು ಬೆಂಕಿ ಹಾಕಿ ಕಾಣಿಸಿಕೊಂಡು ಬಳಿಕ ಅದು ಬೇರೆ ಕಡೆಗೂ ವ್ಯಾಪಿಸಿತು. ಅದು ಕಟ್ಟಡದ ಕೆಳಗಿನ ಮಹಡಿಗಳಿಗೂ ವ್ಯಾಪಿಸುವ ಅಪಾಯ ಕಾಣಿಸುತ್ತಿತ್ತು. ಆದರೆ, ಕೂಡಲೇ ಸ್ಥಳಕ್ಕಾಗಮಿಸಿ ಬೆಂಕಿ ನಂದಿಸಿದ ಅಗ್ನಿ ಶಾಮಕ ದಳದ ಸಿಬ್ಬಂದಿ…ಸಂಭಾವ್ಯ ಅಪಾಯವನ್ನು ತಗ್ಗಿಸಿದರು.
ಗೋಳಗುಮ್ಮಟ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಬೆಂಕಿಯ ಮೂಲ ತಿಳಿದುಬಂದಿಲ್ಲ. ಮೇಲಿನ ಮಹಡಿಯ ಬಹುತೇಕ ಎಲ್ಲವೂ ಸುಟ್ಟುಹೋಗಿದೆ.
ಇದನ್ನೂ ಓದಿ | Fire Accident : ರಸ್ತೆಯಲ್ಲಿ ನಿಂತಿದ್ದ ಟ್ರ್ಯಾಕ್ಟರ್‌ಗೆ ಆಕಸ್ಮಿಕ ಬೆಂಕಿ; ಅರ್ಧ ಗಂಟೆಯಲ್ಲಿ ಧಗ ಧಗನೆ ಹೊತ್ತಿ ಉರಿಯಿತು!