ಗದಗ: ಮಿನಿ ಬಸ್ ಹಾಗೂ ಬೈಕ್ ಮುಖಾಮುಖಿ ಡಿಕ್ಕಿಯಾಗಿ (Accident in Gadag) ಇಬ್ಬರು ಸವಾರರು ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಗದಗ-ರೋಣ ರಸ್ತೆಯ ಗದ್ದಿಹಳ್ಳದ ಬಳಿ ನಡೆದಿದೆ.
ರೋಣ ತಾಲೂಕು ನರೆಗಲ್ಲ ಪಟ್ಟಣದ ಸಂಗಮೇಶ ದಿಂಡೂರ (೨೭) ಹಾಗೂ ದತ್ತು ನಾರಾಯಣಕರ(೩೦) ಮೃತ ದುರ್ದೈವಿಗಳು. ಗದಗದಿಂದ ನರೇಗಲ್ಲಕ್ಕೆ ತೆರಳುತ್ತಿದ್ದ ಬೈಕ್ ಹಾಗೂ ರೋಣ‌ದಿಂದ ಗದಗಕ್ಕೆ ಬರುತ್ತಿದ್ದ ಮಿನಿಬಸ್ ಮುಖಾಮುಖಿ ಡಿಕ್ಕಿಯಾಗಿ ಅಪಘಾತ ಸಂಭವಿಸಿದೆ. ಇದರ ಪರಿಣಾಮ ಸವಾರರಿಬ್ಬರೂ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ. ಗದಗ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | Road Accident | ಸ್ವಿಫ್ಟ್, ಇನ್ನೋವಾ ನಡುವೆ ಭೀಕರ ಅಪಘಾತ; ಐವರ ಸಾವು