ಹಾವೇರಿ: ಧಾರಾಕಾರ ಮಳೆಗೆ (heavy rain) ಸಾವು-ನೋವು ಮುಂದುವರಿದಿದ್ದು, ಇಲ್ಲಿನ ಹಾನಗಲ್ ತಾಲೂಕು ತುಮರಿಕೊಪ್ಪ ಗ್ರಾಮದಲ್ಲಿ ಮನೆ ಗೋಡೆ ಕುಸಿದು ಮಹಿಳೆಯೊಬ್ಬರು ಮೃತಪಟ್ಟಿದ್ದಾರೆ. ಗ್ರಾಮದಲ್ಲಿ ಸತತ ಮಳೆಯಿಂದಾಗಿ ಮನೆಯ ಗೋಡೆ ಕುಸಿದು ಬಿದ್ದಿದೆ. ನಿಂಬವ್ವ ಮೈಲಾರಪ್ಪ ನೆಗಳೂರು (48) ಮೃತ ದುರ್ದೈವಿ.
ನಿದ್ದೆಯಲ್ಲಿದ್ದ ನಿಂಬವ್ವ ಮೇಲೆ ಏಕಾಏಕಿ ಮನೆಯ ಗೋಡೆ ಕುಸಿದಿದೆ. ಮಂಗಳವಾರ ಬೆಳಗ್ಗೆ ಸುಮಾರು 4.30ರ ಸುಮಾರಿಗೆ ಗೋಡೆ ಕುಸಿದಿರುವುದಾಗಿ ಸ್ಥಳೀಯರು ಮಾಹಿತಿ ನೀಡಿದ್ದಾರೆ. ಗೋಡೆ ಬಿದ್ದ ಪರಿಣಾಮ ನಿಂಬವ್ವ ಅವರಿಗೆ ತೀವ್ರ ಪೆಟ್ಟಾಗಿ, ರಕ್ತಸ್ರಾವವಾಗಿದೆ. ಅವಶೇಷದಡಿ ಸಿಲುಕಿದ್ದರಿಂದ ಹೊರಬರಲು ಆಗದೇ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.
ಇದನ್ನೂ ಓದಿ | Rain news | ಮಳೆಗೆ ನಾಡು ತತ್ತರ, ರಸ್ತೆ- ಹೊಲ ಮುಳುಗಡೆ, ಪರದಾಡಿದ ಜನತೆ