ಬೆಂಗಳೂರು: ದಲಿತ ಸಮುದಾಯಕ್ಕೆ ಅಪಮಾನ ಮಾಡಿದ ಆರೋಪ ಎದುರಿಸುತ್ತಿರುವ ಚಿತ್ರ ನಟ ಉಪೇಂದ್ರ ಅವರ ವಿರುದ್ಧ ಸಲ್ಲಿಕೆಯಾಗಿರುವ ಎಫ್‌ಐಆರ್‌ಗಳಿಗೆ ಹೈಕೋರ್ಟ್‌ ತಡೆ ನೀಡಿದೆ. ಈ ಮೂಲಕ ಅದು ಚಿತ್ರ ನಟನಿಗೆ ಬಿಗ್‌ ರಿಲೀಫ್ ನೀಡಿದೆ. ಇದರೊಂದಿಗೆ ಇಂದಿನ ಇನ್ನಷ್ಟು ಮಹತ್ವದ ಸುದ್ದಿ ಬೆಳವಣಿಗೆಗಳನ್ನು (Karnataka live news) ತಿಳಿಯಲು ಇಲ್ಲಿ ಗಮನಿಸಿ.
ಬೆಂಗಳೂರು ಸೇರಿ ಹಲವೆಡೆ ಸೋಮವಾರ ಸಂಜೆಗೆ ಜಿಟಿ ಜಿಟಿ ಮಳೆ
ಮುಂದಿನ 24 ಗಂಟೆಯಲ್ಲಿ ದಕ್ಷಿಣ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಗುಡುಗು ಸಹಿತ ಮಳೆಯಾಗುವ (Rain News) ಸಾಧ್ಯತೆ ಇದೆ. ಕರಾವಳಿಯ ಕೆಲವು ಕಡೆಗಳಲ್ಲಿ ಹಾಗೂ ಉತ್ತರ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಮಳೆಯಾಗುವ (Weather report) ಸಾಧ್ಯತೆ ಇದೆ.
Weather report : ಬೆಂಗಳೂರಲ್ಲಿ ಸೋಮವಾರ ಸಂಜೆಗೆ ಜಿಟಿ ಜಿಟಿ ಮಳೆ
ನೈಸ್ ಅಕ್ರಮ ಪ್ರಧಾನಿಗೆ ದೂರು ನೀಡಲು ಮುಂದಾದ ಎಚ್‌ಡಿಕೆ
ಬೆಂಗಳೂರು: ವಿದೇಶ ಪ್ರವಾಸ ಮುಗಿಸಿ ರಾಜಧಾನಿಗೆ ಬರುತ್ತಿದ್ದಂತೆ, ನೈಸ್ ಅಕ್ರಮ ಕುರಿತು ಪ್ರಧಾನಿಗೆ ತನಿಖೆಗೆ ದೂರು ನೀಡಲು ಜೆಡಿಎಸ್‌ ಮುಖಂಡ ಕುಮಾರಸ್ವಾಮಿ ಮುಂದಾಗಿದ್ದಾರೆ. ನೈಸ್ ಯೋಜನೆಯಿಂದ ರೈತರಿಗೆ ಆಗಿರುವ ಅನ್ಯಾಯ ಕುರಿತು ಅವರು ಪ್ರಧಾನಿಗೆ ದೂರು ನೀಡಲು ದಿಲ್ಲಿಗೆ ತೆರಳಲಿದ್ದಾರೆ ಎಂದು ತಿಳಿದುಬಂದಿದೆ.