ಶಿವಮೊಗ್ಗ : ಭೀಮನ ಅಮಾವಾಸ್ಯೆಯಂದೇ ಪತಿಯೊಬ್ಬ ಪತ್ನಿಯನ್ನು ಅಪಹರಿಸಿರುವ (Kidnap case) ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ. ಶಿವಮೊಗ್ಗದಂದು (Shivamogga News) ಹಾಡಹಗಲೇ ಯುವತಿಯೊಬ್ಬಳ ಅಪಹರಣವಾಗಿತ್ತು. ಇನ್ನೋವಾ ಕಾರಿನಲ್ಲಿ ಬಂದ ದುಷ್ಕರ್ಮಿಗಳು ಯುವತಿಯನ್ನು ಕಿಡ್ನ್ಯಾಪ್‌ ಮಾಡಿದ್ದರು. ಇದೀಗ ಆ ಕಿಡ್ನ್ಯಾಪರ್‌ ಯುವತಿಯ ಪತಿ ಎಂದು ತಿಳಿದು ಬಂದಿದೆ.
ಇಲ್ಲಿನ ನಗರ ಬಸ್‌ ಸ್ಟ್ಯಾಂಡ್‌ ಹತ್ತಿರದ ಅಶೋಕ ಹೋಟೆಲ್‌ ಬಳಿ ಜು.17ರ ಬೆಳಗ್ಗೆ ಇನ್ನೋವಾ ಕಾರಿನಲ್ಲಿ ಬಂದು ಪತ್ನಿಯನ್ನು ಎಳೆದುಹೋಗಿದ್ದಾನೆ. ಮದುವೆಯಾಗಿ ತಂದೆ ಮನೆಗೆ ವಾಪಸ್ ಆಗಿದ್ದಳು ಎಂಬ ಕಾರಣಕ್ಕೆ ಕಿಡ್ನ್ಯಾಪ್‌ ನಡೆದಿದೆ ಎನ್ನಲಾಗಿದೆ. ಸೋಮವಾರ (ಜು.17) ಕುಟುಂಬದವರ ಜತೆ ದೇವಾಲಯಕ್ಕೆ ಹೋಗುವಾಗ ಪತ್ನಿಯನ್ನು ಅಪಹರಿಸಿ ಪರಾರಿ ಆಗಿದ್ದಾನೆ. ಈ ಸಂಬಂಧ ಗಂಡನಿಂದಲೇ ಅಪಹರಣ ಆಗಿದೆ ಎಂದು ಯುವತಿಯ ಪಾಲಕರು ದೊಡ್ಡಪೇಟೆ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ಜನರ ಓಡಾಟ ಇರುವಾಗಲೇ ಕುಟುಂಬಸ್ಥರು ಜತೆಗೆ ಇರುವಾಗಲೇ ಈ ಕಿಡ್ನ್ಯಾಪ್‌ ನಡೆದಿದೆ. ಕಾರಿನಲ್ಲಿ ಬಂದವನೇ ಪತ್ನಿಯನ್ನು ಎಳೆದುಕೊಂಡು ಹೋಗಿದ್ದಾನೆ. ವಿಚಾರ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ದೊಡ್ಡಪೇಟೆ ಠಾಣೆ ಪೊಲೀಸರು ದೌಡಾಯಿಸಿದ್ದಾರೆ. ಸದ್ಯ ಕಿಡ್ನ್ಯಾಪ್‌ ಆಗಿರುವ ಯುವತಿ ಹೆಸರು ಏನು ಎಂಬುದು ತಿಳಿದಿಲ್ಲ. ಪೊಲೀಸರು ಸುತ್ತಮುತ್ತಲ ಸಿಸಿ ಕ್ಯಾಮೆರಾವನ್ನು ಪರಿಶೀಲಿಸುತ್ತಿದ್ದು, ಎಲ್ಲ ಠಾಣಾ ವ್ಯಾಪ್ತಿಗೂ ಮಾಹಿತಿಯನ್ನು ರವಾನಿಸಿದ್ದಾರೆ.
ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ