ಉಡುಪಿ: ಜಿಲ್ಲೆಯ ಪರ್ಕಳ ಭಾಗದ ಹೆರ್ಗದ ಬಳಿ ಚಿರತೆಯೊಂದು ಸಾಕು ಕೋಣದ ಮೇಲೆ ದಾಳಿ ಮಾಡಿ (Leopard attack) ಕೊಂದಿದೆ. ಪ್ರಸಾದ್ ಕಾಲೋನಿಯ 5ನೇ ಕ್ರಾಸ್ ರಸ್ತೆಯ ಅಂಚಿನಲ್ಲಿರುವ ಮನೆಯ ಮುಂಭಾಗದ ಗದ್ದೆಯಲ್ಲಿ ಚಿರತೆ ಧಾಳಿ ಮಾಡಿರುವಂತಿರುವ ಕೋಣದ ದೇಹ ಪತ್ತೆಯಾಗಿದೆ.
ಕೋಣದ ಹೊಟ್ಟೆಯ ಭಾಗ ಬಿಚ್ಚಿದ್ದು, ಕಾಲಿನ ಭಾಗಕ್ಕೆ ಗಾಯವಾಗಿದೆ. ಕೋಣದ ಕಿವಿಯ ಭಾಗದಲ್ಲಿ ಕೂಡ ರಕ್ತ ಸುರಿದಿದ್ದು, ಕುತ್ತಿಗೆಯ ಭಾಗದಲ್ಲಿ ಹಲ್ಲಿನ ಗುರುತುಗಳಿವೆ. ಸದ್ಯ ಈ ಭಾಗದಲ್ಲಿ ಚಿರತೆ ಕಾಟ ಇರುವ ಹಿನ್ನೆಲೆಯಲ್ಲಿ ಚಿರತೆ ಬೇಟೆಯಾಡಿ ಬಿಟ್ಟು ಹೋದಂತಿದೆ.
ನಾಲ್ಕೈದು ವರ್ಷದ ಸಣ್ಣ ಗಾತ್ರದ ಕೋಣ ಇದಾಗಿದೆ, ಹಟ್ಟಿಗೆ ಕೋಣ ಬಾರದಿದ್ದರಿಂದ ಅನುಮಾನ ಗೊಂಡ ಕರುಣಾಕರ ಪೂಜಾರಿ ಅವರು ಸುತ್ತಮುತ್ತ ಹುಡುಕಿದಾಗ ಗದ್ದೆಯಲ್ಲಿ ಶವವಾಗಿ ಪತ್ತೆಯಾಗಿದೆ. ಈ ಹಿಂದೆ ಇದೇ ಭಾಗದ ಶಿಕ್ಷಕ ಕೆದ್ಲಾಯರ ಮನೆಯ ಸಾಕು ನಾಯಿಯನ್ನು ಚಿರತೆ ಬೇಟೆಯಾಡಿ ಕೊಂದಿತ್ತು. ಸದ್ಯ ಕೋಣದ ದೇಹ ಪತ್ತೆಯಾದ ಬಳಿಕ ಮತ್ತೆ ಚಿರತೆ ದಾಳಿ ಮುಂದುವರಿಸಿದೆಯಾ ಎಂದು ಸ್ಥಳೀಯರಲ್ಲಿ ಆತಂಕ ಮೂಡಿದೆ.
ಇದನ್ನೂ ಓದಿ | leopard attack : ತಿ.ನರಸೀಪುರದಲ್ಲಿ ಚಿರತೆ ದಾಳಿಗೆ ಬಾಲಕ ಬಲಿ, ಗ್ರಾಮಸ್ಥರ ಪ್ರತಿಭಟನೆ