ಶಿವಮೊಗ್ಗ: ಮೊಲಗಳನ್ನು ಹಿಡಿಯಲು ಹಾಕಿದ್ದ ಉರುಳಿಗೆ ಸಿಲುಕಿ ಚಿರತೆ ಮೃತಪಟ್ಟಿರುವುದು (Leopard Dies) ಸಾಗರ ತಾಲೂಕಿನ ಕೋಣೆಹೊಸೂರು ಬಳಿ ನಡೆದಿದೆ.
ಆನಂದಪುರ ಬಳಿಯ ಕೋಣೆಹೊಸೂರು ಗ್ರಾಮದ ಅರಣ್ಯದಲ್ಲಿ ಮೊಲಗಳನ್ನು ಹಿಡಿಯಲು ಬೇಟೆಗಾರರು ಉರುಳು ಹಾಕಿದ್ದರು. ಆದರೆ, ಮೊಲದ ಬದಲಾಗಿ ಸುಮಾರು 5 ವರ್ಷದ ಚಿರತೆ ಸಿಕ್ಕಿಹಾಕಿಕೊಂಡಿದೆ. ಕತ್ತಿಗೆ ತಂತಿ ಸಿಕ್ಕಿಕೊಂಡ ನಂತರ ಮರವೇರಿ ಪರದಾಡುತ್ತಿದ್ದ ಚಿರತೆಯನ್ನು ಸ್ಥಳೀಯರು ಗಮನಿಸಿ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಅರಣ್ಯ ಇಲಾಖೆ ಸಿಬ್ಬಂದಿ ಧಾವಿಸಿ ಚಿರತೆ ರಕ್ಷಣೆಗೆ ಪ್ರಯತ್ನಿಸಿದ್ದಾರೆ. ಆದರೆ, ರಕ್ಷಣೆ ಮಾಡುವ ವೇಳೆ ಚಿರತೆ ಕೊನೆಯುಸಿರೆಳೆದಿದೆ. ಸಾಗರ ಅರಣ್ಯ ಇಲಾಖೆಯ ಉಪವಿಭಾಗದಲ್ಲಿ ಪ್ರಕರಣ ದಾಖಲಾಗಿದೆ.
ಜೋಗದಲ್ಲಿ ನಾಯಿಯನ್ನು ಬೇಟೆಯಾಡಿದ ಚಿರತೆ
ಸಾಗರ ತಾಲೂಕಿನ ಜೋಗದಲ್ಲಿ ಚಿರತೆ ದಾಳಿಯಿಂದ ನಾಯಿ ಮೃತಪಟ್ಟಿದೆ. ಮಂಗಳವಾರ ಬೆಳಗಿನ ಜಾವ ಜೋಗದ ವರ್ಕ್ ಮೆನ್ ಬ್ಲಾಕ್ ಬಳಿ ಚಿರತೆ ದಾಳಿ ಮಾಡಿ ನಾಯಿಯನ್ನು ಕೊಂದು ತಿಂದಿದೆ. ಇದರಿಂದ ಸ್ಥಳೀಯ ನಿವಾಸಿಗಳು ಭಯಭೀತರಾಗಿದ್ದು, ಮನೆಯಿಂದ ಹೊರ ಬರಲು ಹೆದರುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಚಿರತೆ ಸೆರೆ ಕಾರ್ಯಾಚರಣೆಗೆ ಕೂಗು ಕೇಳಿಬಂದಿದೆ.
ಇದನ್ನೂ ಓದಿ | Karwar news | ಮೀನು ಹಿಡಿಯಲು ಹೋಗಿದ್ದ ವ್ಯಕ್ತಿ ನದಿಗೆ ಕಾಲು ಜಾರಿ ಬಿದ್ದು ಸಾವು