ಬೆಂಗಳೂರು: ಇಲ್ಲಿನ ಜೆ.ಪಿ.ನಗರ ಡಾಲರ್ಸ್ ಕಾಲೋನಿಯ ಸೂಪರ್ ಮಾರ್ಕೆಟ್‌ನಲ್ಲಿ ಅಪರಿಚಿತನೊಬ್ಬ ನನಗೆ ಇಂಡಿಯನ್ಸ್ ಹಾಗೂ ವಯಸ್ಸಾದವರನ್ನು ಕಂಡರೆ ಆಗುವುದಿಲ್ಲ ಎಂದು ವೃದ್ಧೆಯೊಬ್ಬರಿಗೆ ಹಲ್ಲೆ (Man Slapped) ಮಾಡಿರುವ ಘಟನೆ ನಡೆದಿದೆ. ಸುಜಯ ಕಾಂತಾಮಣಿ ಎಂಬುವವರು ಹಲ್ಲೆಗೆ ಒಳಗಾಗಿದವರು.
ವೃದ್ದೆ ಸುಜಯ ಕಾಂತಾಮಣಿ ಅವರನ್ನು ತಳ್ಳಿಕೊಂಡು ಎಂ.ಕೆ. ಅಹ್ಮದ್ ಸೂಪರ್ ಮಾರ್ಕೆಟ್‌ನ ಒಳಗೆ ವ್ಯಕ್ತಿಯೊಬ್ಬ ನುಗ್ಗಿದ್ದಾನೆ. ಈ ವೇಳೆ ಹಿರಿಯ ನಾಗರಿಕರು ನಿಂತಿದ್ದಾರೆ, ಸ್ವಲ್ಪ ಗೌರವ ಕೊಡು ಎಂದು ಸುಜಯ ಅವರು ಹೇಳಿದ್ದಾರೆ. ಆಗ ಆ ವ್ಯಕ್ತಿ ನನಗೆ ಭಾರತೀಯರು ಎಂದರೆ ಆಗುವುದಿಲ್ಲ. ವೃದ್ಧರನ್ನು ಕಂಡರೆ ಇನ್ನೂ ಆಗುವುದಿಲ್ಲ ಎಂದು ಹೇಳಿ ಹಲ್ಲೆ ನಡೆಸಿದ್ದಾನೆ. ಘಟನೆ ಸಂಬಂಧ ಪುಟ್ಟೇನಹಳ್ಳಿ ಪೊಲೀಸ್ ಠಾಣೆಯಲ್ಲಿ ವೃದ್ಧೆ ದೂರು ದಾಖಲಿಸಿದ್ದಾರೆ.
ಜೆಪಿ ನಗರದ ಸೂಪರ್ ಮಾರ್ಕೆಟ್‌ನಲ್ಲೂ ವೃದ್ಧರ ಮೇಲೆ ಹಲ್ಲೆ
ಈ ಹಿಂದೆ ಜೆಪಿ ನಗರದ 4ನೇ ಹಂತದಲ್ಲಿರುವ ಸೂಪರ್ ಮಾರ್ಕೆಟ್‌ನಲ್ಲಿ ನವೆಂಬರ್‌ 14ರಂದು ಯುವಕನೊಬ್ಬ I’m Not Respected Old People ಎಂದವನೇ ಸಿಬ್ಬಂದಿ ಸುಜಾತಾ ಎಂಬುವವರ ಮೇಲೆ ಹಲ್ಲೆ ನಡೆಸಿದ್ದ. ಸೂಪರ್ ಮಾರ್ಕೆಟ್‌ನಲ್ಲಿ ಬಿಲ್ಲಿಂಗ್‌ ವಿಚಾರಕ್ಕೆ ಯುವಕನೊಬ್ಬ ಕಿರಿಕ್ ತೆಗೆದು ಮಾತಿನ ನಡುವೆಯೇ ಮಹಿಳಾ ಸಿಬ್ಬಂದಿಯ ಕೆನ್ನೆಗೆ (Man Slapped) ಬಾರಿಸಿದ್ದ. ಈ ಪ್ರಕರಣದಲ್ಲೂ ಅಪರಿಚಿತ ವ್ಯಕ್ತಿ ವಯಸ್ಸಾದವರನ್ನು ಕಂಡರೆ ಆಗುವುದಿಲ್ಲ ಎಂದು ಹಲ್ಲೆ ನಡೆಸಿದ್ದ, ಇದು ಮರೆಯಾಗುವ ಮುನ್ನವೇ ಈ ಘಟನೆ ನಡೆದಿದೆ.
ಇದನ್ನೂ ಓದಿ | ಅಂಗಡಿಯಲ್ಲಿ ಕಿರಿಕ್ ಮಾಡಿಕೊಂಡ ಅಂತಾರಾಷ್ಟ್ರೀಯ ಕ್ರಿಕೆಟ್ ಪಟು ರಾಜೇಶ್ವರಿ