ಮಂಡ್ಯ : ʻಗಂಧದ ಗುಡಿʼ (Gandhada Gudi ) ಚಿತ್ರ ಬಿಡುಗಡೆ ಹಿನ್ನೆಲೆಯಲ್ಲಿ ಶ್ರೀರಂಗಪಟ್ಟಣ ತಾಲೂಕಿನ ಗಂಜಾಮ್ ನಲ್ಲಿರುವ ಶ್ರೀ ನಿಮಿಷಾಂಬ ದೇಗುಲಕ್ಕೆ ಅಶ್ವಿನಿ ಪುನೀತ್‌ ರಾಜಕುಮಾರ್‌ ಅವರು ಅಕ್ಕೋಬರ್‌ 28ರಂದು ಶುಕ್ರವಾರ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಪೂಜೆ ಸಲ್ಲಿಕೆ ವೇಳೆ ಗಂಧದ ಗುಡಿ ಚಿತ್ರದ ನಿರ್ದೇಶಕ ಅಮೋಘವರ್ಷ ಸಾಥ್ ನೀಡಿದ್ದಾರೆ.
ನಿರ್ದೇಶಕ ಅಮೋಘವರ್ಷ ಮಾತನಾಡಿ ʻʻಅಪ್ಪು ಅಂದರೆ ಪ್ರೀತಿ. ಅಭಿಮಾನಿಗಳ ಹೃದಯದಲ್ಲೆ ಅಪ್ಪು ಕಾಣಬಹುದು. ಚಿತ್ರವನ್ನು ಅಭಿಮಾನಿಗಳು ನೋಡಿ ಖುಷಿಪಟ್ಟರೆ ನಮಗೆ ಅದೇ ಸಂತೋಷ.ಅಪ್ಪು ಅವರು ನಮಗೆ ಬಿಟ್ಟು ಹೋಗಿರುವ ಕಥೆ ಇದೆ. ಪುನೀತ್‌ ಅವರು ಹೇಳಿದ್ದನ್ನು ನಾವು ಅಳವಡಿಸಿಕೊಂಡರೆ ನಮ್ಮಲ್ಲೆ ಅಪ್ಪು ಅವರನ್ನು ಕಾಣಬಹುದು. ಚಿತ್ರೀಕರಣದ ಸಮಯದಲ್ಲಿ ಪುನೀತ್‌ ಸರ್‌ ಜತೆ ಕಾಲ ಕಳೆದಿದ್ದೇನೆ. ತುಂಬಾ ಮಿಸ್‌ ಮಾಡಿಕೊಳ್ಳುತ್ತೇನೆʼʼ ಎಂದು ಹೇಳಿಕೆ ನೀಡಿದರು. ರಾಜ್ಯಾದ್ಯಂತ ಚಿತ್ರಮಂದಿರಗಳಲ್ಲಿ ಸುಮಾರು 250 ಸ್ಕ್ರೀನ್‌ಗಳಲ್ಲಿ ಗಂಧದ ಗುಡಿ ಬಿಡುಗಡೆಯಾಗಿದೆ.
ಇದನ್ನೂ ಓದಿ | Gandhada Gudi | ಇದು ಯಾರ ತಪಸಿನ ಫಲವೋ, ಈ ಕಂಗಳು ಮಾಡಿದ ಪುಣ್ಯವೋ ಅಂದ್ರು ಫ್ಯಾನ್ಸ್‌!