ತುಮಕೂರು: ಶುಕ್ರವಾರ ರಾತ್ರಿ ಗೆಳೆಯರ ಜತೆ ಸಂಭ್ರಮದಿಂದ ಹುಟ್ಟುಹಬ್ಬ ಆಚರಿಸಿಕೊಂಡ ಯುವಕನೊಬ್ಬ ಮರುದಿನ ಬೆಳಗ್ಗೆ ಕೆರೆಯಲ್ಲಿ ಶವವಾಗಿ ಪತ್ತೆಯಾದ ಘಟನೆ ಕುಣಿಗಲ್‌ನಲ್ಲಿ ನಡೆದಿದೆ. ಇದೊಂದು ಕೊಲೆಯಾಗಿರಬಹುದು (Mysterious death) ಎನ್ನುವ ಸಂಶಯ ಮನೆಯವರದ್ದು.
ಕುಣಿಗಲ್ ತಾಲೂಕಿನ ಚಿನ್ನಪ್ಪನಹಳ್ಳಿಯ ಮಂಜುನಾಥ ಅವರೇ ಶವವಾಗಿ ಪತ್ತೆಯಾದವರು. ಶುಕ್ರವಾರ ರಾತ್ರಿ ಖುಷಿಯಲ್ಲಿದ್ದ ಅವರು ಬೆಳಗ್ಗೆ ಕಿತ್ತನಾ ಮಂಗಲ ಕೆರೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.
ಶುಕ್ರವಾರ ರಾತ್ರಿ ಸ್ನೇಹಿತರೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದ ಮಂಜುನಾಥ ಅವರು ಆ ಬಳಿಕ ಮನೆಗೆ ಬಂದಿದ್ದರು. ಆದರೆ, ಮತ್ತೆ ಹೊರಗಡೆ ಹೋಗಿದ್ದರು. ಬೆಳಗ್ಗೆಯಾದರೂ ಮನೆಗೆ ಬಾರದೇ ಇದ್ದುದನ್ನು ಕಂಡು ಮನೆಯವರ ಹುಡುಕಾಡಿದಾಗ ಕಿತ್ತನಾ ಮಂಗಲ ಕೆರೆಯಲ್ಲಿ ಶವ ಪತ್ತೆಯಾಗಿದೆ.
ರಾತ್ರಿ ಅಷ್ಟು ಖುಷಿಯಾಗಿದ್ದವರು ಏಕಾಏಕಿ ಶವವಾಗಿ ಪತ್ತೆಯಾಗಿದ್ದು ಹೇಗೆ ಎಂದು ಪ್ರಶ್ನಿಸಿರುವ ಮನೆಯವರು, ಸಾವಿನ ಹಿಂದೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಗಂಡನ ಸಾವಿನ ಬಗ್ಗೆ ಸಮಗ್ರ ತನಿಖೆಯಾಗಲಿ ಎಂದು ಒತ್ತಾಯಿಸಿದ್ದಾರೆ ಮಂಜುನಾಥನ ಪತ್ನಿ ಹರ್ಷಿತಾ.
ಈ ಸಂಬಂಧ ಕುಣಿಗಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ : Drowned in channel water : ಬಟ್ಟೆ ತೊಳೆಯಲು ಕಾಲುವೆಗೆ ಇಳಿದ ಯುವಕ, ಬಾಲಕ ನೀರುಪಾಲು