ದಾವಣಗೆರೆ: ಇಲ್ಲಿನ ನ್ಯಾಮತಿ ತಾಲೂಕಿನಲ್ಲಿ ಇಲಿ ಸಾಯಿಸಲೆಂದು ಪಾಷಾಣ (Rat Poison) ಬೆರಸಿಟ್ಟಿದ್ದ ಹಣ್ಣು ತಿಂದು (Poisoned Food) ಯುವತಿ ಮೃತ್ಯುವಾಗಿದ್ದಾಳೆ. ನ್ಯಾಮತಿ ಪಟ್ಟಣದ ನಿವಾಸಿ ಐಶ್ವರ್ಯ (21) ಮೃತ ದುರ್ದೈವಿ.
ನ್ಯಾಮತಿಯ ಸರ್ಕಾರಿ ಕಾಲೇಜಿನಲ್ಲಿ ಬಿಎ ಓದುತ್ತಿದ್ದ ಐಶ್ವರ್ಯ ಮನೆಯಲ್ಲಿ ಇಲಿಗಳು ಉಪಟಳ ನೀಡುತ್ತಿದ್ದವು. ಹೀಗಾಗಿ ಐಶ್ವರ್ಯ ಕುಟುಂಬಸ್ಥರು ಇಲಿ ಕಾಟದಿಂದ ರೋಸಿ ಹೋಗಿದ್ದರು. ಕಾಟ ಕೊಡುವ ಇಲಿಗಳಿಗೆ ಮುಕ್ತಿ ನೀಡಲು ಪಾಷಾಣ ತಂದಿಟ್ಟಿದ್ದರು. ಪಾಷಾಣವನ್ನು ಹಣ್ಣಿಗೆ ಸವರಿ ಇಟ್ಟಿದ್ದರು. ಆದರೆ ವಿಷ ಸವರಿದ್ದಾರೆ ಎಂಬುದು ತಿಳಿಯದ ಐಶ್ವರ್ಯ ಹಣ್ಣು ತಿಂದು ಬಿಟ್ಟಿದ್ದಾಳೆ.
ಇದನ್ನೂ ಓದಿ: Bellary News: ಮೆಂಥೋಪ್ಲಸ್ ಡಬ್ಬಿ ನುಂಗಿ 9 ತಿಂಗಳ ಮಗು ಸಾವು
ಹಣ್ಣು ತಿನ್ನುತ್ತಿದ್ದಂತೆ ಐಶ್ವರ್ಯಗೆ ಹೊಟ್ಟೆ ನೋವು ಕಾಣಿಸಿಕೊಂಡು ತೀವ್ರ ಅಸ್ವಸ್ಥಗೊಂಡಿದ್ದಾಳೆ. ಕೂಡಲೇ ಶಿವಮೊಗ್ಗದ ಖಾಸಗಿ ಆಸ್ಪತ್ರೆಯಲ್ಲಿ ಪೋಷಕರು ಚಿಕಿತ್ಸೆ ಕೊಡಿಸಿದ್ದಾರೆ. ಆದರೆ ಚಿಕಿತ್ಸೆ ಫಲಕಾರಿಯಾದರೆ ಮೃತಪಟ್ಟಿದ್ದಾಳೆ. ನ್ಯಾಮತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ