ರಾಯಚೂರು: ಮಸ್ಕಿ ತಾಲೂಕಿನಲ್ಲಿ ಜವರಾಯ ಅಟ್ಟಹಾಸ ಮೆರೆದಿದ್ದು, ಬಸ್ ಮತ್ತು ಬೈಕ್ ನಡುವೆ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಗಂಭೀರವಾಗಿ ಗಾಯಗೊಂಡ ಒಬ್ಬರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಮಸ್ಕಿ ತಾಲೂಕಿನ ಗುಡದೂರು ನಾಲೆ ಬಳಿ ಘಟನೆ ನಡೆದಿದೆ. ಭತ್ತದ ಕಟಾವ್ ಮಿಷನ್‌ನಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕರು ಮಸ್ಕಿಯಲ್ಲಿ ಊಟ ಮುಗಿಸಿ ಬೈಕಿನಲ್ಲಿ ತೆರಳುವಾಗ ಅಪಘಾತ ನಡೆದಿದೆ. ನಾಗರಾಜ್ (30), ಶ್ರೀನಿವಾಸ(26) ಹಾಗೂ ಜಯಪಾಲ್(19) ಮೃತ ಕಾರ್ಮಿಕರು. ಇವರು ಮೂವರೂ ಆಂಧ್ರಪ್ರದೇಶದ ಮೂಲದವರು. ಇಬ್ಬರ ಮೃತ ದೇಹವನ್ನು ಮಸ್ಕಿ ಆಸ್ಪತ್ರೆಗೂ, ಒಬ್ಬನ ಮೃತದೇಹವನ್ನು ಸಿಂಧನೂರು ಆಸ್ಪತ್ರೆಗೂ ರವಾನಿಸಲಾಗಿದೆ. ಘಟನೆ ಸ್ಥಳಕ್ಕೆ ಮಸ್ಕಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಇದನ್ನೂ ಓದಿ | Crime news | ಭಯಾನಕ ಕೊಲೆ ಕಂಡು ಪೊಲೀಸರಿಗೇ ಶಾಕ್! 20 ಬಾರಿ ಕಲ್ಲು ಎತ್ತಿಹಾಕಿ ಕೊಂದ ಪಾತಕಿಗಳು!