ಬೆಂಗಳೂರು : ರಸ್ತೆ ದಾಟುವಾಗ ಪೌರಕಾರ್ಮಿಕನ ಮೇಲೆ ಲಾರಿ ಹರಿದು (Road Accident) ಮೃತಪಟ್ಟಿರುವ ಘಟನೆ ಪೀಣ್ಯ ದಾಸರಹಳ್ಳಿಯಲ್ಲಿ ನಡೆದಿದೆ. ಬಾಗೇಪಲ್ಲಿ ನಿವಾಸಿ ಗಂಗಾಧರ್ (40) ಮೃತ ಪೌರಕಾರ್ಮಿಕ.
ದಾಸರಹಳ್ಳಿ ವಲಯದ ವಾರ್ಡ್ ನಂಬರ್ 39ರಲ್ಲಿ ಮಂಗಳವಾರ ಬೆಳಗ್ಗೆ 7:30ರ ಸುಮಾರಿಗೆ ಪೀಣ್ಯ ದಾಸರಹಳ್ಳಿ ಕಚೇರಿಯಲ್ಲಿರುವ ಬಯೋಮೆಟ್ರಿಕ್‌ಗೆ ಬರುತ್ತಿದ್ದರು. ಖಾಲಿ ರಸ್ತೆಯಲ್ಲಿ ಗಂಗಾಧರ್ ರಸ್ತೆ ದಾಟುತ್ತಿದ್ದಾಗ ಲಾರಿಯೊಂದು ಡಿಕ್ಕಿ ಹೊಡೆದಿದೆ. ಕೆಳಗೆ ಬಿದ್ದ ಗಂಗಾಧರ್ ಮೇಲೆ ಲಾರಿ ಹರಿದಿದೆ.
ನಿಯಂತ್ರಣ ತಪ್ಪಿ ಬೈಕ್‌ನಿಂದ ಬಿದ್ದು ಯುವಕ ಸಾವು
ನಿಯಂತ್ರಣ ತಪ್ಪಿ ಬೈಕ್ ಮೇಲಿಂದ ಬಿದ್ದು ಯುವಕ ಮೃತಪಟ್ಟಿರುವ ಘಟನೆ ಜಿಲ್ಲೆಯ ರಬಕವಿ ಬನಹಟ್ಟಿ ತಾಲೂಕಿನ ತೇರದಾಳ- ಹಳಿಂಗಳಿ ಮಾರ್ಗ ಮಧ್ಯೆ ಮಂಗಳವಾರ ನಡೆದಿದೆ. ತೇರದಾಳ ಪಟ್ಟಣದ ಕಲ್ಲಟ್ಟಿ ನಿವಾಸಿ ಸೈದು ತರತರಿ (30) ಮೃತ ಯುವಕ. ಹಣ್ಣಿನ ವ್ಯಾಪಾರ ಮಾಡಿಕೊಂಡಿದ್ದ ಸೈದು ತರತರಿ, ತೇರದಾಳದಿಂದ ಪತ್ನಿಯ ಊರು ಹಳಿಂಗಳಿ ಕಡೆ ಬೈಕ್‌ನಲ್ಲಿ ಹೋಗುತ್ತಿದ್ದಾಗ ಅಪಘಾತ (Bike Accident) ನಡೆದಿದೆ.
ಇದನ್ನೂ ಓದಿ: Love Case : ವಿಷ ಸೇವಿಸಿದ ಪ್ರೇಮಿಗಳು; ಪ್ರಿಯಕರ ಸಾವು, ಅಪ್ರಾಪ್ತೆ ಚಿಂತಾಜನಕ
ಬೆಳಗಾವಿಯಲ್ಲಿ ತಪ್ಪಿದ ಭಾರಿ ಬೆಂಕಿ ಅನಾಹುತ
ಪೆಟ್ರೋಲ್ ಬಂಕ್‌ನಲ್ಲಿ ಡಿಸೇಲ್ ಹಾಕಿಸುತ್ತಿದ್ದಂತೆ ಬೆಂಕಿ ಕಾಣಿಸಿಕೊಂಡ ಕಾರು ಹೊತ್ತಿ ಉರಿದ ಘಟನೆ ಕೊಲ್ಹಾಪುರ ಸರ್ಕಲ್‌ನಲ್ಲಿ ನಡೆದಿದೆ. ಕೂಡಲೇ ಬಂಕ್ ಸಿಬ್ಬಂದಿ ಸಮಯಪ್ರಜ್ಞೆಯಿಂದ ಬೆಂಕಿ ನಂದಿಸಿದ್ದರಿಂದ ಭಾರಿ ಅಗ್ನಿ ಅವಘಡ ತಪ್ಪಿದೆ.
ಕಾರಿಗೆ ಬೆಂಕಿ ಹತ್ತುತ್ತಿದ್ದಂತೆ ಸಮಯಪ್ರಜ್ಞೆ ಮೆರೆದ ಬಂಕ್ ನೌಕರ ಮಹಮ್ಮದ್ ಗೌಸ್, ಬೆಂಕಿ ನಂದಕ (ಫೈರ್‌ ಎಕ್ಸ್‌ಟಿಂಗಿಷರ್‌) ಬಳಸಿ ಬೆಂಕಿಯನ್ನು ನಂದಿಸಿದ್ದಾರೆ. ಇದರಿಂದ ಮಕ್ಕಳೂ ಸೇರಿ ಐವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಯಾವ ಕಾರಣಕ್ಕೆ ಕಾರಿನಲ್ಲಿ ಬೆಂಕಿ ಹೊತ್ತಿಕೊಂಡಿತು ಎಂಬುವುದು ತಿಳಿದುಬಂದಿಲ್ಲ
ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ