ಆನೇಕಲ್ (ಬೆಂಗಳೂರು): ಲಾರಿಯೊಂದು ಬೈಕ್‌ ಡಿಕ್ಕಿ ಹೊಡೆದು (Road accident) ಪರಾರಿಯಾಗಿ ಇಬ್ಬರು ಯುವಕರು ಸ್ಥಳದಲ್ಲೇ ಪ್ರಾಣ (two youths dead) ಕಳೆದುಕೊಂಡ Hit and run ಅಪಘಾತ ಹೊಸೂರು ಮುಖ್ಯರಸ್ತೆಯಲ್ಲಿ (Hosur Main Road) ನಡೆದಿದೆ. ಹೊಸೂರು ಮುಖ್ಯರಸ್ತೆ ಅತ್ತಿಬೆಲೆ ಸಮೀಪದ ಗೆಸ್ಟ್ ಲೈನ್ ಗೇಟ್ ಬಳಿ ಅವಘಡ ಸಂಭವಿಸಿದೆ.
ಮಂಗನಪಾಳ್ಯ ನಿವಾಸಿ ಮಂಜಪ್ಪ (32) ಮೃತ ಸವಾರರಲ್ಲಿ ಒಬ್ಬರು. ಇನ್ನೊಬ್ಬರ ಬಗ್ಗೆ ಇನ್ನೂ ಸ್ಪಷ್ಟ ಮಾಹಿತಿ ಸಿಕ್ಕಿಲ್ಲ. ಬೆಳಗ್ಗೆ 10 ಗಂಟೆಯ ಸುಮಾರಿಗೆ ಈ ಅಪಘಾತ ನಡೆದಿದೆ.
ಬೆಂಗಳೂರು ಹೊರವಲಯ ಆನೇಕಲ್ ತಾಲ್ಲೂಕಿನ ಅತ್ತಿಬೆಲೆ ಬಳಿ ಮಂಜಪ್ಪ(32) ಮತ್ತು ಇನ್ನೊಬ್ಬರು ಬೈಕ್‌ನಲ್ಲಿ ಸಾಗುತ್ತಿದ್ದಾಗ ಹಿಂಬದಿಯಿಂದ ಧಾವಿಸಿ ಬಂದ ಲಾರಿ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ಹೊಡೆತಕ್ಕೆ ಬೈಕ್‌ ಉರುಳಿ ಬಿದ್ದು ಇಬ್ಬರೂ ಸವಾರರು ರಸ್ತೆಗೆ ಬಿದ್ದರು. ಒಬ್ಬರ ಮೇಲೊಬ್ಬರು ಬಿದ್ದ ಅವರು ತೀವ್ರ ಗಾಯಗೊಂಡು ಸ್ಥಳದಲ್ಲೇ ಪ್ರಾಣ ಕಳೆದುಕೊಂಡಿದ್ದಾರೆ.
ಡಿಕ್ಕಿ ಹೊಡೆದ ಲಾರಿ ಅಲ್ಲಿ ನಿಲ್ಲಿಸದೆ ಪರಾರಿಯಾಗಿದೆ. ಸ್ಥಳಕ್ಕೆ ಅತ್ತಿಬೆಲೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮೃತದೇಹಗಳನ್ನು ಹತ್ತಿರದ ಖಾಸಗಿ ಆಸ್ಪತ್ರೆ ಶವಾಗಾರಕ್ಕೆ ರವಾನೆ ಮಾಡಲಾಗಿದೆ
ಹೆಂಡತಿಯನ್ನು ಕತ್ತರಿಯಿಂದ ಇರಿದು ಕೊಂದ ಅನುಮಾನ ಪಿಶಾಚಿ ಗಂಡ
ದೇವನಹಳ್ಳಿ: ರಾಜ್ಯದಲ್ಲಿ ಬರ್ಬರ ಕೊಲೆ ಪ್ರಕರಣಗಳು (Murder Case) ದಿನದಿನವೂ ಹೆಚ್ಚುತ್ತಿವೆ. ಸಣ್ಣ ಸಣ್ಣ ಕಾರಣಗಳಿಗಾಗಿ ಜನರು ಪರಸ್ಪರ ಕೊಲೆ ಮಾಡುವ ವಿದ್ಯಮಾನಗಳು ನಡೆಯುತ್ತಿದೆ. ಗಂಡ-ಹೆಂಡತಿ, ಗೆಳೆಯರು, ಸಹೋದ್ಯೋಗಿಗಳ ನಡುವಿನ ಸಣ್ಣಪುಟ್ಟ ಘಟನೆಗಳೇ ಕೊಲೆಯಲ್ಲಿ ಅಂತ್ಯಗೊಳ್ಳುತ್ತಿವೆ. ಇದರೊಂದಿಗೆ ಕೊಲೆ ಮಾಡುವ ವಿಧಾನಗಳೂ ಬರ್ಬರವಾಗುತ್ತಿವೆ. ಇಲ್ಲೊಬ್ಬ ಅನುಮಾನ ಪಿಶಾಚಿ ಗಂಡ (Suspicious husband) ತನ್ನ ಹೆಂಡತಿಯನ್ನು ಕತ್ತರಿಯಿಂದ ಇರಿದು ಕೊಲೆ (Man kills wife using scissor) ಮಾಡಿದ್ದಾನೆ.
ದೇವನಹಳ್ಳಿ ತಾಲೂಕಿನ ದೊಡ್ಡಸಣ್ಣೆ ಗ್ರಾಮದಲ್ಲಿ ನಡೆದ ಈ ಕ್ರೌರ್ಯದಲ್ಲಿ ರಜನಿ (28) ಎಂಬ ಮಹಿಳೆಯನ್ನು ಅವರ ಗಂಡ ಮುನಿ ಆಂಜಿನಪ್ಪ ಬರ್ಬರವಾಗಿ ಕೊಲೆ ಮಾಡಿದ್ದಾರೆ. ಆತ ಕೊಲೆಗಾಗಿ ಕತ್ತರಿಯನ್ನು ಬಳಸಿದ್ದಾನೆ.
ಮುನಿ ಆಂಜಿನಪ್ಪ ಮತ್ತು ರಜನಿ ಮಧ್ಯೆ ಹಲವು ವರ್ಷಗಳ ಹಿಂದೆಯೇ ಮದುವೆ ನಡೆದಿತ್ತು. ಅವರಿಬ್ಬರ ಮಧ್ಯೆ ಆಗಾಗ ಜಗಳಗಳು ನಡೆಯುತ್ತಿದ್ದವು. ಆದರೆ, ಗುರುವಾರ ರಾತ್ರಿ ಅವರಿಬ್ಬರ ನಡುವೆ ಶುರುವಾದ ಜಗಳ ತಾರಕಕ್ಕೇರಿ ಕೊಲೆಯಲ್ಲಿ ಅಂತ್ಯಗೊಂಡಿದೆ.
ಆಂಜಿನಪ್ಪ ಸದಾ ಕಾಲ ತನ್ನ ಪತ್ನಿ ರಜನಿಯನ್ನು ಸಂಶಯದಿಂದಲೇ ನೋಡುತ್ತಿದ್ದ. ಈ ಸಂಶಯವೇ ಕೊಲೆಗೆ ಕಾರಣವಾಗಿದೆ. ಗುರುವಾರ ರಾತ್ರಿ ಮನೆಗೆ ಬಂದ ಆಂಜಿನಪ್ಪ ಇದೇ ವಿಷಯವನ್ನು ಎತ್ತಿಕೊಂಡು ಗಲಾಟೆ ಶುರು ಮಾಡಿದ್ದ. ಈ ವೇಳೆ ಜಗಳ ವಿಕೋಪಕ್ಕೆ ತಿರುಗಿ ಆಂಜಿನಪ್ಪ ಅಲ್ಲೇ ಇದ್ದ ಕತ್ತರಿಯನ್ನು ತೆಗೆದುಕೊಂಡು ಪತ್ನಿಗೆ ಇರಿದಿದ್ದಾನೆ.
ಇದನ್ನೂ ಓದಿ: Chaddi Gang: ಬೆಂಗಳೂರಿಗೆ ಮತ್ತೆ ಎಂಟ್ರಿ ಕೊಟ್ಟ ಚಡ್ಡಿ ಗ್ಯಾಂಗ್! ಸಿಸಿ ಟಿವಿಯಲ್ಲಿ ಸೆರೆಯಾಯ್ತು ಚಲನವಲನ
ಗಾಯಗೊಂಡ ರಜನಿಯನ್ನು ಸ್ಥಳೀಯರು ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ದರಾದರೂ ತೀವ್ರ ರಕ್ತಸ್ರಾವವಾಗಿದ್ದರಿಂದ ಆಸ್ವತ್ರೆಗೆ ಸಾಗಿಸುವ ಮಾರ್ಗ ಮದ್ಯೆ ಸಾವು ಸಂಭವಿದೆ.
ದೇವನಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಇದೀಗ ಪೊಲೀಸರು ಆರೋಪಿ ಪತಿಯನ್ನು ಬಂಧಿಸಿದ್ದಾರೆ.