ಕಲಬುರಗಿ: ಕಲಬುರಗಿಯಲ್ಲಿ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
ಕಲಬುರಗಿಯ ರಾಮಮಂದಿರದ ಬಳಿಯ ಸರ್ವಜ್ಞ ಸ್ಕೂಲ್ ಹತ್ತಿರ ಟಿಪ್ಪರ್ ಹಾಗೂ ದ್ವಿಚಕ್ರ ವಾಹನ ನಡುವೆ ಅಪಘಾತ ಸಂಭವಿಸಿದೆ. ದ್ವಿಚಕ್ರ ವಾಹನದಲ್ಲಿದ್ದ ದಂಪತಿ ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ. ಜತೆಗಿದ್ದ ಮೂರು ವರ್ಷದ ಮಗು ಪ್ರಾಣಾಪಾಯದಿಂದ ಪಾರಾಗಿದೆ.
ಮೃತರನ್ನು ರಾಣೋಜಿ(42) ಹಾಗೂ ಸುಜಾತ(35) ಎಂದು ಗುರುತಿಸಲಾಗಿದೆ. ರಾಮಮಂದಿರ ಕಡೆಯಿಂದ ಉದನೂರು ಕಡೆ ಹೊರಟಿದ್ದ ಮರಳು ತುಂಬಿದ್ದ ಟಿಪ್ಪರ್ ಟಿಪ್ಪರ್ ಬೈಕ್ ಸವಾರರು ರಸ್ತೆ ಕ್ರಾಸ್ ಮಾಡುವಾಗ ಡಿಕ್ಕಿ ಹೊಡೆದಿದೆ. ಘಟನೆ ಬಳಿಕ ಚಾಲಕ ಟಿಪ್ಪರ್ ಸ್ಥಳದಲ್ಲೇ ಬಿಟ್ಟು ಪರಾರಿಯಾಗಿದ್ದಾನೆ. ದಂಪತಿ ಕೂಲಿ ಕೆಲಸ ಮುಗಿಸಿಕೊಂಡು ಮನೆಗೆ ಹೊರಟಿದ್ದರು. ಸ್ಥಳಕ್ಕೆ ಕಲಬುರಗಿ ಸಂಚಾರಿ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.
ಅದಿರು ವಾಹನ ಪಲ್ಟಿಯಾಗಿ ಚಾಲಕ ಸಾವು
ಕೊಪ್ಪಳ: ಅದಿರು ತುಂಬುವ ವಾಹನ ಪಲ್ಟಿಯಾಗಿ ಚಾಲಕ ಸ್ಥಳದಲ್ಲೇ ಸಾವಿಗೀಡಾದ ಘಟನೆ ನಡೆದಿದೆ. ಕೊಪ್ಪಳ ತಾಲೂಕಿನ ಹಿರೇಬಗನಾಳ ಬಳಿ ಇರುವ ವನ್ಯ ಸ್ಟೀಲ್ ಕಾರ್ಖಾನೆಯಲ್ಲಿ ಈ ದುರ್ಘಟನೆ ನಡೆದಿದೆ. ಯಮನೂರಪ್ಪ ಬಿಳೇಬಾವಿ ಮೃತ ಚಾಲಕ. ಅದಿರು ತುಂಬುವಾಗ ವಾಹನ ಪಲ್ಟಿಯಾಗಿತ್ತು. ವಾಹನದ ಬುಡದಲ್ಲಿ ಸಿಲುಕಿಕೊಂಡು ಚಾಲಕ ಸಾವಿಗೀಡಾಗಿದ್ದಾನೆ. ಮುನಿರಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ: Road Accident: ಕಡಬದ ಬಿಳಿನೆಲೆಯಲ್ಲಿ ಆಲ್ಟೋ-ತೂಫಾನ್‌ ಮುಖಾಮುಖಿ ಡಿಕ್ಕಿ; ಮಗು ಸೇರಿ ನಾಲ್ವರು ಮೃತ್ಯು, ಹಲವರು ಗಂಭೀರ