ನಟಿ ರಮ್ಯಾ ತಮ್ಮ ಸಿನಿಮಾಗಳ ಮೂಲಕ ಸುದ್ದಿಯಾಗುವುದಕ್ಕಿಂತ ಸಾಲು ಸಾಲು ವಿವಾದಗಳ ಮೂಲಕವೇ ಸದ್ದು ಮಾಡಿದ್ದು ಹೆಚ್ಚು. ಒಂದಷ್ಟು ದಿನ ಕಾಂಗ್ರೆಸ್‌ನಲ್ಲಿದ್ದು, ಸಂಸದೆ ಪಟ್ಟಕ್ಕೂ ಏರಿ, ಇದೀಗ ರಾಜಕೀಯದಿಂದಲೂ ದೂರ ಉಳಿದಿರುವ ನಟಿ ರಮ್ಯಾ ಅಭಿಮಾನಿಗಳ ತಲೆಗೆ ಹುಳ ಬಿಟ್ಟಿದ್ದಾರೆ. ನಟಿ ರಮ್ಯಾ ಮಾಡಿರುವ ಅದೊಂದು ಟ್ವೀಟ್‌ ಫ್ಯಾನ್ಸ್‌ ಎದೆಬಡಿತ ಹೆಚ್ಚಿಸಿದೆ.
ಹೌದು, ರಮ್ಯಾ ಟ್ವಿಟರ್‌ನಲ್ಲಿ ಪೋಸ್ಟ್‌ ಒಂದನ್ನು ಹಾಕಿದ್ದಾರೆ. ಪೋಸ್ಟ್‌ನಲ್ಲಿ ‘About time I take the plunge, don’t you think? I’m excited to share some ಸಿಹಿ ಸುದ್ದಿ with you all tomorrow at 11:15 am, It’s official!’ ಎಂದು ಬರೆದುಕೊಂಡಿದ್ದಾರೆ. ಅಂದ್ರೆ ‘ನಾಳೆ (ಆಗಸ್ಟ್ 31) ಬೆಳಗ್ಗೆ 11.15ಕ್ಕೆ ನಿಮಗೆಲ್ಲ ನಾನು ಸಿಹಿ ಸುದ್ದಿ ನೀಡುತ್ತೇನೆ. ಇದು ಅಧಿಕೃತ’ ಎಂದಿದ್ದಾರೆ ನಟಿ ರಮ್ಯಾ.
ಫ್ಯಾನ್ಸ್‌ಗೆ ಕುತೂಹಲ
ರಮ್ಯಾ ಹಾಕಿದ ಈ ಪೋಸ್ಟ್‌ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ಸಂಚಲನ ಸೃಷ್ಟಿಸಿದೆ. ಅದರಲ್ಲೂ ನಟಿ ರಮ್ಯಾ ಅಭಿಮಾನಿಗಳು ಸಿಕ್ಕಾಪಟ್ಟೆ ಕುತೂಹಲದಿಂದ ಕಾಯುತ್ತಿದ್ದಾರೆ. ನಾಳೆ ಸಿಗಲಿರುವ ಆ ಸಿಹಿ ಸುದ್ದಿ ಏನು ಎಂಬುದು ಅಭಿಮಾನಿಗಳ ತಲೆಗೆ ಹುಳು ಬಿಟ್ಟಂತಾಗಿದೆ. ಇದು ಸಿನಿಮಾ ಇರಬಹುದಾ..? ರಾಜಕೀಯ ವಿಚಾರ ಇರಬಹುದಾ..? ಇಲ್ಲ ನಟಿ ರಮ್ಯಾ ಅವರ ಮದುವೆ ಸುದ್ದಿಯಾ..? ಎಂದೆಲ್ಲಾ ಚರ್ಚೆ ಶುರುವಾಗಿದೆ. ಆದರೆ ಯಾವುದಕ್ಕೂ ಇನ್ನೂ ಉತ್ತರ ಮಾತ್ರ ಸಿಕ್ಕಿಲ್ಲ.
ಒಟ್ಟಾರೆ ಒಂದು ಕಡೆ ಸಾಲು ಸಾಲು ವಿವಾದಗಳ ಮಧ್ಯೆ ಕೆಲವು ದಿನಗಳ ಕಾಲ ಸಾರ್ವಜನಿಕ ಜೀವನದಿಂದ ದೂರ ಉಳಿದಿದ್ದ ನಟಿ ರಮ್ಯಾ ಈ ಮೂಲಕ ಕಂಬ್ಯಾಕ್‌ ಮಾಡಿದ್ದಾರೆ. ಇದೀಗ ಒಂದು ಟ್ವೀಟ್‌ ಮೂಲಕ ಸೋಷಿಯಲ್‌ ಮೀಡಿಯಾದಲ್ಲಿ ಸಂಚಲನ ಸೃಷ್ಟಿಸಿದ್ದಾರೆ. ಆದರೆ ಆ ಸಿಹಿಸುದ್ದಿ ಏನೆಂಬುದನ್ನು ತಿಳಿಯುವುದಕ್ಕೆ ಬುಧವಾರ ಬೆಳಗ್ಗೆ 11.15ರ ತನಕ ಕಾಯಲೇಬೇಕಿದೆ.
ಇದನ್ನೂ ಓದಿ| Hoysala Movie | ಡಾಲಿ ಧನಂಜಯ ಅಭಿನಯದ ಹೊಯ್ಸಳ ಸೆಟ್‌ಗೆ ಸ್ಯಾಂಡಲ್‌ವುಡ್‌ ಪದ್ಮಾವತಿ ರಮ್ಯಾ ಪ್ರತ್ಯಕ್ಷ