ಮಂಡ್ಯ: ಇತ್ತೀಚೆಗಷ್ಟೇ ನಂಗಾನಾಚ್ ಕಾರ್ಯಕ್ರಮ (ಅರೆ ನಗ್ನ ಹುಡುಗಿಯರ ನೃತ್ಯ ) ನಡೆದಿದ್ದ ಮಂಡ್ಯದ ಟಿ.ಚೆನ್ನಾಪುರ ಗ್ರಾಮದಲ್ಲಿ ತಡರಾತ್ರಿ ಯುವಕರ ಮಾರಾಮಾರಿ ನಡೆದಿದೆ. ಅಭಿ ಎಂಬ ಯುವಕನ ಮೇಲೆ ಲಾಂಗ್ನಿಂದ ಗಂಭೀರವಾಗಿ ಹಲ್ಲೆ ಮಾಡಲಾಗಿದ್ದು, ಆತನನ್ನು ನಿಮ್ಹಾನ್ಸ್ಗೆ ದಾಖಲು ಮಾಡಲಾಗಿದೆ. ಸ್ಥಳೀಯ ಹಿರಿಯ ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ಕೊಟ್ಟು ಪರಿಶೀಲನೆ ನಡೆಸಿದ್ದಾರೆ. ಸ್ಥಳದಲ್ಲಿ ಬಿಗುವಿನ ವಾತಾವರಣ ಸೃಷ್ಟಿಯಾಗಿದೆ.
ಮಂಡ್ಯದ ನಾಗಮಂಗಲ ತಾಲೂಕಿನ ಟಿ.ಚೆನ್ನಾಪುರ ಗ್ರಾಮದಲ್ಲಿ ಮೂರ್ನಾಲ್ಕು ದಿನಗಳ ಹಿಂದೆ ಗ್ರಾಮ ದೇವತೆ ಹಬ್ಬದ ನೆಪದಲ್ಲಿ ನಂಗಾನಾಚ್ ನಡೆದಿತ್ತು. ನಾಗಮಂಗಲ ಕ್ಷೇತ್ರದ ಶಾಸಕ ಸುರೇಶ್ ಗೌಡರ ಅಧ್ಯಕ್ಷತೆಯಲ್ಲಿ, ಅವರ ಬೆಂಬಲಿಗರಿಂದ ಈ ನೃತ್ಯ ಆಯೋಜನೆಯಾಗಿತ್ತು. ಹಾಗಂತ ಈಗ ಯುವಕರ ನಡುವೆ ನಡೆದ ಮಾರಾಮಾರಿಗೆ ನಿಖರ ಕಾರಣ ಇನ್ನೂ ಸ್ಪಷ್ಟವಾಗಿಲ್ಲ. ಕೇಸ್ ದಾಖಲಿಸಿಕೊಂಡ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ:ಮತದಾರರನ್ನು ಸೆಳೆಯಲು ಮಂಡ್ಯದಲ್ಲಿ ಅರೆನಗ್ನ ಹುಡುಗಿಯರ ರಸಮಂಜರಿ!