ಕಾರವಾರ: ಬೊಲೆರೊ ವಾಹನದಲ್ಲಿ ಹಿಂಸಾತ್ಮಕವಾಗಿ 6 ಎತ್ತುಗಳನ್ನು ಸಾಗಣೆ (Bullocks in bolero) ಮಾಡುತ್ತಿದ್ದ ಮೂವರು ಆರೋಪಿಗಳನ್ನು ಪೊಲೀಸರು ದಾಳಿ ನಡೆಸಿ ಬಂಧಿಸಿದ ಘಟನೆ ಅಂಕೋಲಾದ ಅಲಗೇರಿ ಕ್ರಾಸ್ ಬಳಿ ನಡೆದಿದೆ.
ಕಲಘಟಗಿಯ ಕಲ್ಲಪ್ಪ ಮಹದೇವಪ್ಪ ರಾಮನಕೊಪ್ಪ (32), ಅಲಗೇರಿ ಗ್ರಾಮದ ಸುರೇಶ ಗಣು ನಾಯ್ಕ(55), ಸುಭಾಷ್ ನಾಗೇಶ ನಾಯ್ಕ(35) ಬಂಧಿತರು.
ಆರೋಪಿಗಳು ಸುಮಾರು 60 ಸಾವಿರ ರೂ. ಮೌಲ್ಯದ 6 ಎತ್ತುಗಳನ್ನು ಅಕ್ರಮವಾಗಿ ಯಾವುದೇ ಪರವಾನಿಗೆ ಇಲ್ಲದೇ ಸಾಗಾಟ ಮಾಡುತ್ತಿದ್ದರು. ಖಚಿತ ಮಾಹಿತಿ ಮೇರೆಗೆ ಅಂಕೋಲಾ ಪಿಎಸ್ಐ ಪ್ರವೀಣ್ ಕುಮಾರ ತಂಡ ದಾಳಿ ನಡೆಸಿ 6 ಎತ್ತುಗಳನ್ನು ರಕ್ಷಣೆ ಮಾಡಿ ಮೂವರನ್ನು ಬಂಧಿಸಿದ್ದಾರೆ. ಈ ಕುರಿತು ಅಂಕೋಲಾ ಪೊಲೀ‌ಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | Shimoga News | ಕಾರ್ಪೊರೇಟರ್‌ ಮನೆಯಲ್ಲಿ 40 ಕೆಜಿ ಗೋಮಾಂಸ: ಸದಸ್ಯತ್ವ ವಜಾಕ್ಕೆ ಬಿಜೆಪಿ ಆಗ್ರಹ