ಶಿವಮೊಗ್ಗ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ (Super star rajinikanth) ಫೈಟಿಂಗ್‌ ಸೀನ್‌ ಟೈಮಿನಲ್ಲೇ ಚಿತ್ರಮಂದಿರದ ಗೋಡೆ ಕುಸಿದಿದೆ. ರಜಿನಿಕಾಂತ್‌ ಅಭಿಯಾನದ ಜೈಲರ್ ಸಿನಿಮಾ (Jailer Movie) ಪ್ರದರ್ಶನದ ಸಮಯದಲ್ಲಿ ತೀರ್ಥಹಳ್ಳಿಯಲ್ಲಿ ಚಿತ್ರಮಂದಿರದ (Theatre Wall Collapse) ಗೋಡೆ ಕುಸಿದಿದೆ.
ಸೊಪ್ಪುಗುಡ್ಡೆಯ ಮಾರ್ಕೆಟ್ ರಸ್ತೆಯಲ್ಲಿರುವ ವಿನಾಯಕ ಚಿತ್ರಮಂದಿರದ ಮುಂಭಾಗ ಏಕಾಏಕಿ ಕುಸಿದು ಬಿದ್ದಿದೆ. ಹಳೇ ಕಟ್ಟಡವಾಗಿರುವುದರಿಂದ ಶಿಥಿಲಗೊಂಡಿತ್ತು ಎನ್ನಲಾಗಿದೆ. ಹೀಗಾಗಿ ಗೋಡೆ ಕುಸಿದಿರುವ ಸಾಧ್ಯತೆ ಇದೆ.
ಅದೃಷ್ಟವಶಾತ್‌ ರಾತ್ರಿ ಪ್ರದರ್ಶನದಲ್ಲಿ ಪ್ರೇಕ್ಷಕರು ಕಡಿಮೆ ಇದ್ದ ಕಾರಣ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಚಿತ್ರಮಂದಿರದ ಮುಂಭಾಗ ನಿಲ್ಲಿಸಿದ್ದ ಬೈಕ್‌ಗಳಿಗೆ ಹಾನಿಯಾಗಿದೆ.
ಗೋಡೆ ಬಿದ್ದ ರಭಸಕ್ಕೆ 7 ಬೈಕ್‌ಗಳು ಜಖಂಗೊಂಡಿವೆ. ಒಂದು ವೇಳೆ ಬೈಕ್‌ ನಿಲ್ಲಿಸಿದ್ದ ಜಾಗದಲ್ಲಿ ಸವಾರರು ಇದ್ದಿದ್ದರೆ ಸಾವು-ನೋವು ಸಂಭವಿಸುವ ಸಾಧ್ಯತೆಯೇ ಹೆಚ್ಚು ಇರುತಿತ್ತು. ರಜನಿಕಾಂತ್ ನಟನೆಯ ಜೈಲರ್ ಸಿನಿಮಾ ಪ್ರದರ್ಶನದ ವೇಳೆ ಘಟನೆ ನಡೆದಿದೆ.
ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ