ಬೆಂಗಳೂರು: ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ಯುವತಿಯೊಬ್ಬಳು ಸ್ಕೂಟರ್ನ ಹಿಂಬದಿಯಲ್ಲಿ, ಹಿಮ್ಮುಖವಾಗಿ ಕುಳಿತು ತೂರಾಡುತ್ತ, ಮೈಬಳುಕಿಸುತ್ತಿದ್ದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಶನಿವಾರ ರಾತ್ರಿ ಈ ದೃಶ್ಯ ಕಂಡುಬಂದಿದೆ. ಸ್ಕೂಟರ್ ಓಡಿಸುತ್ತಿದ್ದವಳೂ ಹೆಲ್ಮೆಟ್ ಧರಿಸಿರಲಿಲ್ಲ. ಹಿಂಬದಿಯಲ್ಲಿ ಕುಳಿತವಳಂತೂ ಆಕೆಯದ್ದೇ ಲೋಕದಲ್ಲಿ ತೇಲಾಡುತ್ತಿದ್ದಂತೆ ಕಂಡುಬಂತು. ಕೈ, ಕಾಲು ಅಲ್ಲಾಡಿಸುತ್ತ, ಕುಳಿತಲ್ಲೇ ಡ್ಯಾನ್ಸ್ ಕೂಡ ಮಾಡುತ್ತಿದ್ದಳು. ತುಂಬ ಅಪಾಯಕಾರಿ ರೀತಿಯಲ್ಲಿ ಆ ಸ್ಕೂಟರ್ ಓಡುತ್ತಿತ್ತು.
ಕೇರಳ ನೋಂದಣಿ ಸಂಖ್ಯೆ ಇರುವ ಸ್ಕೂಟರ್ ಇದಾಗಿದ್ದು, ವೀಕೆಂಡ್ ಹಿನ್ನೆಲೆಯಲ್ಲಿ ಈ ಯುವತಿಯರು ಅದ್ಯಾವುದೋ ಪಾರ್ಟಿಗೆ ಹೋಗಿ ವಾಪಸ್ ಬರುತ್ತಿದ್ದರು ಎಂದು ಹೇಳಲಾಗಿದೆ. ಹಿಂಬದಿಯು ಯುವತಿ ತೂರಾಡುತ್ತಿದ್ದುದನ್ನು ನೋಡಿದರೆ ಆಕೆ ಮದ್ಯಪಾನ ಮಾಡಿರುವಂತೆ ಕಾಣುತ್ತಿದೆ. ಎಲೆಕ್ಟ್ರಾನಿಕ್ ಸಿಟಿಯ ಪ್ರಮುಖ ರಸ್ತೆಗಳಲ್ಲಿ ಇವರ ಸ್ಕೂಟರ್ ಬೇಕಾಬಿಟ್ಟಿ ಓಡಿದೆ. ಇದರಿಂದ ವಾಹನ ಸವಾರರಿಗೆ ತೊಂದರೆಯೂ ಆಗಿದೆ.
ಇದನ್ನೂ ಓದಿ: Viral Video | ಅಪ್ಪನ ಬಿಳಿ ಕಾರಿನ ಮೇಲೆ ಅಮ್ಮನ ಲಿಪ್ಸ್ಟಿಕ್ನಿಂದ ಚಿತ್ತಾರ; ಸೃಷ್ಟಿಕರ್ತ ತುಂಟ ಪುತ್ರ !