ಚಿಕ್ಕಮಗಳೂರು: ಕನ್ನಡಕದ ಹಣ ಕೇಳಿದ್ದಕ್ಕೆ ರಸ್ತೆ ಬದಿಯಲ್ಲಿ ಮಾರಾಟಕ್ಕಿಟ್ಟಿದ್ದ ಕನ್ನಡಕಗಳನ್ನು ಕುಡಿದ ಮತ್ತಿನಲ್ಲಿ ಯುವಕರು ಪುಡಿ ಪುಡಿ ಮಾಡಿ, ಮಹಿಳೆ ಮೇಲೆ ದೌರ್ಜನ್ಯ ಎಸಗಿರುವ ಅಮಾನವೀಯ ಘಟನೆ (Assault Case) ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ನಗರದ ಕೋಟೆಕೆರೆ ಬಳಿ ಕುಡಿದ ಮತ್ತಿನಲ್ಲಿ ಯುವಕರು ಪುಂಡಾಟ ಮೆರೆದಿದ್ದಾರೆ. ರಸ್ತೆ ಬದಿ ಮಹಿಳೆಯೊಬ್ಬರು ಕನ್ನಡಕಗಳ ವ್ಯಾಪಾರ ಮಾಡುತ್ತಿದ್ದರು. ಆಗ ಬೈಕ್‌ನಲ್ಲಿ ಬಂದ ಇಬ್ಬರು ಯುವಕರು ಕನ್ನಡಕ ಖರೀದಿಸಿದ್ದಾರೆ. ಈ ವೇಳೆ ಮಹಿಳೆ ಹಣ ಕೇಳಿದ್ದರಿಂದ ಯುವಕರು ರಸ್ತೆಗೆ ಕನ್ನಡಕಗಳನ್ನು ಎಸೆದು ಪುಡಿ ಪುಡಿ ಮಾಡಿ ಪರಾರಿಯಾಗಿದ್ದಾರೆ.
ಇದನ್ನೂ ಓದಿ | Kidnapping case: ಮಗನನ್ನೇ ಅಪಹರಿಸಿದ ಅಪ್ಪ!: ಊರಿಂದೂರಿಗೆ ಓಡಾಡಿದವನು ಗೋವಾದಲ್ಲಿ ಸಿಕ್ಕಿಬಿದ್ದ
ಯುವಕರ ಕೃತ್ಯವನ್ನು ಸ್ಥಳೀಯರು ವಿಡಿಯೊ ಮಾಡಿದ್ದಾರೆ. ಜೀವನಾಧಾರಕ್ಕಾಗಿ ಮಾರಾಟ ಮಾಡುತ್ತಿದ್ದ ಕನ್ನಡಗಳನ್ನು ಪುಡಿ ಮಾಡಿ ಯುವಕರು ಪರಾರಿಯಾಗಿದ್ದರಿಂದ ಬಡ ಮಹಿಳಾ ವ್ಯಾಪಾರಿ ಕಣ್ಣೀರು ಹಾಕಿದ್ದಾರೆ.
ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದವನ ಬಂಧನ
ವಿಜಯನಗರ: ರಾಜಾರೋಷವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದವನನ್ನು ಪೊಲೀಸರು ಬಂಧಿಸಿರುವುದು ವೆಂಕಟಾಪುರ ಕ್ಯಾಂಪ್ ಬಳಿಯ ಕಂಪ್ಲಿ – ಹೊಸಪೇಟೆ ರಸ್ತೆಯ ಮಾರಮ್ಮ ದೇಗುಲದ ಬಳಿ ನಡೆದಿದೆ. ಖಚಿತ ಮಾಹಿತಿ ಮೇರೆಗೆ ವಿಜಯನಗರ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದಾರೆ.
ಇದನ್ನೂ ಓದಿ | Karwar News: ಸಮುದ್ರಕ್ಕೆ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ ಭಗ್ನಪ್ರೇಮಿಯ ರಕ್ಷಿಸಿದ ಲೈಫ್‌ಗಾರ್ಡ್
ದಾಳಿ ವೇಳೆ 40 ಸಾವಿರ ರೂಪಾಯಿ ಬೆಲೆ ಬಾಳುವ 1.1 ಕೆ.ಜಿ ಗಾಂಜಾ, 1,220 ರೂ. ನಗದು, 20 ಸಾವಿರ ರೂ. ಬೆಲೆಯ ಬೈಕ್ ಸೇರಿ ಒಟ್ಟು 61,220 ರೂಪಾಯಿ ಮೌಲ್ಯದ ವಸ್ತುಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಕಮಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.