ಪ್ರತಿಯೊಬ್ಬ ಮಹಿಳೆಯು ತನ್ನ ಪತಿ ತನ್ನ ಜೊತೆ ಮಾತ್ರ ಅನ್ಯೋನ್ಯವಾಗಿರಬೇಕು ಎಂದು ಬಯಸುತ್ತಾಳೆ. ಒಂದುವೇಳೆ ಪತಿ ಬೇರೆ ಯುವತಿಯ ಜೊತೆ ಅನ್ಯೋನ್ಯವಾಗಿರುವುದನ್ನು ನೋಡಿದರೆ ಅವಳಷ್ಟು ಕೆಟ್ಟವರು ಮತ್ತೊಬ್ಬರಿರುವುದಿಲ್ಲ ಎಂದು ಹೇಳಬಹುದು. ಅದರಲ್ಲೂ ಮದುವೆ ಎಂಬುದು ಎಲ್ಲರ ಜೀವನದಲ್ಲಿ ಒಂದು ಸಂಭ್ರಮದ ದಿನ. ಈ ದಿನಕ್ಕಾಗಿ ಹಲವರು ದುಬಾರಿ ಖರ್ಚುಗಳನ್ನು ಮಾಡುತ್ತಾರೆ. ಆ ದಿನದ ಪ್ರತಿಕ್ಷಣವನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗುತ್ತದೆ. ಆದರೆ ಇಲ್ಲೊಂದು ಮದುವೆಯಲ್ಲಿ ಅನಿರೀಕ್ಷಿತ ಘಟನೆಯೊಂದು ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿದ್ದು, ಅದು ಇತ್ತೀಚೆಗೆ ಸೋಶಿಯಲ್ ಮಿಡಿಯಾದಲ್ಲಿ ವೈರಲ್(Viral Video) ಆಗಿದೆ.
ಈ ವಿಡಿಯೊದಲ್ಲಿ, ವರನು ತನ್ನ ಪತ್ನಿಯ ಸಹೋದರಿಯನ್ನು ನೋಡಿದ ನಂತರ ತನ್ನ ಸಂಯಮವನ್ನು ಕಳೆದುಕೊಳ್ಳುತ್ತಾನೆ ಮತ್ತು ವಧುವಿನ ಮುಂದೆ ಅನುಚಿತವಾಗಿ ವರ್ತಿಸುತ್ತಾನೆ, ಇದು ವಿಡಿಯೊ ವೈರಲ್ ಆಗಲು ಕಾರಣವಾಗುತ್ತದೆ. ಈ ವಿಡಿಯೊವನ್ನು memesmasala_mix ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೊದಲ್ಲಿ, ವರ ಮತ್ತು ವಧು ವೇದಿಕೆಯ ಮೇಲೆ ಕುಳಿತಿರುವಾಗ, ಲೆಹೆಂಗಾ ಧರಿಸಿದ ಯುವತಿಯೊಬ್ಬಳು ಬಂದು ವರನ ಪಕ್ಕದಲ್ಲಿ ಕುಳಿತುಕೊಳ್ಳುತ್ತಾಳೆ. ಇದ್ದಕ್ಕಿದ್ದಂತೆ, ವರ ಮತ್ತು ಅವನ ಪತ್ನಿಯ ಸಹೋದರಿ ಪರಸ್ಪರ ಚುಂಬಿಸುತ್ತಾರೆ, ಇದನ್ನು ಕಂಡು ಅತಿಥಿಗಳು ಆಘಾತಕ್ಕೊಳಗಾಗುತ್ತಾರೆ. ಈ ವಿಡಿಯೊ ನೋಡಿ ನೆಟ್ಟಿಗರು ಕೂಡ ಶಾಕ್ ಆಗಿದ್ದಾರೆ. ನಂತರ ಈ ವಿಡಿಯೊ ವೈರಲ್ ಆಗಿತ್ತು.
ಈ ವಿಡಿಯೊದ ಸತ್ಯಾಸತ್ಯತೆಯನ್ನು ದೃಢೀಕರಿಸಲು ಸಾಧ್ಯವಿಲ್ಲ. ವಿಡಿಯೊ ಶೀರ್ಷಿಕೆಯು “ಅರೇಂಜ್ಡ್ ಮ್ಯಾರೇಜ್ ನ ಪ್ರಯೋಜನಗಳು” ಮತ್ತು ” ಸಿಸ್ಟರ್ ಇನ್ ಲಾ ಇಸ್ ಹಾಫ್ ವೈಪ್” ಎಂದು ಬರೆಯಲಾಗಿದೆ. ಕೆಲವು ವೀಕ್ಷಕರು “ವಿಚ್ಛೇದನ ಆಗುವುದು ಖಂಡಿತ” ಎಂದು ಕಾಮೆಂಟ್ ಮಾಡಿದ್ದಾರೆ ಮತ್ತು ಇನ್ನೊಬ್ಬ ಬಳಕೆದಾರರು ಇಡೀ ಮದುವೆಯ ಪಾರ್ಟಿಯನ್ನು ಈ ರೀತಿ ಹಾಳುಮಾಡಲಾಗಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ:ಸೂಪರ್ ಮಾರ್ಕೆಟ್‍ನೊಳಗೇ ಒಳ ಉಡುಪು ಕಳಚಿ ಬ್ರೆಡ್ ಟ್ರೇನಲ್ಲಿಟ್ಟ ಯುವತಿ!
ಮದುವೆಯ ವೇದಿಕೆಯಯ ಮೇಲೆ ಇಂತಹ ಅಹಿತಕರ ಘಟನೆಗಳು ನಡೆಯುತ್ತಿರುವುದು ಇದೇ ಮೊದಲಲ್ಲಾ. ಈ ಹಿಂದೆ ಆನ್‍ಲೈನ್‍ನಲ್ಲಿ ವೈರಲ್ ಆಗಿರುವ ವಿಡಿಯೊ ಒಂದರಲ್ಲಿ ಛಾಯಾಗ್ರಾಹಕ ವಧುವಿನ ಬಳಿ ಬಂದು ಅವಳ ಸೌಂದರ್ಯವನ್ನು ಸೆರೆಹಿಡಿಯಲು ವಿವಿಧ ಕೋನಗಳನ್ನು ತೆಗೆದುಕೊಳ್ಳುತ್ತಿದ್ದಾನೆ. ಕ್ಯಾಮೆರಾದಲ್ಲಿ ವಧುವಿನ ಫೋಟೊ ತೆಗೆಯುವ ವಿಧಾನವು ವರನಿಗೆ ಕೋಪಬರುವಂತೆ ಮಾಡುತ್ತದೆ. ಇದರಿಂದ ಇದ್ದಕ್ಕಿದ್ದಂತೆ, ವರನು ಅಸೂಯೆಯಿಂದ ಛಾಯಾಗ್ರಾಹಕನನ್ನು ಹೊಡೆಯುತ್ತಾನೆ. ಈ ವಿಡಿಯೊ ಈ ಹಿಂದೆ ಬಹಳಷ್ಟು ವೈರಲ್ ಆಗಿತ್ತು.