ಮನುಷ್ಯರಲ್ಲಿ ಮಾನವೀಯತೆ ಸಾಯುತ್ತಿದೆ. ಪ್ರಪಂಚದಲ್ಲಿ ನಮ್ಮಂತೆಯೇ ಬದುಕಲು ಬಯಸುವ ಪ್ರಾಣಿಗಳನ್ನು ಕಟ್ಟಿ ಹಾಕಿ ಹಿಂಸೆ ನೀಡುತ್ತಿದ್ದಾರೆ. ಆದರೆ ಕರ್ಮ ಯಾರನ್ನೂ ಬಿಡುವುದಿಲ್ಲ ಎಂದು ಹೇಳುತ್ತಾರೆ. ನೀವು ಈಗ ಮಾಡಿದ ಕರ್ಮಕ್ಕೆ ಕೂಡಲೇ ಶಿಕ್ಷೆ ಅನುಭವಿಸುತ್ತೀರಿ ಎಂದು ಹೇಳುತ್ತಾರೆ. ಅದು ಈ ಘಟನೆಯನ್ನು ನೋಡಿದರೆ ನಿಜ ಎಂಬುದು ತಿಳಿಯುತ್ತದೆ. ಒಂಟೆಯನ್ನು ಕಟ್ಟಿ ಹಾಕಿದ ಒಬ್ಬ ವ್ಯಕ್ತಿ ಅದಕ್ಕೆ ಹಿಂಸೆ ನೀಡಿದ್ದಾನೆ. ಚೂರಿಯಿಂದ ಅದರ ಕುತ್ತಿಗೆಗೆ ಇರಿದಿದ್ದಾನೆ. ಆಗ ಒಂಟೆ ಅವನ ಮೇಲೆ ಪ್ರತೀಕಾರ ತೀರಿಸಿಕೊಂಡಿದ್ದನ್ನು ಪ್ರಸ್ತುತ ವಿಡಿಯೊದಲ್ಲಿ ಕಾಣುತ್ತಿದೆ. ಈ ವಿಡಿಯೊ ಸಖತ್ ವೈರಲ್ (Viral Video)ಆಗಿ ಜನರ ಆಕ್ರೋಶಕ್ಕೆ ಗುರಿಯಾಗಿದೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಈ ವಿಡಿಯೊದಲ್ಲಿ ವ್ಯಕ್ತಿಯೊಬ್ಬ ಒಂಟೆಯನ್ನು ಕಟ್ಟಿ ನಂತರ ಚಾಕುವಿನಿಂದ ಅದರ ಕುತ್ತಿಗೆಗೆ ಚುಚ್ಚುತ್ತಿದ್ದಾನೆ. ನಂತರ ಮತ್ತೊಬ್ಬ ವ್ಯಕ್ತಿ ಅದೇ ಚಾಕುವನ್ನು ತೆಗೆದುಕೊಂಡು ಮತ್ತೆ ಅದರ ಕುತ್ತಿಗೆ ಚುಚ್ಚಿದ್ದಾನೆ. ಆಗ ನೋವಿನಿಂದ ಒಂಟೆ ತನ್ನ ಕಟ್ಟಿದ ಕಾಲಿನಿಂದ ಆ ವ್ಯಕ್ತಿಗೆ ಒದ್ದು ಕೆಳಗೆ ಬೀಳಿಸಿದೆ. ಆದರೆ ಮೂಕ ಪ್ರಾಣಿಗೆ ನೀಡಿದ ಈ ಚಿತ್ರಹಿಂಸೆಯನ್ನು ನೋಡಲು ಸಾಧ್ಯವಾಗುತ್ತಿಲ್ಲ. ಮನುಷ್ಯ ಕುಲ ಇಷ್ಟು ನೀಚ ಮಟ್ಟಕ್ಕೆ ಇಳಿದಿದೆ ಎಂಬುದು ಇದರಿಂದ ತಿಳಿಯುತ್ತದೆ.
Cameled 🐪
— Deady Kalesh (@Deadlykalesh) August 7, 2024
pic.twitter.com/8o0A4eX03y
ಈ ವಿಡಿಯೊವನ್ನು @Deadlykalesh ಎಕ್ಸ್ ಚಾನೆಲ್‍ನಲ್ಲಿ ಹಂಚಿಕೊಳ್ಳಲಾಗಿದೆ. ಮನುಷ್ಯನು ತಾನು ಮಾಡಿದ ನೀಚ ಕೃತ್ಯಗಳಿಗೆ ಗಂಭೀರವಾದ ಪರಿಣಾಮವನ್ನು ಎದುರಿಸುತ್ತಾನೆ ಎಂಬ ಅಂಶವನ್ನು ಈ ವಿಡಿಯೊ ಎತ್ತಿ ತೋರಿಸುತ್ತದೆ. ಒಂಟೆ ಈ ರೀತಿ ಪ್ರತೀಕಾರ ತೀರಿಸಿಕೊಂಡಿದ್ದು, ಪ್ರಾಣಿಯನ್ನು ಈ ರೀತಿಯಾಗಿ ಹಿಂಸಿಸುವ ತಪ್ಪನ್ನು ಮಾಡುವವರಿಗೆ ಒಂದು ಸೂಕ್ತ ಉದಾಹರಣೆಯಾಗಿದೆ. ಈ ವಿಡಿಯೊ 29,000ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ ಮತ್ತು ಈ ವಿಡಿಯೊ ನೋಡಿದವರು ಆಘಾತಗೊಂಡಿದ್ದಾರೆ. ಕಾಮೆಂಟ್ ಮೂಲಕ ತಮ್ಮ ಪ್ರತಿಕ್ರಿಯೆಯನ್ನು ವ್ಯಕ್ತಪಡಿಸಿದ್ದಾರೆ. “ಓ ಮೈ ಗಾಡ್” ಎಂದು ಒಬ್ಬ ಬಳಕೆದಾರರು ಉದ್ಗರಿಸುತ್ತಾರೆ. ಇತರರು “ಪರ್ಫೆಕ್ಟ್ ಶಾಟ್” ಮತ್ತು “ನೈಸ್ ಕಿಕ್” ಎಂದು ಒಂಟೆಯ ಪ್ರತಿಕ್ರಿಯೆಯನ್ನು ಹೊಗಳಿದ್ದಾರೆ.
ಇದನ್ನೂ ಓದಿ:11 ವರ್ಷಗಳ ಹಿಂದೆ ಸತ್ತಿದ್ದ ಗಂಡ ಕನಸಲ್ಲಿ ಬಂದು ʼಸೇರಿದʼ; ಹಾಗಾಗಿ ಮಗು ಹುಟ್ಟಿತು ಅಂತಿದ್ದಾಳೆ ಈ ಹೆಂಗಸು!
ಯಾವುದೇ ಜೀವಿ ಅಥವಾ ಪ್ರಾಣಿಗೆ ದಯೆ ಮತ್ತು ಗೌರವವನ್ನು ತೋರಿಸುವುದು ಅವಶ್ಯಕ ಎಂಬ ಪಾಠವನ್ನು ಎಲ್ಲರಿಗೂ ಕಲಿಸಲು ಈ ವಿಡಿಯೊ ವೈರಲ್ ಆಗಿದೆ ಎನ್ನಲಾಗಿದೆ. ಯಾವುದೇ ಜೀವಿಗೆ ಕಿರುಕುಳ ನೀಡುವುದು ಭೀಕರ ಪರಿಣಾಮಗಳಿಗೆ ಕಾರಣವಾಗಬಹುದು ಎಂಬ ಪಾಠವನ್ನೂ ಇದು ತಿಳಿಸುತ್ತದೆ. ಅಲ್ಲದೇ ಒಂಟೆ ಈ ಮನುಷ್ಯನಿಗೆ ಕಲಿಸಿದ್ದು ನಮಗೆ ಬಹಳ ಅಮೂಲ್ಯವಾದ ಜೀವನದ ಪಾಠವನ್ನು ಕಲಿಸುತ್ತದೆ.