ಸೀತಾಪುರ: ಉತ್ತರಪ್ರದೇಶದ(Uttar Pradesh) ಖೈರಾಬಾದ್‌ನಲ್ಲಿ ಮಹರ್ಷಿ ಶ್ರೀ ಲಕ್ಷ್ಮಣ ದಾಸ ಉದಾಸಿನ್‌ ಆಶ್ರಮದ ಮಹಂತ ಭಜರಂಗ್‌ ಮುನಿ ದಾಸ್‌ ನಡೆಸಿದ ಮೆರವಣಿಗೆಯಲ್ಲಿ ಆಡಿರುವ ಮಾತು ವಿವಾದಕ್ಕೀಡಾಗಿದೆ. ʼಒಂದು ವೇಳೆ ನೀವು ಹಿಂದೂ ಹೆಣ್ಣುಮಕ್ಕಳನ್ನು ಚುಡಾಯಿಸಿದರೆ, ನಿಮ್ಮ ಮನೆಯ ಹೆಣ್ಣು ಮಕ್ಕಳನ್ನು ನಾನೇ ರೇಪ್‌ ಮಾಡುತ್ತೇನೆʼ ಎಂದು ಬಜರಂಗ್‌ ದಾಸ್‌ ಭಾಷಣದಲ್ಲಿ ತಿಳಿಸಿದ್ದಾರೆ.
ಭಜರಂಗ್‌ ಮುನಿ ದಾಸ್‌ ಖೈರಾಬಾದ್‌ನಲ್ಲಿ ಯುಗಾದಿ ಹಬ್ಬದಂದು ಮೆರವಣಿಗೆ ಹೋಗುತ್ತಿದ್ದ ಸಂದರ್ಭದಲ್ಲಿ ಹಿಂದೂ ಹೆಣ್ಣುಮಕ್ಕಳಿಗೆ ತೊಂದರೆ ನೀಡದಂತೆ ಎಚ್ಚರಿಕೆ ನೀಡುವ ನಿಟ್ಟಿನಲ್ಲಿ ಈ ಮಾತನ್ನಾಡಿದ್ದಾರೆ. ಅಲ್ಲದೆ. ಒಂದು ಸಮುದಾಯದ ಹೆಣ್ಣುಮಕ್ಕಳಿಗೆ ʼrape threatʼ ನೀಡಿದ ಹೇಳಿಕೆಯು ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶಕ್ಕೆ ಕಾರಣವಾಗಿರುವುದಷ್ಟೆ ಅಲ್ಲದೆ ಕಾನೂನು ಕ್ರಮಕ್ಕೂ ಕಾರಣವಾಗುತ್ತಿದೆ.
ಈ ಬಗ್ಗೆ ಸ್ಥಳೀಯ ಪೋಲಿಸರು ಕೂಡಲೇ ಕ್ರಮ ಕೈಗೊಂಡಿದ್ದಾರೆ. ಪ್ರಕರಣದ ಕುರಿತು ಸೂಕ್ತ ಕಾರ್ಯಾಚರಣೆ ನಡೆಸಿ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಎಸ್‌.ಐ. ರಾಜೀವ್‌ ದೀಕ್ಷಿತ್‌ ತಿಳಿಸಿದ್ದಾರೆ.
ಬಜರಂಗ್‌ ಮುನಿ ದಾಸ್‌ ಹೆಣ್ಣಿನ ಬಗ್ಗೆ ಅಸಭ್ಯವಾಗಿ ಮಾತಾನಾಡಿದ್ದು ರಾಷ್ಟ್ರೀಯ ಮಹಿಳಾ ಆಯೋಗ(National Commission for Women- NCW) ಕೆಂಗಣ್ಣಿಗೆ ಕಾರಣವಾಗಿದೆ. ʼಭಜರಂಗ್‌ ದಾಸ್‌ ಈ ರೀತಿಯ ಮಾತುಗಳನ್ನಾಡಿದ್ದು ಅಕ್ಷಮ್ಯ ಅಪರಾಧ, ಇದನ್ನು ಗಮನಿಸಿ ಯಾರೂ ಮೂಕಪ್ರೇಕ್ಷಕರಾಗಿರಬಾರದುʼ ಎಂದು ಹೇಳಿದೆ. ಹಾಗೂ ಈ ಪ್ರಕರಣದ ಕುರಿತು ಪೋಲಿಸರು ಸೂಕ್ತ ಕ್ರಮ ಕೈಗೊಳ್ಳುವಂತೆ ಹಾಗೂ ಬಜರಂಗ್‌ ದಾಸ್‌ ಅವರಿಗೆ ಶಿಕ್ಷೆ ನೀಡುವಂತೆ NCW ಒತ್ತಾಯಿಸಿದೆ.
ಹೆಚ್ಚಿನ ಓದಿಗಾಗಿ: ಗೋರಖನಾಥ ದೇವಸ್ಥಾನ ದಾಳಿ ಪ್ರಕರಣ ವಿಚಾರಣೆಗೆ ಮುಂಬೈ ತಲುಪಿದ ಭಯೋತ್ಪಾದನಾ ನಿಗ್ರಹ ದಳ