ನವದೆಹಲಿ: 2022-2023 ರಲ್ಲಿ ಬಿಜೆಪಿಯ ಆದಾಯವು (BJP Party Income) ಹಿಂದಿನ ವರ್ಷಕ್ಕಿಂತ ಸುಮಾರು 23 ಪ್ರತಿಶತದಷ್ಟು ಹೆಚ್ಚಾಗಿದ್ದು, 2,360.84 ಕೋಟಿ ರೂಪಾಯಿಗಳನ್ನು ಗಳಿಸಿದೆ. ಇದು ಕಾಂಗ್ರೆಸ್ (Congress Party) ಪಕ್ಷದ ಆದಾಯಕ್ಕಿಂತ ಐದು ಪಟ್ಟು ಹೆಚ್ಚು ಎಂದು ಭಾರತದ ಚುನಾವಣಾ ಆಯೋಗಕ್ಕೆ (Election Commission of India) ಸಲ್ಲಿಸಿದ ಪಕ್ಷದ ವಾರ್ಷಿಕ ಆಡಿಟ್ ವರದಿಯಲ್ಲಿ ತಿಳಿಸಲಾಗಿದೆ.
2022-2023 ರಲ್ಲಿ ಬಿಜೆಪಿಯು 1,361.68 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಿದೆ. ಅದರಲ್ಲಿ 80% “ಚುನಾವಣಾ ವೆಚ್ಚ” (ರೂ. 1,092.15 ಕೋಟಿ)ವನ್ನು ತೋರಿಸಲಾಗಿದೆ. ಈ ಪೈಕಿ ಬಿಜೆಪಿಯು ಜಾಹೀರಾತಿಗಳಾಗಿಯೇ 432.14 ಕೋಟಿ ರೂ. ವೆಚ್ಚ ಮಾಡಿದೆ ಎಂದು ಕೇಂದ್ರ ಚುನಾವಣಾ ಆಯೋಗ ಪ್ರಕಟಿಸಿರುವ ವಾರ್ಷಿಕ ವರದಿಯಲ್ಲಿ ತಿಳಿಸಲಾಗಿದೆ.
ಹಿಂದಿನ ವರ್ಷಗಳ ಟ್ರೆಂಡ್‌ಗಳಿಗೆ ಅನುಗುಣವಾಗಿ, ಬಿಜೆಪಿ ಪಕ್ಷದ ಆದಾಯದ ಹೆಚ್ಚಿನ ಭಾಗವು ಚುನಾವಣಾ ಬಾಂಡ್‌ಗಳಿಂದ ಬಂದಿದೆ. ವಾಸ್ತವವಾಗಿ, ಸ್ವಯಂಪ್ರೇರಿತ ಕೊಡುಗೆಗಳಿಂದ (2,120.06 ಕೋಟಿ ರೂ.) 61% (1,294.14 ಕೋಟಿ ರೂ.) ಆದಾಯವು ಅನಾಮಧೇಯ ಚುನಾವಣಾ ಬಾಂಡ್‌ಗಳ ರೂಪದಲ್ಲಿದೆ ಎಂದು ಪಕ್ಷದ ವಾರ್ಷಿಕ ವರದಿಯಲ್ಲಿ ತಿಳಿಸಲಾಗಿದೆ.
ಬಿಜೆಪಿ ಪಾರ್ಟಿಯು 2021-2022ರಲ್ಲಿ 4,456.18 ಕೋಟಿ ರೂಪಾಯಿಗಳಿಂದ ತನ್ನ ಹೆಸರಿಗೆ 5,424.71 ಕೋಟಿ ರೂಪಾಯಿ ನಗದು ಮತ್ತು ನಗದು ಸಮಾನದೊಂದಿಗೆ ಹಣಕಾಸು ವರ್ಷವನ್ನು ಮುಕ್ತಾಯಗೊಳಿಸಿದೆ. 2022-2023 ರಲ್ಲಿ ಒಟ್ಟು 2,800.36 ಕೋಟಿ ರೂ. ಮೌಲ್ಯದ ಎಲೆಕ್ಟೋರಲ್ ಬಾಂಡ್‌ಗಳನ್ನು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮಾರಾಟ ಮಾಡಿದೆ. ಬಿಜೆಪಿಯ ಘೋಷಣೆಯು ಆ ವರ್ಷ ಮಾರಾಟವಾದ ಎಲೆಕ್ಟ್ರೋಲ್ ಬಾಂಡ್‌ಗಳ ಒಟ್ಟು ಮೊತ್ತದಲ್ಲಿ ಪಕ್ಷವು 46% ಅನ್ನು ಪಡೆದುಕೊಂಡಿದೆ ಎಂದು ವರದಿ ಹೇಳುತ್ತದೆ.
ಜನವರಿ 31 ರಂದು ಆಯೋಗ ಪ್ರಕಟಿಸಿದ ವಾರ್ಷಿಕ ಲೆಕ್ಕಪರಿಶೋಧನಾ ವರದಿಯ ಪ್ರಕಾರ, 2022-2023ರಲ್ಲಿ 452.37 ಕೋಟಿ ರೂಪಾಯಿ ಆದಾಯ ಮತ್ತು 467.13 ಕೋಟಿ ರೂಪಾಯಿಗಳ ವೆಚ್ಚವನ್ನು ಕಾಂಗ್ರೆಸ್ ಘೋಷಿಸಿದೆ. ಭಾರತ್ ಜೋಡೋ ಯಾತ್ರೆಗಾಗಿ ಕಾಂಗ್ರೆಸ್ ಪಕ್ಷವು 71.83 ಕೋಟಿ ರೂ. ವೆಚ್ಚ ಮಾಡಿದೆ.
ನೋಂದಾಯಿತ ಪಕ್ಷಗಳು ತಮ್ಮ ವಾರ್ಷಿಕ ಲೆಕ್ಕಪರಿಶೋಧಕ ವರದಿಗಳನ್ನು ಚುನಾವಣಾ ಆಯೋಗಕ್ಕೆ ಸಲ್ಲಿಸಬೇಕಾಗುತ್ತದೆ. ಜೊತೆಗೆ ದಾನಿಯ ಹೆಸರು ಮತ್ತು ಪ್ಯಾನ್ ಸೇರಿದಂತೆ 20,000 ರೂ. ಮತ್ತು ಅದಕ್ಕಿಂತ ಹೆಚ್ಚಿನ ಎಲ್ಲಾ ದೇಣಿಗೆಗಳ ಪಟ್ಟಿಯನ್ನು ಸಲ್ಲಿಸಬೇಕಾಗುತ್ತದೆ. ಆರು ರಾಷ್ಟ್ರೀಯ ಪಕ್ಷಗಳ ಪೈಕಿ ಬಿಜೆಪಿ ತನ್ನ 2022-2023ರ ವರದಿಯನ್ನು ಜನವರಿ 12 ರಂದು ಸಲ್ಲಿಸಿದ ಕೊನೆಯ ಪಕ್ಷವಾಗಿದೆ.
ಈ ಸುದ್ದಿಯನ್ನೂ ಓದಿ: Lok Sabha Election: 2024ರ ಲೋಕಸಭೆ ಚುನಾವಣೆಯಲ್ಲಿ ಮತದಾನಕ್ಕೆ 97 ಕೋಟಿ ಜನರಿಂದ ನೋಂದಣಿ