ನವದೆಹಲಿ: ಮನೆಯ ಮುಂದೆ ಪಾರ್ಕ್ ಮಾಡಲಾದ ಕಾರಿಗೆ ತಮ್ಮ ಮೋಟಾರ್‌ ಸೈಕಲ್ ಗುದ್ದಿಸಿದ ಇಬ್ಬರು(Bike Crash into Car), ಕಾರ್ ಮಾಲೀಕನಿಗೆ (Car owner) ಗನ್ ತೋರಿಸಿದ (Gun) ಘಟನೆ ದಿಲ್ಲಿಯ ಭಜನಪುರ (Delhi Bhajanpur) ಪ್ರದೇಶದಲ್ಲಿ ಶನಿವಾರ ನಡೆದಿದೆ. ಈ ಕುರಿತಾದ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ(Viral News). ಇತ್ತೀಚೆಗೆ ದಿಲ್ಲಿಯ ರಸ್ತೆ ಜಗಳಗಳು ವಿಪರೀತ ಮಟ್ಟಕ್ಕೆ ಹೋಗುತ್ತಿವೆ. ಇದೇ ರೀತಿಯ ರಸ್ತೆ ಜಗಳಗಳು ಬೆಂಗಳೂರಲ್ಲಿ ಕೂಡ ಹೆಚ್ಚಾಗಿವೆ. ಕಾರ್ ಅಡ್ಡಗಟ್ಟಿ ಜಗಳಾಡುವವರ ವಿರುದ್ಧ ಗೂಂಡಾ ಕಾಯ್ದೆ ಹಾಕುವುದಾಗಿ ಪೊಲೀಸರು ಎಚ್ಚರಿಸಿದ್ದರು.
ದಿಲ್ಲಿಯಲ್ಲಿ ನಡೆದ ಘಟನೆಗೆ ಸಂಬಂಧಿಸಿದಂತೆ, ಆ ಪ್ರದೇಶದ ಸಿಸಿಟಿವಿ ದೃಶ್ಯಾವಳಿಗಳಲ್ಲಿ ಬೈಕ್‌ನಲ್ಲಿ ಬಂದ ಇಬ್ಬರು ವ್ಯಕ್ತಿಗಳು ನಿಲ್ಲಿಸಿದ್ದ ಕಾರಿಗೆ ಡಿಕ್ಕಿ ಹೊಡೆಯುವುದನ್ನು ನೋಡಬಹುದಾಗಿದೆ. ಅದರ ನಂತರ ಅದರ ಮಾಲೀಕರು ಮನೆಯಿಂದ ಹೊರಗೆ ಬಂದು ಅವರೊಂದಿಗೆ ವಾಗ್ವಾದಕ್ಕಿಳಿದಿರುವುದನ್ನು ಕಾಣಬಹುದು.
ಈ ಸುದ್ದಿಯನ್ನೂ ಓದಿ: Viral News: 163 ಇಲಿ ಹಿಡಿಯಲು 69 ಲಕ್ಷ ರೂ. ವೆಚ್ಚ ಮಾಡಿದ ರೈಲ್ವೆ ಇಲಾಖೆ! ಭ್ರಷ್ಟಾಚಾರ ಎಂದು ಕಿಡಿಕಾರಿದ ಕಾಂಗ್ರೆಸ್
ಬೈಕ್‌ನಲ್ಲಿದ್ದ ಬಂದಿದ್ದ ಇಬ್ಬರು ವ್ಯಕ್ತಿಗಳು ಇದ್ದಕ್ಕಿದ್ದಂತೆ ಗನ್ ತೆಗೆದುಕೊಂಡು ಕಾರ್ ಓನರ್ ತೋರಿಸಿದಾಗ, ಕಾರಿನ ಮಾಲೀಕನ ತಾಯಿ ಕೂಡ ವಾಗ್ವಾದದಲ್ಲಿ ತೊಡಗಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಪರಿಸ್ಥಿತಿ ಕೈ ಮೀರುವುದನ್ನು ಅರಿತ ತಾಯಿ, ಕಾರ್ ಮಾಲೀಕರನನ್ನು ಮನೆಯೊಳಗೇ ಕಳುಹಿಸುತ್ತಾಳೆ ಮತ್ತು ಆ ಇಬ್ಬರ ವಿರುದ್ಧ ವಾಗ್ವಾದಕ್ಕಿಳಿಯುವುದನ್ನು ಕಾಣಬಹುದು. ಇಷ್ಟಾಗಿಯೂ, ಕೈ ಬಂದೂಕು ಹಿಡಿದುಕೊಂಡಿರುವ ಅವರಿಬ್ಬರು ಕಾರ್ ಮಾಲೀಕನ ಮನೆಯೊಳಗೇ ನುಗ್ಗುವ ಪ್ರಯತ್ನ ಮಾಡುತ್ತಾರೆ. ಆಗ ತಾಯಿ ಅವರನ್ನು ತಡೆಯುತ್ತಾರೆ.
ಈ ಕುರಿತು ಪೊಲೀಸರು ದೂರು ದಾಖಲಿಸಿಕೊಂಡು ಆರೋಪಿಗಳನ್ನು ಸೆರೆ ಹಿಡಿಯಲು ಮುಂದಾಗಿದ್ದಾರೆ. ಕಳೆದ ತಿಂಗಳು ದಿಲ್ಲಿಯ ಇದೇ ಭಜನಪುರದಲ್ಲಿ ರಸ್ತೆ ಜಗಳದಲ್ಲಿ ವ್ಯಕ್ತಿಯೊಬ್ಬರು ಬಲಿಯಾಗಿದ್ದರು. ಈ ಪ್ರಕರಣದ ಸಂಬಂಧಿಸಿದ ಸಿಸಿಟಿವಿ ದೃಶ್ಯಾವಳಿಗಳ ಮೂಲಕ ನಾಲ್ವರನ್ನು ಪತ್ತೆ ಹಚ್ಚಿ ಬಳಿಕ ಅವರನ್ನು ಪೊಲೀಸರು ಬಂಧಿಸಿದ್ದರು.