ನವದೆಹಲಿ: ಬಿಜೆಪಿಯ ಸಂಸದರೂ ಆಗಿರುವ ಭೋಜಪುರಿ ನಟ ಮನೋಜ್ ತಿವಾರಿ (Manoj Tiwari) ಅವರು ತಮ್ಮ 51ನೇ ವಯಸ್ಸಿನಲ್ಲಿ ಮತ್ತೆ ತಂದೆಯಾಗಲಿದ್ದಾರೆ. ಮನೋಜ್ ಹಾಗೂ ಅವರ ಪತ್ನಿ ಸುರಭಿ (Surabhi Tiwari) ಅವರು ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಸೀಮಂತ ಕಾರ್ಯಕ್ರಮದ ಫೋಟೋಗಳನ್ನು ಅವರು ಸೋಷಿಯಲ್ ಮೀಡಿಯಾದಲ್ಲಿ ಷೇರ್ ಮಾಡಿಕೊಂಡಿದ್ದಾರೆ.
ಇನ್‌ಸ್ಟಾಗ್ರಾಮ್‌ದಲ್ಲಿ ಸೀಮಂತ ಕಾರ್ಯಕ್ರಮದ ವಿಡಿಯೋವನ್ನು ಮನೋಜ್ ಪೋಸ್ಟ್ ಮಾಡಿದ್ದಾರೆ. ಗರ್ಭಿಣಿಯಾಗಿರುವ ತಮ್ಮ ಪತ್ನಿ ಮತ್ತು ಮಗಳು ಸಾನ್ವಿಕಾ ಜತೆ ಮನೋಜ್ ಇರುವ ಚಿತ್ರಿಕೆಗಳಿವೆ. ಅಲ್ಲದೇ, ನಾವು ಕೆಲವು ಸಂತೋಷಗಳನ್ನು ಪದಗಳಲ್ಲಿ ಹೇಳಲು ಆಗುವುದಿಲ್ಲ. ಅದನ್ನು ಅನುಭವಿಸಬೇಕಷ್ಟೇ ಎಂದು ಬರೆದುಕೊಂಡಿದ್ದಾರೆ.
ಮನೋಜ್ ತಿವಾರಿ ಹಾಗೂ ಸುರಭಿ ತಿವಾರಿ ಎರಡು ವರ್ಷದ ಹಿಂದೆ ಮದುವೆಯಾಗಿದ್ದರು. 2021ರಲ್ಲಿ ಅವರಿಗೆ ಪುತ್ರಿ ಸಾನ್ವಿಕಾ ಜನಿಸಿದ್ದಳು. ಈಗ ಎರಡನೇ ಮಗುವನ್ನು ಎದುರು ನೋಡುತ್ತಿದ್ದಾರೆ. ಸೌರಭಿ ತಿವಾರಿ ಎರಡನೇ ಪತ್ನಿಯಾಗಿದ್ದಾರೆ. ಮೊದಲನೇ ಪತ್ನಿ ರಾಣಿ ತಿವಾರಿ 2012ರಲ್ಲಿ ಡಿವೋರ್ಸ್ ಪಡೆದುಕೊಂಡಿದ್ದಾರೆ. ಮೊದಲನೆಯ ಪತ್ನಿಯಿಂದಲೂ ಮನೋಜ್ ಅವರಿಗೆ ಒಬ್ಬಳು ಮಗಳಿದ್ದಾಳೆ.
ಇದನ್ನೂ ಓದಿ | Actress Amulya | ಅವಳಿ ಮಕ್ಕಳ ಹೆಸರು ರಿವೀಲ್‌ ಮಾಡಿದ ನಟಿ ಅಮೂಲ್ಯ!