ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರದ ಕೊನೇ ಸಲದ ಪೂರ್ಣಪ್ರಮಾಣದ ಬಜೆಟ್ನ್ನು ಇಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮಂಡಿಸಿದರು. ಇಂದು ಮಂಡನೆಯಾದ ಕೇಂದ್ರ ಆಯವ್ಯಯ ಸಿಗರೇಟ್ ಪ್ರಿಯರಿಗೆ ಕಹಿಸುದ್ದಿ ನೀಡಿದೆ. ತಂಬಾಕು ಉತ್ಪನ್ನಗಳ ಮೇಲಿನ ಸುಂಕವನ್ನು (National Calamity Contingent Duty ) ಕೇಂದ್ರ ಸರ್ಕಾರ ಶೇ.16ರಷ್ಟು ಹೆಚ್ಚಿಸಿದ ಕಾರಣಕ್ಕೆ, ಸಿಗರೇಟ್ ಬೆಲೆ ಏರಿಕೆಯಾಗಲಿದೆ. ಹೀಗೆ ಸಿಗರೇಟ್ ದರ ಹೆಚ್ಚಿದ ಬೆನ್ನಲ್ಲೇ ಟ್ವಿಟರ್ನಲ್ಲಿ ಈ ಬಗ್ಗೆ ವಿಧವಿಧವಾದ ಜೋಕ್ಗಳು, ಮೀಮ್ಸ್ಗಳು ಸೋಷಿಯಲ್ ಮೀಡಿಯಾಗಳಲ್ಲಿ ಹರಿದಾಡುತ್ತಿವೆ.
ಇನ್ಮುಂದೆ ಪ್ರತಿದಿನವೂ ಅಪಾರ ಸಿಗರೇಟ್ ಸೇದುವವರ ಜೇಬು ಖಾಲಿ ಇರುತ್ತದೆ. ಅವರ ಬಳಿಯಿದ್ದ ಹಣ, ‘ಒಳಿತಾಗಲಿ ಸೋದರ, ನಾನಿನ್ನು ಹೊರಡುತ್ತೇನೆ’ ಎಂದು ಹೇಳಿ ಹೋಗಿಯೇ ಬಿಡುತ್ತದೆ’ ಎಂಬರ್ಥದ ಪೋಸ್ಟ್ವೊಂದು ಸಿಕ್ಕಾಪಟೆ ವೈರಲ್ ಆಗುತ್ತಿದೆ. ಅಷ್ಟೇ ಅಲ್ಲ, ‘ಐಟಿಸಿ ಸಿಗರೇಟ್ ಕಂಪನಿ ಕೇಂದ್ರ ಸರ್ಕಾರದ ಬಳಿ ‘ನೀವ್ಯಾಕೆ ನಮ್ಮನ್ನು ಹೊಡೆದು ಹಾಕಿದಿರಿ’ ಎಂದು ಪ್ರಶ್ನೆ ಕೇಳುತ್ತಿರುವಂಥ, ಸಿಗರೇಟ್ ಬೆಲೆ ಏರಿಕೆಯಾಗುತ್ತಿದೆ ಎಂದು ಗೊತ್ತಾಗುತ್ತಿದ್ದಂತೆ ಸ್ಮೋಕರ್ವೊಬ್ಬ ಅತ್ಯಂತ ಹತಾಶೆಯಿಂದ ‘ನಮ್ಮನ್ನು ಯಾಕೆ ಉಳಿಸಿದ್ದೀರಿ, ಕೊಂದು ಬಿಡಿ’ ಎಂದು ಹೇಳುತ್ತಿರುವಂಥ ಮೀಮ್ಸ್ಗಳು, ‘ಹೀಗೆ ಕಾಯ್ತಾ ಇರಿ, ಗೋಲ್ಡ್ಫ್ಲೇಕ್ ಸಿಗರೇಟ್ ಇನ್ನು ಕೆಲವೇ ದಿನಗಳಲ್ಲಿ ಚಿನ್ನದ ಅಂಗಡಿಯಲ್ಲಿ ಸಿಗುವಂತಾಗುತ್ತದೆ’ ಎಂದು ನಿರ್ಮಲಾ ಸೀತಾರಾಮನ್ ಅವರು ಸ್ಮೋಕರ್ಗಳಿಗೆ ಹೇಳುತ್ತಿರುವಂಥ ಮೀಮ್ಸ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿವೆ.