ಚೆನ್ನೈ: ಸಿನಿಮಾ ನಟ-ನಟಿಯರಾಗಿದ್ದುಕೊಂಡು ಬಿಜೆಪಿ ನಾಯಕರಾಗಿ ಗುರುತಿಸಿಕೊಂಡಿದ್ದವರ ವಿರುದ್ದ ಅವಮಾನಕಾರ ರೀತಿಯಲ್ಲಿ ಮಾತನಾಡಿದ್ದ ದ್ರಾವಿಡ್ ಮುನ್ನೆತ್ರ ಕಳಗಮ್(ಡಿಎಂಕೆ) ನಾಯಕ (DMK Leader) ಸೈದಾಯಿ ಸಾದಿಕ್ ಅವರು ಕ್ಷಮೆ ಕೋರಿದ್ದಾರೆ. ಬಿಜೆಪಿ ನಾಯಕರಾಗಿರುವ ಎಲ್ಲ ನಟ-ನಟಿಯರು ಐಟಮ್‌ಗಳೆಂದು ಹೇಳಿದ್ದರು. ಈ ಹೇಳಿಕೆಗೆ ವ್ಯಾಪಕ ವಿರೋಧ ವ್ಯಕ್ತವಾಗಿತ್ತು.
ಈ ಹಿಂದೆ ಕಾಂಗ್ರೆಸ್‌ನಲ್ಲಿದ್ದು ಈಗ ಬಿಜೆಪಿಯ ನಾಯಕಿಯಾಗಿರುವ ಖುಷ್ಬೂ ಅವರು ಸೈದಾಯಿ ಸಾದಿಕ್ ಹೇಳಿಕೆಯನ್ನು ಡಿಎಂಕೆ ನಾಯಕಿ ಕನ್ನಿಮೋಳಿ ಅವರಿಗೆ ಟ್ಯಾಗ್ ಮಾಡಿ ಟ್ವೀಟ್ ಮಾಡಿದ್ದರು. ಆಗ ಕನ್ನಿಮೋಳಿ ಅವರು ಕ್ಷಮೆ ಕೋರಿದ್ದರು. ಇಷ್ಟಾದ ಬೆನ್ನಲ್ಲೇ ವಿವಾದಾತ್ಮಕ ಹೇಳಿಕೆಯನ್ನು ನೀಡಿದ್ದ ಸೈದಾಯಿ ಸಾದಿಕ್ ಅವರೂ ಕ್ಷಮೆ ಕೋರಿದ್ದಾರೆ.
ನಟಿ ಖುಷ್ಬೂ ಸೇರಿದಂತೆ ಇನ್ನಾವುದೇ ನಟ-ನಟಿಯರನ್ನು ಹೀಯಾಳಿಸುವ ಉದ್ದೇಶವು ತಮ್ಮ ಹೇಳಿಕಯಲ್ಲಿ ಇರಲಿಲ್ಲ. ಆದರೆ, ಇದೇ ವೇಳೆ, ಬಿಜೆಪಿ ನಾಯಕರು ಮಾಡುವ ಟೀಕೆಗಳಿಗೆ ಯಾಕೆ ನೀವೆಲ್ಲ ಪ್ರತಿಕ್ರಿಯಿಸುವುದಿಲ್ಲ ಎಂದೂ ಅವರು ಹೇಳಿದ್ದಾರೆ. ತಮಿಳುನಾಡು ಬಿಜೆಪಿ ನಾಯಕ ಅಣ್ಣಾಮಲೈ ಅವರು ಡಿಎಂಕೆ ಸಚಿವರನ್ನು ಹಂದಿಗಳು, ಪ್ರಾಣಿಗಳು ಎಂದು ಜರಿದಿದ್ದರು. ಪತ್ರಕರ್ತರನ್ನು ಮಂಗಳಿಗೆ ಹೋಲಿಸಿದ್ದರು. ಈ ನಾಯಕರೇಕೆ(ನಟಿಯರು, ನಟರು) ಅವರನ್ನು ಪ್ರಶ್ನಿಸುವುದಿಲ್ಲ ಎಂದು ಸೈದಾಯಿ ಸಾದಿಕ್ ಪ್ರಶ್ನಿಸಿದ್ದಾರೆ.
ಇದನ್ನೂ ಓದಿ | A Raja | ಹಿಂದೂಗಳಾಗಿರುವ ತನಕ ನೀವು ಶೂದ್ರರೇ, ಡಿಎಂಕೆ ಸಂಸದ ಎ. ರಾಜಾ ವಿವಾದಾತ್ಮಕ ಹೇಳಿಕೆ