ಅಮೃತಸರ್: ಪಾಕಿಸ್ತಾನದಿಂದ ಬಂದಿದ್ದ ಡ್ರೋನ್ವೊಂದನ್ನು ಪಂಜಾಬ್ನ ಅಮೃತಸರ್ ಜಿಲ್ಲೆಯಲ್ಲಿ ಗಡಿ ಭದ್ರತಾ ಪಡೆ ಸಿಬ್ಬಂದಿ (BSF) ಹೊಡೆದುರುಳಿಸಿದ್ದಾರೆ. ಚಹರಾಪುರ ಗ್ರಾಮದ ಬಳಿ, ಭಾರತದ ವಾಯುಪ್ರದೇಶದ ಮೇಲೆ ವಿಮಾನ ಹಾರಾಡುತ್ತಿತ್ತು. ಆಗ ಭದ್ರತಾ ಸಿಬ್ಬಂದಿ ಡ್ರೋನ್ನತ್ತ ಫೈರಿಂಗ್ ಮಾಡಿದ್ದು, ಅದು ನೆಲಕ್ಕೆ ಉರುಳಿದೆ. ಕಳೆದ ಎರಡು ದಿನಗಳ ಹಿಂದೆಯೂ ಇದೇ ಪ್ರದೇಶಕ್ಕೆ ಪಾಕಿಸ್ತಾನದ ಡ್ರೋನ್ವೊಂದು ನುಸುಳಿತ್ತು.
ಭಾರತದಲ್ಲಿ ನೆಲೆಸಿರುವ ಉಗ್ರರಿಗಾಗಿ ಪಾಕಿಸ್ತಾನದಿಂದ ಡ್ರೋನ್ ಮೂಲಕ ಶಸ್ತ್ರಾಸ್ತ್ರಗಳನ್ನು ಕಳಿಸಲಾಗುತ್ತದೆ, ಅಲ್ಲದೆ, ಮಾದಕ ವಸ್ತುಗಳ ಸಾಗಣೆಗೂ ಡ್ರೋನ್ಗಳನ್ನು ವ್ಯಾಪಕವಾಗಿ ಬಳಕೆ ಮಾಡಿಕೊಳ್ಳಲಾಗುತ್ತಿದೆ. ಹೀಗಾಗಿ ಪಾಕ್ನಿಂದ ಪದೇಪದೇ ಡ್ರೋನ್ಗಳು ಭಾರತೀಯ ವಾಯುನೆಲೆ ಪ್ರವೇಶ ಮಾಡುತ್ತಿವೆ. ಹಾಗೇ, ಸೋಮವಾರ ರಾತ್ರಿಯೂ ಅಮೃತಸರ್ದ ಚಹರಾಪುರ ಗ್ರಾಮದ ಬಳಿ ಡ್ರೋನ್ ದೊಡ್ಡದಾಗಿ ಶಬ್ದ ಮಾಡುತ್ತ ಹಾರಾಡುತ್ತಿತ್ತು. ಆಗ ಅಲ್ಲಿನ ಬಿಎಸ್ಎಫ್ ಪಡೆಗಳು ಅಲರ್ಟ್ ಆಗಿ, ಅದನ್ನು ಹಿಮ್ಮೆಟ್ಟಿಸಲು ಒಂದೇ ಸಮ ಗುಂಡು ಹಾರಿಸಲು ತೊಡಗಿದರು. ಆದರೆ ಗುಂಡು ಡ್ರೋನ್ಗೆ ತಗುಲಿ, ಅದು ಕೆಳಗೆ ಬಿದ್ದು ಧ್ವಂಸಗೊಂಡಿದೆ ಎಂದು ಹೇಳಲಾಗಿದೆ. ಈ ಡ್ರೋನ್ನ ಕೆಳಭಾಗದಲ್ಲಿ ಅಳವಡಿಸಲಾಗಿದ್ದ ಪಾಲಿಥಿನ್ನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
ಭಾರತಕ್ಕೆ ನುಸುಳುವ ಪಾಕಿಸ್ತಾನಿ ಡ್ರೋನ್ಗಳ ಸಂಖ್ಯೆ ಈ ವರ್ಷ ಹೆಚ್ಚಾಗಿದೆ. ಇಲ್ಲಿಯವರೆಗೆ ಸುಮಾರು 230 ಡ್ರೋನ್ಗಳು ಪಾಕ್ನಿಂದ ಭಾರತಕ್ಕೆ ಬಂದಿವೆ. 2021ರಲ್ಲಿ ಈ ಸಂಖ್ಯೆ 104 ಆಗಿತ್ತು. 2020ರಲ್ಲಿ 77 ಡ್ರೋನ್ಗಳು ಮಾತ್ರ ಭಾರತದ ಭೂಪ್ರದೇಶ ಪ್ರವೇಶ ಮಾಡಿದ್ದವು. ಬಹುತೇಕ ಡ್ರೋನ್ಗಳು ಭಾರತೀಯ ಸೇನೆಯ ಗುಂಡಿಗೆ ಧ್ವಂಸಗೊಂಡಿವೆ.
ಇದನ್ನೂ ಓದಿ: Modi Security Breach | ಮೋದಿ ಗುಜರಾತ್‌ ರ‍್ಯಾಲಿ ವೇಳೆ ಡ್ರೋನ್ ಹಾರಾಟ, ಮೂವರ ಬಂಧನ, ಭದ್ರತಾ ವೈಫಲ್ಯ ವರದಿ