ಮೋರ್ಬಿ: ಕಳೆದ ತಿಂಗಳು ಮೋರ್ಬಿಯಲ್ಲಿ ಸಂಭವಿಸಿದ ಭೀಕರ ಸೇತುವೆ ದುರಂತದಲ್ಲಿ 140 ಜನರು ಸಾವಿಗೀಡಾಗಿದ್ದರು. ಈ ಮೋರ್ಬಿ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಕಾಂತಿಭಾಯಿ ಅಮೃತಿಯಾ ಅವರು ಮುನ್ನಡೆಯಲ್ಲಿದ್ದಾರೆ. ಐದು ಬಾರಿ ಶಾಸಕಾರಾಗಿದ್ದ ಕಾಂತಿಭಾಯಿ ಅವರಿಗೆ ಈ ಬಾರಿ ಬಿಜೆಪಿ ಟಿಕೆಟ್ ನೀಡಿತ್ತು(Gujarat Election Result 2022).
ಈ ಕ್ಷೇತ್ರದಲ್ಲಿ ಪಾಟಿದಾರ್ ಮತಗಳು ನಿರ್ಣಾಯಕವಾಗಿವೆ. ಹಾಲಿ ಶಾಸಕ ಬ್ರಿಜೇಶ್ ಮಿಶ್ರಾ ಅವರಿಗೆ ಬಿಜೆಪಿ ಟಿಕೆಟ್ ನೀಡಿರಲಿಲ್ಲ. ಅವರ ಬದಲಿಗೆ ಕಾಂತಿಭಾಯಿ ಅಮೃತಿಯಾ ಅವರಿಗೆ ಟಿಕೆಟ್ ನೀಡಿತ್ತು. ಬ್ರಿಜೆಶ್ ಮಿಶ್ರಾ ಅವರು ಭೂಪೇಂದ್ರ ಪಟೇಲ್ ಬಿಜೆಪಿ ಸರ್ಕಾರದಲ್ಲಿ ಸಚಿವರಾಗಿದ್ದಾರೆ. ಈ ಮೊದಲು ಇವರು ಕಾಂಗ್ರೆಸ್‌ನಲ್ಲಿದ್ದರು.
ಕಾಂಗ್ರೆಸ್ ಅಭ್ಯರ್ಥಿ ಜಯಂತಿ ಪಟೇಲ್ ಅವರು ಅಮೃತಿಯಾ ಅವರ ವಿರುದ್ಧ ಹಿನ್ನಡೆಯನ್ನು ಅನುಭವಿಸುತ್ತಿದ್ದಾರೆ. ಪಂಕಜ್ ರಣ್ಸಿರಿಯಾ ಅವರನ್ನು ಆಪ್ ಸ್ಪರ್ಧೆಗೆ ಇಳಿಸಿದೆ. ವಿಶೇಷ ಎಂದರೆ, ಇವರು ಬಿಜೆಪಿ ಅಭ್ಯರ್ಥಿಯ ಅಮೃತಿಯಾ ಅವರ ಸಂಬಂಧಿಯೂ ಹೌದು. ಈ ಮೊದಲು ಬಿಜೆಪಿಯಲ್ಲಿದ್ದರು.