ಹೈದರಾಬಾದ್ನಲ್ಲಿ ಭಯೋತ್ಪಾದಕ ಸಂಘಟನೆ(Terror Organisation)ಯೊಂದರ ಸಿದ್ಧಾಂತಗಳನ್ನು ಪ್ರಚಾರ ಮಾಡುತ್ತಿದ್ದ ಆರೋಪದಡಿ ಗುಜರಾತ್ ಭಯೋತ್ಪಾದನಾ ನಿಗ್ರಹ ದಳ (Gujarat Anti Terrorists Squad)ದವರು ತಂದೆ-ಮಗಳನ್ನು ಬಂಧಿಸಿದ್ದಾರೆ. ಸಾಫ್ಟ್ವೇರ್ ಎಂಜಿನಿಯರ್ ಆಗಿರುವ ಮೊಹಮ್ಮದ್ ಜಾವೇದ್ (46) ಮತ್ತು ಅವರ ಮಗಳು ಖತೀಜಾ (20) ಬಂಧಿತರು. ಇವರಿಬ್ಬರನ್ನೂ ತೆಲಂಗಾಣದ ಗೋದಾವರಿಖಣಿಯ ಶ್ರೀನಗರ ಕಾಲನಿ ನಿವಾಸಿಗಳಾಗಿದ್ದಾರೆ.
ಮೊಹಮ್ಮದ್ ಜಾವೇದ್ ಮತ್ತು ಖತೀಜಾ ಅವರು ಮೂಲತಃ ಹೈದರಾಬಾದ್ನ ಟೋಲಿಚೌಕಿ ಏರಿಯಾದವರು. ಕಳೆದ ನಾಲ್ಕು ದಿನಗಳ ಹಿಂದೆ ತೆಲಂಗಾಣದ ರಾಮಗುಂಡಮ್ನಲ್ಲಿರುವ ಸಂಬಂಧಿಯೊಬ್ಬರ ಮನೆಗೆ ಹೋಗಿದ್ದರು. ಅಲ್ಲಿ ನಡೆದ ಸಮಾರಂಭವೊಂದರಲ್ಲಿ ಪಾಲ್ಗೊಂಡಿದ್ದರು. ಬಳಿಕ ಅಲ್ಲೇ ತಂಗಿದ್ದರು. ಆದರೆ ಇವರಿಬ್ಬರೂ ಉಗ್ರಸಂಘಟನೆಯೊಂದರ ಸಿದ್ಧಾಂತಗಳನ್ನು ಜನರ ತಲೆಗೆ ತುಂಬುತ್ತಿದ್ದಾರೆ. ಈ ಮೂಲಕ ಯುವಕರನ್ನು ಭಯೋತ್ಪಾದನಾ ಸಂಘಟನೆಯತ್ತ ಸೆಳೆಯುತ್ತಿದ್ದಾರೆ ಎಂಬ ಖಚಿತ ಮಾಹಿಸಿ ಗುಜರಾತ್ ಎಟಿಎಸ್ಗೆ ಸಿಕ್ಕಿದ್ದರಿಂದ, ಇದರ ಅಧಿಕಾರಿಗಳು ಕಾರ್ಯಪ್ರವೃತ್ತರಾಗಿದ್ದರು.
ಇದನ್ನೂ ಓದಿ: ಪಾಕಿಸ್ತಾನಿ ಏಜೆಂಟ್ಗೆ ಗುಪ್ತ ಮಾಹಿತಿ ರವಾನೆ; ಡಿಆರ್ಡಿಒ ಹಿರಿಯ ನಿರ್ದೇಶಕನನ್ನು ಬಂಧಿಸಿದ ಮಹಾರಾಷ್ಟ್ರ ಎಟಿಎಸ್
ಮೊಹಮ್ಮದ್ ಜಾವೇದ್ ಮತ್ತು ಅವರ ಮಗಳು ಖತೀಜಾ ತಮ್ಮ ಸಂಬಂಧಿಕರ ಮನೆಗೆ ಹೋದಾಗ ಇತ್ತ ಅವರ ಟೋಲಿಚೌಕಿಯಲ್ಲಿರುವ ಮನೆ ಮೇಲೆ ಗುಜರಾತ್ ಎಟಿಎಸ್ ಅಧಿಕಾರಿಗಳ ರೇಡ್ ಮಾಡಿದ್ದರು. ಅಲ್ಲಿಂದ ಕೆಲವು ದಾಖಲೆಗಳನ್ನು ವಶಪಡಿಸಿಕೊಂಡು, ಸ್ಥಳೀಯ ಪೊಲೀಸರ ಸಹಾಯ ಪಡೆದು ರಾಮಗುಂಡಮ್ಗೆ ಬಂದಿದ್ದರು. ಅಪ್ಪ-ಮಗಳನ್ನು ಅವರ ಸಂಬಂಧಿಕರ ಮನೆಯಲ್ಲೇ ಅರೆಸ್ಟ್ ಮಾಡಿದ್ದಾರೆ. ಇನ್ನೂ ಕೆಲವು ಕೇಸ್ಗಳಲ್ಲಿ ತಂದೆ-ಮಗಳು ಭಾಗಿಯಾಗಿರುವ ಶಂಕೆ ವ್ಯಕ್ತವಾಗಿದೆ. ಇಸ್ಲಾಮಿಕ್ ಸ್ಟೇಟ್ ಆಫ್ ಖೊರಾಸನ್ ಪ್ರಾಂತ್ಯ ಭಯೋತ್ಪಾದಕ ಸಂಘಟನೆಗೆ ಸಂಬಂಧಪಟ್ಟ ಕೇಸ್ನಡಿ ಗುಜರಾತ್ನ ಎಟಿಎಸ್ ಹೈದರಾಬಾದ್ನ ವಿವಿಧೆಡೆ ಮಂಗಳವಾರದಿಂದಲೂ ಶೋಧ ಕಾರ್ಯ ನಡೆಸುತ್ತಿದೆ. ಅದು ಇಂದು ಕೂಡ ಮುಂದುವರಿದಿದೆ. ಇದೇ ಸಂಘಟನೆಯ ಸಿದ್ಧಾಂತಗಳನ್ನು ತಂದೆ-ಮಗಳು ಬಿತ್ತರಿಸುತ್ತಿದ್ದಾರೆ ಎಂಬ ಶಂಕೆ ವ್ಯಕ್ತವಾಗಿದೆ.