ಪುಣೆ: ಭಯೋತ್ಪಾದಕ ಸಂಘಟನೆ ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಮತ್ತು ಸಿರಿಯಾದ (ISIS) ಪುಣೆ ಘಟಕದೊಂದಿಗೆ ನಂಟು ಹೊಂದಿದ್ದ ಉಗ್ರನನ್ನು ಅರೆಸ್ಟ್‌(ISIS Terrorist Arrest) ಮಾಡಲಾಗಿದೆ. ದರಿಯಾಗಂಜ್ ನಿವಾಸಿ ರಿಜ್ವಾನ್ ಅಬ್ದುಲ್ ಹಾಜಿ ಅಲಿ ಎಂಬಾತನನ್ನು ದೆಹಲಿ ಪೊಲೀಸರ ವಿಶೇಷ ಘಟಕ ಬಂಧಿಸಿದೆ.
ರಿಜ್ವಾನ್ ಅಲಿ ಐಸಿಸ್ ಉಗ್ರ ಸಂಘಟನೆ ಜೊತೆ ಸಕ್ರಿಯನಾಗಿರುವ ಬಗ್ಗೆ ಮಾಹಿತಿ ದೊರೆತಿತ್ತು. ಹೀಗಾಗಿ ಆತನ ಪತ್ತೆಗಾಗಿ ರಾಷ್ಟ್ರೀಯ ತನಿಖಾ ಸಂಸ್ಥೆ (NIA), ₹3 ಲಕ್ಷ ಬಹುಮಾನ ಘೋಷಿಸಿತ್ತು. ಮಾರ್ಚ್‌ನಲ್ಲಿ, ಎನ್ಐಎ ಪುಣೆಯಲ್ಲಿರುವ ನಾಲ್ಕು ಆಸ್ತಿಗಳನ್ನು “ಭಯೋತ್ಪಾದನೆಯ ಆದಾಯ” ಎಂದು ಘೋಷಿಸಿ ಜಪ್ತಿ ಮಾಡಿದೆ. ಪುಣೆಯ ಕೊಂಧ್ವಾದಲ್ಲಿರುವ ಈ ಆಸ್ತಿಗಳು ತಲೆಮರೆಸಿಕೊಂಡಿರುವ ಮೂವರು ಉಗ್ರರು ಸೇರಿದಂತೆ ಒಟ್ಟು 11 ಆರೋಪಿಗಳಿಗೆ ಸಂಬಂಧಿಸಿವೆ. ಈ ಆಸ್ತಿಗಳನ್ನು ಐಇಡಿ ತಯಾರಿಕೆ, ತರಬೇತಿ ಮತ್ತು ಭಯೋತ್ಪಾದಕ ಚಟುವಟಿಕೆಗಳನ್ನು ಯೋಜಿಸಲು ಬಳಸಲಾಗಿದೆ ಎಂದು ಆರೋಪಿಸಲಾಗಿದೆ.
ವಸತಿ ಮನೆಗಳು ಮತ್ತು ಫ್ಲ್ಯಾಟ್‌ಗಳಂತಹ ಆಸ್ತಿಗಳು ಮೊಹಮ್ಮದ್ ಇಮ್ರಾನ್ ಖಾನ್, ಮೊಹಮ್ಮದ್ ಯೂನಸ್ ಸಾಕಿ, ಮೊಹಮ್ಮದ್ ಶಹನವಾಜ್ ಆಲಂ ಮತ್ತು ಇತರರಿಗೆ ಸೇರಿದ್ದಾರೆ. ಐಇಡಿ ತರಬೇತಿ ಮತ್ತು ಸಶಸ್ತ್ರ ದರೋಡೆಗಳ ಮೂಲಕ ಭಯೋತ್ಪಾದಕ ನಿಧಿ ಸಂಗ್ರಹಿಸುವುದು ಸೇರಿದಂತೆ ಮಹಾರಾಷ್ಟ್ರ, ಗುಜರಾತ್ ಮತ್ತು ಭಾರತದ ಇತರ ಭಾಗಗಳಲ್ಲಿ ದಾಳಿಗಳನ್ನು ನಡೆಸಲು ಐಸಿಸ್ ಸಂಚು ರೂಪಿಸುವಲ್ಲಿ ಅವರು ಭಾಗಿಯಾಗಿದ್ದಾರೆ ಎಂದು ಎನ್ಐಎ ಹೇಳಿಕೊಂಡಿದೆ.
ಡಿಸೆಂಬರ್ 2023 ರಲ್ಲಿ, NIA ಮಹಾರಾಷ್ಟ್ರ ISIS ಭಯೋತ್ಪಾದನಾ ಘಟಕ ಪ್ರಕರಣದಲ್ಲಿ ಆರು ಆರೋಪಿಗಳ ವಿರುದ್ಧ ಚಾರ್ಜ್‌ಶೀಟ್‌ ಸಲ್ಲಿಸಿತ್ತು. ಅಂತರರಾಷ್ಟ್ರೀಯ ಸಂಬಂಧಗಳೊಂದಿಗೆ ದೊಡ್ಡ ಪಿತೂರಿ ಮತ್ತು ಭಾರತದಲ್ಲಿ ISIS ಸಿದ್ಧಾಂತವನ್ನು ಹರಡುವ ಜಾಲವನ್ನು ಬಹಿರಂಗಪಡಿಸಿತು. ಮುಂಬೈನ ಎನ್ಐಎ ವಿಶೇಷ ನ್ಯಾಯಾಲಯಕ್ಕೆ ಸಲ್ಲಿಸಲಾದ ಚಾರ್ಜ್‌ಶೀಟ್‌ನಲ್ಲಿ ಮುಂಬೈನ ತಬಿಶ್ ನಾಸರ್ ಸಿದ್ದಿಕಿ, ಜುಲ್ಫಿಕರ್ ಅಲಿ ಬರೋಡಾವಾಲಾ ಅಲಿಯಾಸ್ “ಲಾಲಾಭಾಯಿ”, ಶರ್ಜೀಲ್ ಶೇಖ್ ಮತ್ತು ಬೊರಿವಲಿ-ಪದಘಾದ ಆಕಿಫ್ ಅತೀಕ್ ನಾಚನ್ ಮತ್ತು ಜುಬೈರ್ ನೂರ್ ಮೊಹಮ್ಮದ್ ಶೇಖ್ ಅಲಿಯಾಸ್ “ಅಬು ನುಸೈಬಾ” ಮತ್ತು ಪುಣೆಯ ಅದ್ನಾಲಿ ಸರ್ಕಾರ್ ಹೆಸರು ಉಲ್ಲೇಖಿಸಲಾಗಿದೆ.
⚡️BREAKING: ISIS terrorist busted in Delhi ahead of Independence Day
— Sputnik India (@Sputnik_India) August 9, 2024
Rizwan Ali, part of Pune Module of ISIS*, had a Rs 3 lakh bounty on his head for his involvement in terror activities and had been absconding, his presence in the capital ahead of Independence Day is being… https://t.co/9uo6iLKZug pic.twitter.com/GOhagDH0nV
ಕಳೆದ ವರ್ಷ ಅಕ್ಟೋಬರ್‌ನಲ್ಲಿ, ದೆಹಲಿ ಪೊಲೀಸರು ಪುಣೆಯಲ್ಲಿ ಐಸಿಸ್ ಸ್ಲೀಪರ್ ಸೆಲ್‌ನ ಭಾಗವಾಗಿದ್ದ ಆರೋಪದಲ್ಲಿ ಎನ್‌ಐಎಯ ಮೋಸ್ಟ್ ವಾಂಟೆಡ್ ಲಿಸ್ಟ್‌ನಲ್ಲಿರುವ ಮೊಹಮ್ಮದ್ ಶಾನವಾಜ್ ಸೇರಿದಂತೆ ಮೂವರು ಐಸಿಸ್ ಭಯೋತ್ಪಾದಕರನ್ನು ಬಂಧಿಸಿದ್ದರು.