ಶ್ರೀಹರಿಕೋಟ: ಕೆಲ ದಿನಗಳ ಹಿಂದಷ್ಟೇ ಚಂದ್ರಯಾನ 3 (Chandrayaan 3) ಮಿಷನ್‌ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO)ಯು ಭಾನುವಾರ (July 30) ಬೆಳಗ್ಗೆ ಸಿಂಗಾಪುರದ ಏಳು ಉಪಗ್ರಹಗಳನ್ನು (PSLV C56 Launch) ಉಡಾವಣೆ ಮಾಡಿದೆ.
ಆಂಧ್ರಪ್ರದೇಶದ ಶ್ರೀಹರಿಕೋಟದಲ್ಲಿರುವ ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದಿಂದ ಸಿಂಗಾಪುರದ ಡಿಎಸ್-ಎಸ್ಎಆರ್ (DS-SAR) ಉಪಗ್ರಹ ಸೇರಿ ಏಳು ಉಪಗ್ರಹಗಳನ್ನು ಹೊತ್ತ ಪಿಎಸ್ಎಲ್ವಿ-56 ರಾಕೆಟ್ ಯಶಸ್ವಿಯಾಗಿ ನಭಕ್ಕೆ ಹಾರಿತು.
ಉಡಾವಣೆಯ ದೃಶ್ಯ
#WATCH | Indian Space Research Organisation (ISRO) launches its PSLV-C56 with six co-passenger satellites from Satish Dhawan Space Centre (SDSC) SHAR, Sriharikota.
— ANI (@ANI) July 30, 2023
(Source: ISRO) pic.twitter.com/2I1pNvKvBH
ಉಡಾವಣೆಗೊಂಡ 20 ನಿಮಿಷಗಳಲ್ಲಿಯೇ ಎಲ್ಲ ಏಳು ಉಪಗ್ರಹಗಳು ಸರಿಯಾದ ಕಕ್ಷೆ ಸೇರಿವೆ ಎಂದು ಇಸ್ರೋ ತಿಳಿಸಿದೆ. “ಏಳು ಉಪಗ್ರಹಗಳನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದ ಇಸ್ರೋ ವಿಜ್ಞಾನಿಗಳಿಗೆ ಅಭಿನಂದನೆಗಳು. ಎಲ್ಲ ಉಪಗ್ರಹಗಳು ಸರಿಯಾದ ಕಕ್ಷೆ ಸೇರಿವೆ” ಎಂದು ಇಸ್ರೋ ಅಧ್ಯಕ್ಷ ಎಸ್. ಸೋಮನಾಥ್‌ ತಿಳಿಸಿದರು.
🇮🇳PSLV-C56/🇸🇬DS-SAR Mission:
— ISRO (@isro) July 30, 2023
The mission is successfully accomplished.
PSLV-C56 vehicle launched all seven satellites precisely into their intended orbits. 🎯
Thanks to @NSIL_India and Singapore, for the contract.
ಡಿಎಸ್-ಎಸ್ಎಆರ್ ಉಪಗ್ರಹದ ಪ್ರಾಥಮಿಕ ಪೇಲೋಡ್ 360 ಕೆಜಿ ಇದೆ. ಈ ಉಪಗ್ರಹವನ್ನು ಸಿಂಗಾಪುರ ಸರ್ಕಾರವನ್ನು ಪ್ರತಿನಿಧಿಸುವ ಡಿಎಸ್‌ಟಿಎ ಮತ್ತು ಎಸ್ ಇಟಿ ಎಂಜಿನಿಯರಿಂಗ್ ನಡುವಿನ ಪಾಲುದಾರಿಕೆಯಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಈ ಉಪಗ್ರಹವನ್ನು ಇಸ್ರೋ 5 ಡಿಗ್ರಿ ಇಳಿಜಾರು ಮತ್ತು 535 ಕಿಮೀ ಎತ್ತರದಲ್ಲಿ ಸಮಭಾಜಕ ಕಕ್ಷೆಗೆ (NEO) ಸೇರಿಸಿದೆ.
ಇದನ್ನೂ ಓದಿ: ISRO: ನೆಕ್ಸ್ಟ್ ಜೆನ್ ನ್ಯಾವಿಗೇಷನ್ ಉಪಗ್ರಹ ಹೊತ್ತ ಇಸ್ರೋದ ಜಿಎಸ್ಎಲ್‌ವಿ ರಾಕೆಟ್ ಯಶಸ್ವಿ ಉಡಾವಣೆ
ಡಿಎಸ್-ಎಸ್ಎಆರ್ ಉಪಗ್ರಹ ನಿಯೋಜನೆಗೆ ಇಸ್ರೋ ನ್ಯೂ ಸ್ಪೇಸ್ ಇಂಡಿಯಾ ಲಿ.(ಎನ್ಎಸ್ಐಎಲ್)ನಿಂದ ಪಿಎಸ್ಎಲ್ವಿ-ಸಿ56 ಖರೀದಿಸಿದೆ. ಸಿಂಗಾಪುರಕ್ಕೆ ಸೇರಿದ TeLEOS-2 ಮತ್ತು Lumelite-4 ಎಂಬ ಎರಡು ಉಪಗ್ರಹಗಳನ್ನು ಪಿಎಸ್ಎಲ್ವಿ ಇಸ್ರೋ ಈ ಹಿಂದೆ ಉಡಾವಣೆ ಮಾಡಿತ್ತು.