ನವ ದೆಹಲಿ: ಪಶ್ಚಿಮ ಬಂಗಾಳದ ಕಡಲೆಕಾಯಿ ಮಾರಾಟಗಾರ ಭುವನ್ ತನ್ನ ಕಚ್ಚಾ ಬಾದಮ್ ಹಾಡಿನ ನಂತರ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು ನಮಗೆಲ್ಲಾ ಗೊತ್ತಿರುವ ವಿಷಯ. ಕಚ್ಚಾ ಬದಾಮ್ ಹಾಡಿನಿಂದ ದೇಶದಾದ್ಯಂತ ವೈರಲ್ ಆದ ಅವರು ಒಂದೇ ರಾತ್ರಿಯಲ್ಲಿ ಸ್ಟಾರ್‌ ಆಗಿಬಿಟ್ಟರು. ಇವರ ಕಚ್ಚಾ ಬದಾಮ್ ಹಾಡಿಗೆ ಮಕ್ಕಳು, ಯುವಕ- ಯುವತಿಯರು, ಮದ್ಯವಯಸ್ಕರು ಹಾಗೂ ವಯಸ್ಸಾದ ಅಜ್ಜ- ಅಜ್ಜಿಯರು ಕೂಡಾ ವಿಡಿಯೊ ಮಾಡಿ ಕುಣಿದು ಕುಪ್ಪಳಿಸಿದ್ದಾರೆ. ಇಂತಹ ಹಾಡಿನ ಗಾಯನಿಕಗೆ ಈಗ ಅವರ ಅಭಿಮಾನಿ ಐ ಫೋನ್‌ ಉಡುಗೊರೆ ನೀಡಿದ್ದಾರೆ.
ಭುವನ್ ಇತ್ತೀಚೆಗೆ ದೇಶದ ನಾನಾಭಾಗಗಳಲ್ಲಿ ಕಾರ್ಯಕ್ರಮಗಳನ್ನು ನೀಡುತ್ತಿದ್ದಾರೆ, ರಾಷ್ಟ್ರ ರಾಜದಾನಿ ದೆಹಲಿಯಲ್ಲಿ ಅವರು ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದರು. ಕಾರ್ಯಕ್ರಮ ತುಂಬಾ ಅದ್ಭುತವಾಗಿ ಮುಗಿದ ಬಳಿಕ ಭುವನ್ ಅಭಿಮಾನಿಯೊಬ್ಬರು ಅವರಿಗೆ ಐಫೋನ್‌ 13 ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಈ ಕುರಿತಂತೆ ಭುವನ್ ಹೀಗೆ ಪ್ರತಿಕ್ರಿಯೆ ನೀಡಿದ್ದಾರೆ “ಐಫೋನ್‌ನ ಉಡುಗೋರೆ ನೀಡಿರುವುದು ತುಂಬಾ ಖುಷಿ ನೀಡಿದೆ. ಇಂತಹ ಉಡುಗೊರೆಯನ್ನು ಎಂದಿಗೂ ನಿರೀಕ್ಷಿಸಿರಲಿಲ್ಲ,ʼ ಎಂದಿದ್ದಾರೆ.
ʻʻಜನರು ನನ್ನನ್ನು ಆಶೀರ್ವದಿಸಿದ್ದಾರೆ. ಈಗ ನಾನು ಎಲ್ಲರಿಗೂ ಪರಿಚಯವಾಗಿರುವುದು ನನಗೆ ಖುಷಿಯಾಗಿದೆ. ಇಂತಹ ಖುಷಿಯ ದಿನಗಳು ಅವರ ಜೀವನದಲ್ಲೂ ಬರುತ್ತವೆ ಅಂತ ಭಾವಿಸಿರಲಿಲ್ಲಿʼʼ ಎನ್ನುತ್ತಾರೆ ಅವರು.
“ಬದಾಮ್ ಬೆಚ್ಚೆ ಖಾಯ್, ಸೆಲೆಬ್ರಿಟಿ ಭಾಯ್, ಬದಾಮೇರ್ ತುಲೋನಾ ದುನಿಯಾತೆ ನಾಯ್” ಎಂಬ ಹೊಸ ಹಾಡನ್ನು ಭುವನ್ ಬಿಡುಗಡೆ ಮಾಡಿದ್ದಾಗಿ ಹೇಳಿದ್ದಾರೆ. ಕಚ್ಚಾ ಬಾದಾಮ್‌ ವೈರಲ್ ಆದ ನಂತರ, ದಾದಾಗಿರಿ ಮತ್ತು ಇಸ್ಮಾರ್ಟ್ ಜೋಡಿ ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿದ್ದಾರೆ.
ಇದನ್ನೂ ಓದಿ: ಉದ್ಯೋಗಿಯೊಬ್ಬ ರಜೆ ಕೇಳಿ ಬಾಸ್‌ಗೆ ಕಳಿಸಿದ ಇ-ಮೇಲ್‌ ವೈರಲ್; ಪ್ರಾಮಾಣಿಕತೆ ಮೆಚ್ಚುವಂಥದ್ದು !