ಮುಂಬೈ: ಆನ್‌ಲೈನ್‌ ಪಬ್ಜಿ ಗೇಮ್‌ ಆಡುವಾಗ ಪರಿಚಯವಾದ ಗ್ರೇಟರ್‌ ನೊಯ್ಡಾದ ಸಚಿನ್‌ ಮೀನಾ ಎಂಬ ಯುವಕನಿಗಾಗಿ ಪಾಕಿಸ್ತಾನದಿಂದ ಭಾರತಕ್ಕೆ ಬಂದ ಸೀಮಾ ಹೈದರ್ (Seema Haider) ಈಗ ದೇಶಾದ್ಯಂತ ಸುದ್ದಿಯಾಗಿದೆ. ಇದರ ಬೆನ್ನಲ್ಲೇ ಸೀಮಾ ಹೈದರ್ ಪ್ರೇಮಕತೆ ಆಧರಿಸಿ ಸಿನಿಮಾ ಕೂಡ ನಿರ್ಮಾಣವಾಗುತ್ತಿದೆ. ಅಷ್ಟಲ್ಲೇ, ಆಗಸ್ಟ್‌ 20 ರಂದು ಇವರ ಕುರಿತ ಸಿನಿಮಾದ ಹಾಡು ಕೂಡ ಬಿಡುಗಡೆಯಾಗಲಿದೆ.
ಹೌದು, ಸೀಮಾ ಹೈದರ್ ಅವರ ಕುರಿತು ಕರಾಚಿ ಟು ನೊಯ್ಡಾ (Karachi To Noida) ಎಂಬ ಸಿನಿಮಾ ನಿರ್ಮಾಣವಾಗುತ್ತಿದ್ದು, ಇದರ ಚಲ್‌ ಪಡೆ ಹೈ ಹಮ್ (Chal Bade Hain Hum) ಎಂಬ ಹಾಡು ಭಾನುವಾರ ರಿಲೀಸ್ ಆಗುತ್ತಿತ್ತು. ಪ್ರೀತಿ ಸರೋಜ್‌ ಅವರು ಹಾಡು ಹಾಡಿದ್ದು, ನಿರ್ಮಾಪಕ ಅಮಿತ್‌ ಜಾನಿ ಅವರೇ ಸಿನಿಮಾ ಹಾಡು ಬರೆದಿದ್ದಾರೆ. ಶಶಾಂಕ್‌ ದುರ್ಗವಂಶಿ ಅವರು ಕಂಪೋಸ್‌ ಮಾಡಿದ್ದಾರೆ. ಹಾಡಿನ ರಿಲೀಸ್ ಕುರಿತು ಪೋಸ್ಟರ್ ಮೂಲಲ ಮಾಹಿತಿ ನೀಡಲಾಗಿದೆ.
ಸಿನಿಮಾ ಪೋಸ್ಟರ್
ಇದನ್ನೂ ಓದಿ: Seema Haider: ತಿರಂಗಾ ಹಾರಿಸಿ ಭಾರತ್‌ ಮಾತಾ ಕಿ ಜೈ ಎಂದ ಪಾಕಿಸ್ತಾನದ ಸೀಮಾ ಹೈದರ್! ವಿಡಿಯೊ ವೈರಲ್‌
ಅಮಿತ್‌ ಜಾನಿ ಅವರು ಸಿನಿಮಾದ ನಿರ್ದೇಶಕರೂ ಆಗಿದ್ದಾರೆ. ಸೀಮಾ ಹೈದರ್ ಅವರಿಗೆ ಇದು ಬಾಲಿವುಡ್‌ನ ಮೊದಲ ಸಿನಿಮಾ ಆಗಿದೆ. ಇದಕ್ಕೂ ಮೊದಲು, ಬಾಲಿವುಡ್‌ನ ಬೇರೆ ಸಿನಿಮಾದಲ್ಲಿ ಸೀಮಾ ಹೈದರ್ ನಟಿಸುತ್ತಿದ್ದಾರೆ ಎಂಬ ಕುರಿತು ಮಾತುಗಳು ಕೇಳಿಬಂದಿದ್ದವು. ಆದರೆ, ಈ ಕುರಿತು ಇದುವರೆಗೆ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ. ಆದರೆ, ಕರಾಚಿ ಟು ನೊಯ್ಡಾ ಸಿನಿಮಾದ ಶೂಟಿಂಗ್‌ ನಡೆಯುತ್ತಿದೆ ಎಂದು ಮೂಲಗಳು ತಿಳಿಸಿವೆ. ಷ
2020ರಲ್ಲಿ ಸೀಮಾ ಹೈದರ್ ಹಾಗೂ ಸಚಿನ್‌ ಮೀನಾ ಪಬ್ಜಿ ಆನ್‌ಲೈನ್‌ ಗೇಮ್‌ ಮೂಲಕ ಪರಿಚಯವಾಗಿದ್ದು, ಪರಿಚಯ ಪ್ರೀತಿಗೆ ತಿರುಗಿದೆ. ಕೊನೆಗೆ ಇಬ್ಬರೂ ಮದುವೆಯಾಗಲು ನಿರ್ಧರಿಸಿದ್ದು, ಸೀಮಾ ಹೈದರ್ ಅವರು ಪಾಕಿಸ್ತಾನದ ಸಿಂಧ್‌ ಪ್ರಾಂತ್ಯದಲ್ಲಿದ್ದ ತಮ್ಮ ಮನೆ ಮಾರಿ, ಅಕ್ರಮವಾಗಿ ಭಾರತವನ್ನು ಪ್ರವೇಶಿಸಿದ್ದಾರೆ. ಅಕ್ರಮವಾಗಿ ಭಾರತ ಪ್ರವೇಶಿಸಿದ ಸೀಮಾ ಹೈದರ್ ಅವರಿಗೆ ಆಶ್ರಯ ನೀಡಿದ ಕಾರಣ ಸೀಮಾ ಹೈದರ್, ಆಕೆಯ ನಾಲ್ಕು ಮಕ್ಕಳು, ಸಚಿನ್‌ ಮೀನಾ ಹಾಗೂ ಆತನ ತಂದೆಯನ್ನು ಬಂಧಿಸಿ, ಬಿಡುಗಡೆ ಮಾಡಲಾಗಿದೆ. ಸೀಮಾ ಹೈದರ್ ಪಾಕಿಸ್ತಾನದ ಗೂಢಚಾರಿ ಇರಬಹುದು ಎಂಬ ಶಂಕೆಯಿಂದ ಎಟಿಎಸ್‌ ವಿಚಾರಣೆ ಕೂಡ ನಡೆಸಿದೆ.